ფოტო გადაღებულია 16 ოქტომბერს, „საზოგადოებრივი მაუწყებლის“ ახალი შენობის ოფიციალური გახსნის ღონისძიებაზე

„საზოგადოებრივი მაუწყებლის“ სამეურვეო საბჭოს 31 ოქტომბრის გადაწყვეტილებით, თინათინ ბერძენიშვილთან 2020 წლის 25 სექტემბერს გაფორმებულ შრომით ხელშეკრულებაში ცვლილება შევიდა და 2025 წლის 1 იანვრიდან გენერალური დირექტორის შრომის ანაზღაურებად 16 250 ლარი (დარიცხული) განისაზღვრა.

თიკო ბერძენიშვილი „საზოგადოებრივი მაუწყებლის“ გენერალურ დირექტორად სამეურვეო საბჭომ 2020 წლის 25 სექტემბერს 6 წლის ვადით აირჩია. 2020 წლის 22 სექტემბრის გადაწყვეტილებით კი, სამეურვეო საბჭომ „საზოგადოებრივი მაუწყებლის“ გენერალური დირექტორის შრომის ანაზღაურებად 12 500 ლარი (დარიცხული) განსაზღვრა. 

მანამდე გენერალური დირექტორის პოზიციაზე თანამდებობრივი სარგო, როგორც „საზოგადოებრივი მაუწყებელი“ წერს, 4 000 ლარს შეადგენდა (ხელზე ასაღები თანხა).

თიკო ბერძენიშვილი „საზოგადოებრივი მაუწყებლის“ გენერალური დირექტორის პირველი მოადგილე იყო, ვასილ მაღლაფერიძის გადადგომის შემდეგ კი, გენერალური დირექტორის მოვალეობას ასრულებდა. 

სტუდენტური მოძრაობა - „თავისუფლებისთვის“ დამფუძნებელი, ნიკო მანაგაძე სპეციალურმა საგამოძიებო სამსახურმა ჟურნალისტურ საქმიანობაში უკანონოდ ხელის შეშლის ფაქტზე დაწყებული გამოძიების ფარგლებში გამოკითხვაზე დაიბარა. 

გუშინ, 20 ნოემბერს საგამოძიებო სამსახურმა გაავრცელა ინფორმაცია, რომ 18-19 ნოემბერს, ჭავჭავაძისა და მელიქიშვილის გამზირზე აქციის მიმდინარეობის დროს, სხვადასხვა ტელეკომპანიის თანამშრომლებისთვის ჟურნალისტურ საქმიანობაში უკანონოდ ხელის შეშლის ფაქტზე გამოძიება საქართველოს სისხლის სამართლის კოდექსის 154-ე მუხლის პირველი და მეორე ნაწილით დაიწყო. სამსახურმა „მედიაჩეკერთან“ განმარტა, რომ ამ ტელეკომპანიებში „იმედი“, „მთავარი არხი“ და „პირველი არხი“ იგულისხმება.

როგორც მანაგაძე ფეისბუკის პირად გვერდზე წერს: „იმედის ჟურნალისტს პირდაპირ ეთერში ვკითხე, გმობდნენ თუ არა მათ კოლეგაზე (“მთავარი არხის” ოპერატორზე) პოლიციის მხრიდან ძალადობას, კამერის დამტვრევას და მის უკანონოდ დაკავებას. და უთხრეს თუ არა ამის შესახებ თავიანთ მაყურებელს, გაუშვეს თუ არა ამის ამსახველი კადრები ეთერში.. (ტელევიზია, რომელიც მუდმივად 7 ნოემბერზე და თავიანთი ჟურნალისტების მიმართ არასათანადო მოპყრობაზე აპელირებს წინა ხელისუფლების კონტექსტში).

და ტრაგიკომიკური ისაა, რომ იმ “პოლიციელებზე” კი არ აღძრეს საქმე, რომლებმაც (რბილად რომ ვთქვათ) მართლა ხელი შეუშალეს მედიის წარმომადგენელს ბრუტალური მეთოდებით მუშაობაში, ფიზიკურად გაუსწორდნენ, კამერა დაულეწეს და დააკავეს, მე გამომაცხადეს ჟურნალისტურ საქმიანობაში ხელის შემშლელად ამაზე კითხვა რომ დავუსვი პირდაპირ ეთერში მათ “კოლეგებს”.

