20 აპრილს, "BuzzFeed News"-ის თანამშრომლებმა დამფუძნებლისგან, ჯონაჰ პერეტისგან, პლატფორმის დახურვის პროცესის დაწყებასთან დაკავშირებით მიიღეს შეტყობინება.

დამფუძნებლის განცხადებით:

• საწყის ეტაპზე 15%-ით (დაახლოებით 180 ადამიანი) შეამცირებდნენ სხვადასხვა დეპარტამენტებში თანამშრომლების რაოდენობას.
• იმ თანამშრომელთა ნაწილისთვის, რომლებიც ამ შემცირებაში მოყვებიან, "Huff Post" გამოაცხადებს მიღებას. "Huff Post" 2020 წელს "Buzzfeed"-მა შეისყიდა და მათი ბიზნეს მოდელით, ფინანსების ძირითადი წყარო ერთგული მკითხველია.
• ამ გადაწყვეტილების მიღება პანდემიასთან ერთად, რთულმა ეკონომიკურმა მდგომარეობამ, ციფრული ბაზრის შენელებამ და პლატფორმების სწრაფმა ცვლილებებმა განაპირობა.

მოკლედ "BuzzFeed News"-ის შესახებ:

• პლატფორმა 2011 წლიდან ფუნქციონირებს, როგორც "Buzzfeed"-ის ერთ-ერთი "დანაყოფი".
• 2022 წლის მონაცემებით, ვებგვერდს 20 მილიონამდე უნიკალური ვიზიტორი ჰყავდა.
• თუმცა ბოლო თვეებში "Facebook"-ზე მომხმარებელთა რაოდენობა მკვეთრად შემცირდა, რასაც თანამედროვე აუდიტორიაში მოკლე ვიდეოების აპლიკაციბის (Tik-Tok) პოპულარობით ხსნიან.
• 2021-ში "Buzzfeed News"-მა მოიგო პულიტცერის პრიზი "საერთაშორისო გაშუქების" ნომინაციაში. მათი საგამოძიებო რეპორტაჟი შეეხებოდა ჩინეთის ხელისუფლების ბრუტალურ დამოკიდებულებას ჩინეთში მაცხოვრებელი უიღურების (ცენტრალურ და აღმოსავლეთ აზიაში მცხოვრები თურქული ეთნოსი) მიმართ.

მეტი:

• სიტუაცია განსაკუთრებით SPAC(სპეციალური დანიშნულების შემსყიდველი კომპანია)-ში გაერთიანებამ დაამძიმა, რადგან ინვესტიციის სახით ე.წ stocks-ში არასაკმარისი თანხა იდებოდა "Buzzfeed News"-ში.
• ჯონაჰ პერეტი თანამშრომლებს წერს, რომ ეს შედეგი მხოლოდ მისი ბრალია რადგან ზედმეტად დიდი ფინანსური და ფიზიკური რესურსი დაუთმო "Buzzfeed News", თუმცა მისივე თქმით: "საკუთარ შეცდომებზე ვსწავლობთ და ახლა ვიცი, რომ დიდ ბიზნესს (პლატფორმებს) არასდროს ენდომებათ მხარი დაუჭიროს თავისუფალ, დამოუკიდებელი ციფრულ ჟურნალისტიკას".
• მიუხედავად ჩადებული რესურსისა, სოციალურ მედიაზე დაფუძნებული აუდიტორია ვერ უწევს სათანადო ფინანსურ დახმარებას უფასო ახალი ამბების ვებგვერდს.
• კომპანიამ, ექსპერიმენტის სახით დაიწყო ხელოვნური ინტელექტის გამოყენებაც ქვიზებისა და სხვა გასართობი ტიპის კონტენტის შესაქმნელად.

ბოლო 6 თვის მაჩვენებლები:


სხვა გამოცემები მსგავსი პრობლემით:

• 12 იანვარი - NBC News-მა და MSNBC-მ "კორპორატიული რეორგანიზაციისთვის" 75 თანამშრომელი გაათავისუფლა.
• 21 იანვარი - Vox-მა გაათავისუფლა თანამშრომლების 7%, დაახლოებით 133 ადამიანი ეკონიმუკური სიძნელეების გამო.
• 17 თებერვალს ნიუ-იორკის საზოგადოებრივმა რადიომ 15წლიანი მაუწყებლობის დახურა გადაცემა "The Takeaway", მათი განცხადებით მიზეზი ფინანსური პრობლემებია, რადგან გადაცემის მომზადება დიდ თანხებთანა დაკავშირებული.
• ბიუჯეტის დეფიციტით განმარტა 4 პოდკასტის დახურვა და 100-მდე თანამშრომლის გათავისუფლება NPR-მა.
• 20 აპრილს თანამშრომლების რაოდენობის 10%-ით შემცირებაზე გაავრცელა განცხადება "Insider"-მაც, მათი წარმომადგენლის ცნობით, "კომპანიას სიჯანსაღისა და კონკურენტუნარიანობის შესანარჩუნებლად" მიიღეს ეს გადაწყვეტილება.