27 თებერვალს ტელეკომპანია „მაესტროს“ მთავარი საინფორმაციო გამოშვების - „მაესტროს ცხრიანი“ მთავარი თემა ინფრასტრუქტურის სამინისტროში ჩატარებული ტენდერები და იქ არსებული ნეპოტიზმი იყო. თემაზე სასაუბროდ სტუდიაში მიწვეული ჰყავდათ ინფრასტრუქტურის მინისტრის მოადგილე, ნოდარ ჯავახიშვილი. რესპონდეტის თქმით, თემა, რომელზეც მას უნდა ესაუბრა წინასწარ შეთანხმებული არ იყო.

„ინფრასტრუქტურის სამინისტროსა და მის სსიპ-ებში ჩატარებული ტენდერები ეჭვს აჩენს. მინისტრის მოადგილე მათ კანონიერებაზე უკვე საუბრობს და საქმეებსაც სწავლობს... არის თუ არა შავლიაშვილის უწყებაში ნეპოტიზმის ნიშნები?“ - ამ სიტყვებით გახსნა წამყვანმა „მაესტროს ცხრიანი“ და იქვე დააანონსა, რომ ამ თემაზე სტუდიაში სასაუბროდ მიწვეული იყო ინფრასტრუქტურის მინისტრის მოადგილე, ნოდარ ჯავახიშვილი და სტუმრობისთვის მას მადლობაც გადაუხადა.

„იგივე დიდი მადლობით ნამდვილად ვერ მოგმართავთ. მთელი დღის განმვლობაში მქონდა კავშირი „მაესტროსთან“ და ერთადერთი თემა, რომელზეც დღეს უნდა გვესაუბრა, იყო ეროვნული ვალუტის მდგომარეობა... რაც შეეხება იმ განცხადებებს, რომლებიც ახლა აქ მოვისმინე, ძალიან კარგი იქნებოდა თუ ამის შესახებ ცოტათი ადრე მექნებოდა ინფორმაცია, რადგანაც კონკრეტულ საწარმოებზე და კონტრაქტორებზე ცოტა უფრო მეტი დეტალური ინფორმაცია მექნებოდა,“ - განაცხადა ნოდარ ჯავახიშვილმა.

კითხვები, რომლებიც წამყვანებმა მინისტრის მოადგილეს დაუსვეს, ძირითადად სამინისტროში ჩატარებულ ტენდერებს, ტენდერებში გამარჯვებულ კონკრეტულ კომპანიებს, სამინისტროში განხორცილებულ საკადრო ცვლილებებს და იქ ჩატარებულ თუ ჩასატარებელ კონკურსებს ეხებოდა. საუბრის ბოლოს წამყვანებმა ნოდარ ჯავახიშვილს ლარის დევალვაციის მიზეზების შეფასებაც სთხოვეს.

მაუწყებელთა ქცევის კოდექსი

მუხლი 20

1. მაუწყებლები და პროგრამის შემქმნელები/პროდუსერები პროგრამის პოტენციურ მონაწილეებს უნდა მოეპყრონ სამართლიანობის პრინციპის დაცვით

2. პროგრამაში მიწვევისას მაუწყებელმა პოტენციურ მონაწილეს უნდა აცნობოს (გარდა შემთხვევისა, თუ განხილვისა საგანი ტრივიალურია და მონაწილის მნიშვნელობა მინიმალური);

ა) პროგრამის არსი, მიზანი და მიწვევის მიზეზები, გადაცემის თემა და მათი მოწვევის მიზანი. როდის ( თუ ცნობილია) და სად გადაიცემა იგი პირველად“

გ) სავარაუდო კითხვები და სხვა სავარაუდო სტუმრების ვინაობა.