საქართველო. 2024. პ.ს. ტელეკომპანია “იმედმა” მოგვმართა ამასთან დაკავშირებითო. :))“.

 

19 ნოემბერს პროფესიულ საქმიანობაში ხელი მედიის 4 წარმომადგენელს შეუშალეს:

• პროფესიული მოვალეობის შესრულებისას ფიზიკურად იძალადეს და დააკავეს „მთავარი არხის“ ოპერატორი სერგი ბარამიძე; ის მოგვიანებით ხელწერილის საფუძველზე გაათავისუფლეს.

• სამართალდამცველებმა ფიზიკური შეურაცხყოფა მიაყენეს “პუბლიკას” ჟურნალისტს მინდია გაბაძეს.

• სპეციალური დანიშნულების რაზმის წევრებმა ხელი შეუშალეს OC Media-ს ჟურნალისტს, მარიამ ნიკურაძეს პროფესიული მოვალეობის შესრულებაში;

• სამართალდამცველებმა Netgazeti-ს კორესპონდენტს, გივი ავალიანს არ მისცეს გადაღების საშუალება.

 

„მთავარი არხის“ ოპერატორის დაკავების შემდეგ საპატრულო პოლიციის დეპარტამენტის მთავარი სამმართველოს უფროსის მოადგილემ, გოგა მემანიშვილმა ამავე ტელეკომპანიასთან საუბრის დროს განაცხადა, რომ „სასამართლოზე მიბრძანდება[სერგი ბარამიძე] და იქ დაამტკიცოს თავისი უდანაშაულობა. ოპერატორი ან ჟურნალისტი თუ კანონს არღვევს, ხელშეუხებელია? თვითონ დაკავებულს განემარტებოდა დაკავების არსი. თუ უდანაშაულოდ ცნობს თავს, სასამართლოში იტყვის“. ტელეკომპანია „ფორმულასთან“ კი, მემანიშვილმა იკითხა: „იმუნიტეტი იცავს ოპერატორს ან ჟურნალისტს?.. კანონს თუ არღვევს და არ ემორჩილება პოლიციას, არ უნდა დავაკავოთ?“

„მედიაომბუდსმენმა“ მედიის ამ წარმომადგენლების დევნისა და დაკავების შეტყობინებებით სპეციალურ საგამოძიებო სამსახურს იმ დღესვე მიმართა. საგამოძიებო სამსახურში გამოკითხვაზე დაბარებულია მინდია გაბაძე და მარიამ ნიკურაძე, გივი ავალიანი კი უწყებამ უკვე გამოკითხა. 

მედიის წარმომადგენლებისთვის პროფესიულ საქმიანობაში ხელშეშლისა და ფიზიკური შეურაცხყოფის შემთხვევებს გამოეხმაურა „ჟურნალისტთა დაცვის კომიტეტი“ - CPJ და სამოქალაქო საზოგადოების არაერთი ქართული ორგანიზაცია. 

პოლიციის მხრიდან ჟურნალისტურ საქმიანობაში ხელშეშლის ფაქტებს ერთობლივი განცხადებით გამოეხმაურნენ საქართველოში მომუშავე ონლაინ მედიებიც: On.ge, „პუბლიკა“, „ტაბულა“, Netgazeti, „ბათუმელები“.

სპეციალურ საგამოძიებო სამსახურს 19 ნოემბერსვე მიმართა ტელეკომპანია „იმედმაც“. „იმედი“ პროფესიულ საქმიანობაში ხელშეშლად მიიჩნევს იმას, რომ აქციის დარბევისა და ჟურნალისტებზე ძალადობის შემდეგ პროტესტის მონაწილეები პროსამთავრობო მედიის კამერის წინ საქართველოს დროშით დგებოდნენ და „მთავარი არხის“ ოპერატორისთვის მიყენებული ფიზიკური შეურაცხყოფის დაგმობას სთხოვდნენ.

„იმედის“ მიერ საგამოძიებო სამსახურისთვის მიმართვას ბრიფინგზე გამოეხმაურა „ქართული ოცნების“ აღმასრულებელი მდივანი.

