უკრაინულმა არასამთავრობო ორგანიზაციამ, მასობრივი ინფორმაციის ინსტიტუტმა 24 მაისს გამოაქვეყნა განახლებული ანგარიში, რომლის მიხედვითაც, რუსეთმა 514 დანაშაული ჩაიდინა ჟურნალისტებისა და მედიის წინააღმდეგ.

• დაკარგულად ითვლება 14 ჟურნალისტი, გაიტაცეს 21, დაჭრილია 18.
• ომის დაწყებიდან დღემდე დაბომბეს 16 სატელევიზიო ანძა, დაფიქსირდა ჟურნალისტზე თავდასხმის 37 შემთხვევა.

ბოლო მონაცემებით, ომის დაწყებიდან დღემდე 59 ჟურნალისტი დაიღუპა.

• 10 პროფესიული მოვალეობის შესრულებისას;
• 13 რუსეთის თავდასხმის დროს;
• 36 მათგანი კი უკრაინაში რუსეთის წინააღმდეგ ბრძოლისას.

ჟურნალისტები, რომლებიც პროფესიული საქმიანობისას დაიღუპნენ:

• ევგენი საკუნი - ტელეკომპანია LIVE–ის ოპერატორი (დაიღუპა 1 მარტს კიევში სატელევიზიო ანძაზე რუსული სარაკეტო შეტევის დროს).
• ბრენტ რენო - ჟურნალისტი და კინორეჟისორი (რუსმა ჯარისკაცებმა ესროლეს 13 მარტს).
• პიერ ზაკრჟევსკი - Fox News-ის ოპერატორი (14 მარტს კიევთან ახლოს, ჰორენკაში ცეცხლი გაუხსნეს).
• ალექსანდრა (საშა) კუვშინოვა - Fox News-ის პროდიუსერი ( 14 მარტს კიევთან ახლოს, ჰორენკაში ზაკრჟევსკისთან ერთად იმყოფებოდა, როცა ცეცხლი გაუხსნეს).
• ოკსანა ბაულინა - რუსი ჟურნალისტი The Insider-ისთვის. (23 მარტს კიევის დაბომბილ პოდილსკის რაიონს იღებდა, რა დროსაც რუსეთის ძალებმა ტერიტორია კიდევ ერთხელ დაბომბეს).
• მაქსიმ ლევინი - ფოტორეპორტიორი (დაიკარგა 13 მარტს, ფოტოგრაფის ცხედარი კიევთან ახლოს ერთ-ერთ სოფელში 1 აპრილს ნახეს).
• მანტას კვედარავიჩიუსი - ლიეტუველი რეჟისორი და დოკუმენტალისტი. (რუსმა ოკუპანტება მაშინ მოკლეს, როცა ის ქალაქ მარიუპოლის დატოვებას ცდილობდა).
• ფრედერიკ ლეკლერკ-იმჰოფი - ფრანგული არხის BFMTV-ის ჟურნალისტი (2023 წლის 30 მაისს ლუგანსკის რეგიონს იღებდა, რა დროსაც ტერიტორია დაბომბეს).
• ბოჰდან ბიტიკი - იტალიური გაზეთ La Repubblica-ს პროდიუსერი (დაიღუპა 2023 წლის 26 აპრილს ხერსონში რუსეთის თავდასხმის შედეგად).
• არმან სოლდინი - Agence France-Presse-ს (AFP) ვიდეორეპორტიორი (2023 წლის 9 მაისს რუსეთის მიერ გახსნილ ცეცხლს ემსხვერპლა).

რჩევები უკრაინაში ომის გაშუქებისთვის