 „„ნაცმედიის“ რომელიმე წარმომადგენელს ვიღაცა რაღაცას ეტყვის, გადაკრულ სიტყვას და კიოდნენ და წიოდნენ, ჟურნალისტურ საქმიანობაში ხელს გვიშლიანო”, - თქვა მამუკა მდინარაძემ. 

ვოდეო

„იმედის“ მიმართ პატივისცემა გამოხატა „ქართული ოცნების“ კიდევ ერთმა ლიდერმა, ნინო წილოსანმა: „რაც ეხლა იმედის , საზოგადოებრივი მაუწყებლის და სხვა ობიექტური ჟურნალისტების მიმართ ხდება აქციაზე არის სიბნელე და ჩვეულებრივი ფაშიზმი..“ 

„პირველმა არხმა“ კი, 19 ნოემბერს გამოაქვეყნა მასალა სათაურით - „აქციის მონაწილეები ჟურნალისტებს მუშაობაში ხელს უშლიან“. ვიდეოში ჩანს, რომ მოქალაქე პროტესტის ნიშნად „მოამბის“ ჟურნალისტის, შალვა სუმბაძის პირდაპირ ეთერში ჩართვისას კამერასთან ევროკავშირის დროშას აფრიალებს.

თბილისის სახელმწიფო უნივერსიტეტის პირველ კორპუსთან მიმდებარე ტერიტორია პროტესტანტებს კარვებით გადაკეტილი 17 ნოემბრიდან ჰქონდათ. ისინი 26 ოქტომბრის საპარლამენტო არჩევნებს გაყალბებულად მიიჩნევენ და ხელახალ არჩევნებს მოითხოვენ.

ნიკო მანაგაძეს მიმდინარე წლის 7 ივნისს თბილისის სახელმწიფო უნივერსიტეტის წინ რამდენიმე ახალგაზრდა თავს დაესხა და ფიზიკურად გაუსწორდა. ის კლინიკაშიც გადაიყვანეს. მანაგაძეს დაზარალებულის სტატუსი აქვს, თუმცა მისი ცემის ფაქტზე ჯერ გამოვლენილი არავინ არ არის. 

ფოტო - პუბლიკა


„ჟურნალისტთა დაცვის კომიტეტი“ - CPJ 19 ნოემბერს, სამართალდამცავების მიერ ჭავჭავაძის გამზირზე მიმდინარე მშვიდობიანი აქციის ძალის გამოყენებით დაშლასა და მედიის წარმომადგენლებისთვის პროფესიულ საქმიანობაში ხელშეშლისა და ფიზიკური შეურაცხყოფის შემთხვევებს ეხმაურება.

CPJ-ის ევროპისა და ცენტრალური აზიის პროგრამის კოორდინატორის, გულნოზა საიდის განცხადებით, პოლიციის თანამშრომლების მიერ ოპერატორ სერგი ბარამიძის დაკავება და სხვა ჟურნალისტებისთვის, რომლებიც მიმდინარე საპროტესტო აქციებს აშუქებდნენ, ძალისმიერი ხელის შეშლა მიუღებელია და საფრთხეს უქმნის მნიშვნელოვან მოვლენებზე ქართველი ხალხის ხელმისაწვდომობას. 

„საქართველოს ხელისუფლებამ დაუყოვნებლივ უნდა გამოიძიოს პოლიციის მხრიდან მედიის წარმომადგენლებზე ძალადობის ყველა შემთხვევა და უზრუნველყოს დამნაშავეების პასუხისგებაში მიცემა“.

19 ნოემბერს პროფესიულ საქმიანობაში ხელი მედიის 4 წარმომადგენელს შეუშალეს. 

• პროფესიული მოვალეობის შესრულებისას ფიზიკურად იძალადეს და დააკავეს “მთავარი არხის” ოპერატორი სერგი ბარამიძე; ის მოგვიანებით ხელწერილის საფუძველზე გაათავისუფლეს.
• სამართალდამცველებმა ფიზიკური შეურაცხყოფა მიაყენეს “პუბლიკას” ჟურნალისტს მინდია გაბაძეს.
• სპეციალური დანიშნულების რაზმის წევრებმა ხელი შეუშალეს OC Media-ს ჟურნალისტს, მარიამ ნიკურაძეს პროფესიული მოვალეობის შესრულებაში;
• სამართალდამცველებმა Netgazeti-ს კორესპონდენტს, გივი ავალიანს არ მისცეს გადაღების საშუალება.

„მედიაომბუდსმენმა“ მედიის ამ წარმომადგენლების დევნისა და დაკავების შეტყობინებებით სპეციალურ საგამოძიებო სამსახურს იმ დღესვე მიმართა. საგამოძიებო სამსახურში გამოკითხვაზე დაბარებულია მინდია გაბაძე და მარიამ ნიკურაძე, გივი ავალიანი კი უწყებამ უკვე გამოკითხა. 

გუშინ, 20 ნოემბერს კი, სპეციალურმა საგამოძიებო სამსახურმა გაავრცელა განცხადება, რომ გამოძიება „იმედის“, „მთავარი არხისა“ და „საზოგადოებრივი მაუწყებლის“ თანამშრომლებისთვის ჟურნალისტურ საქმიანობაში უკანონოდ ხელის შეშლის ფაქტზე დაიწყო.

თბილისის სახელმწიფო უნივერსიტეტის პირველ კორპუსთან მიმდებარე ტერიტორია პროტესტანტებს კარვებით გადაკეტილი 17 ნოემბრიდან ჰქონდათ. ისინი 26 ოქტომბრის საპარლამენტო არჩევნებს გაყალბებულად მიიჩნევენ და ხელახალ არჩევნებს მოითხოვენ.

სპეციალური საგამოძიებო სამსახურის განცხადებით, 18-19 ნოემბერს, ჭავჭავაძისა და მელიქიშვილის გამზირზე აქციის მიმდინარეობის დროს, სხვადასხვა ტელეკომპანიის თანამშრომლებისთვის ჟურნალისტურ საქმიანობაში უკანონოდ ხელის შეშლის ფაქტზე, საქართველოს სისხლის სამართლის კოდექსის 154-ე მუხლის პირველი და მეორე ნაწილით გამოძიება დაიწყო.

როგორც საგამოძიებო სამსახურმა „მედიაჩეკერთან“ განმარტა, ამ ტელეკომპანიებში „იმედი“, „მთავარი არხი“ და „პირველი არხი“ იგულისხმება. 

„რაც შეეხება სხვა შემთხვევებს, თუ ვინმემ მოგვმართა, ყველა შემოსულ შეტყობინებასა და მომართვას სწავლობს საგამოძიებო სამსახური და ექნებათ სამართლებრივი რეაგირება. ამ ეტაპზე ჩვენთან გამოცხადდნენ ამ ტელეკომპანიის ჟურნალისტები“. 

გუშინ, 19 ნოემბერს სამართალდამცავებმა ჭავჭავაძის გამზირზე მიმდინარე მშვიდობიანი აქცია ძალის გამოყენებით დაშალეს, რის შედეგადაც 4 ჟურნალისტი დაშავდა. ტელეკომპანია „მთავარი არხის“ ოპერატორი სერგი ბარამიძე კი ძალის გამოყენებით დააკავეს და მოგვიანებით ხელწერილის საფუძველზე გაათავისუფლეს. 

„მედიაომბუდსმენმა“ მედიის წარმომადგენლების დევნისა და დაკავების შეტყობინებებით სპეციალურ საგამოძიებო სამსახურს გუშინვე მიმართა.

• პროფესიული მოვალეობის შესრულებისას ფიზიკურად იძალადეს და დააკავეს “მთავარი არხის” ოპერატორი სერგი ბარამიძე;
• სამართალდამცველებმა ფიზიკური შეურაცხყოფა მიაყენეს “პუბლიკას” ჟურნალისტს მინდია გაბაძეს.
• სპეციალური დანიშნულების რაზმის წევრებმა ხელი შეუშალეს OC Media-ს ჟურნალისტს, მარიამ ნიკურაძეს პროფესიული მოვალეობის შესრულებაში;
• სამართალდამცველებმა Netgazeti-ს კორესპონდენტს, გივი ავალიანს არ მისცეს გადაღების საშუალება.

მედიის წარმომადგენლებისთვის პროფესიულ საქმიანობაში ხელშეშლისა და ფიზიკური შეურაცხყოფის შემთხვევებს სამოქალაქო საზოგადოების არაერთი ორგანიზაცია გამოეხმაურა. 

გუშინვე სპეციალურ საგამოძიებო სამსახურს მიმართა სამთავრობო ტელეკომპანია „იმედმაც“. „იმედი“ პროფესიულ საქმიანობაში ხელშეშლად მიიჩნევს იმას, რომ აქციის დარბევისა და ჟურნალისტებზე ძალადობის შემდეგ პროტესტის მონაწილეები პროსამთავრობო მედიის კამერის წინ საქართველოს დროშით დგებოდნენ და „მთავარი არხის“ ოპერატორისთვის მიყენებული ფიზიკური შეურაცხყოფის დაგმობას სთხოვდნენ.

„პირველმა არხმა“ კი, 19 ნოემბერს გამოაქვეყნა მასალა სათაურით - „აქციის მონაწილეები ჟურნალისტებს მუშაობაში ხელს უშლიან“. ვიდეოში ჩანს, რომ მოქალაქე პროტესტის ნიშნად „მოამბის“ ჟურნალისტის, შალვა სუმბაძის პირდაპირ ეთერში ჩართვისას კამერასთან ევროკავშირის დროშას აფრიალებს.

19 ნოემბერს „პირველი არხის“ დილის ეთერში, 10:34 წუთზე, გავიდა მასალა, სადაც ჩანს, რომ მოქალაქე პროტესტის ნიშნად „მოამბის“ ჟურნალისტის, შალვა სუმბაძის პირდაპირ ეთერში ჩართვისას კამერასთან ევროკავშირის დროშას აფრიალებს. ეს ვიდეომასალა წარწერით - „აქციის მონაწილეები ჟურნალისტებს მუშაობაში ხელს უშლიან“ ტელეკომპანიამ გამოაქვეყნა ფეისბუკის ოფიციალურ გვერდზეც. 

„პირველი არხი“ პროფესიულ საქმიანობაში ხელშეშლად მიიჩნევს იმას, რომ მოქალაქე „პირველი არხის“ ჟურნალისტს მიმართავს ფრაზით: „ჩვენი ფულით ფინანსდებით თქვენ და მე ძალიან არ მომწონს, რომ საზოგადოების აზრს არ აშუქებთ ობიექტურად“. შალვა სუმბაძე კი მოქალაქეს კონკრეტული მაგალითის დასახელებას სთხოვს: „მაშინ რა ვთქვი არაობიექტურად, შეგიძლიათ, რომ ამიხსნათ?“

ამავე ვიდეოში ჩანს, რომ აქციის მონაწილე საქართველოს დროშას ტელეკომპანია „იმედის“ კამერის წინაც შლის, ისმის პროტესტანტების უკმაყოფილების გამომხატველი ფრაზებიც ტელევიზიის მიმართ. 

დამატებითი ინფორმაცია: „იმედმა“ გუშინ სპეციალურ საგამოძიებო სამსახურსაც მიმართა. ტელეკომპანია პროფესიულ საქმიანობაში ხელშეშლად მიიჩნევს იმას, რომ აქციის დარბევისა და ჟურნალისტებზე ძალადობის შემდეგ პროტესტის მონაწილეები პროსამთავრობო მედიის კამერის წინ საქართველოს დროშით დგებოდნენ და „მთავარი არხის“ ოპერატორისთვის მიყენებული ფიზიკური შეურაცხყოფის დაგმობას სთხოვდნენ.

რა მოხდა 19 ნოემბერის დილას?

გამთენიისას სამართალდამცავებმა ჭავჭავაძის გამზირზე მიმდინარე მშვიდობიანი აქცია ძალის გამოყენებით დაშალეს. პროფესიულ საქმიანობაში კი, ხელი შეუშალეს და ფიზიკური შეურაცხყოფა მიაყენეს მედიის 4 წარმომადგენელს.

თბილისის სახელმწიფო უნივერსიტეტის პირველ კორპუსთან მიმდებარე ტერიტორია პროტესტანტებს კარვებით გადაკეტილი 17 ნოემბრიდან ჰქონდათ. ისინი 26 ოქტომბრის საპარლამენტო არჩევნებს გაყალბებულად მიიჩნევენ და ხელახალ არჩევნებს მოითხოვენ.

აღსანიშნავია, რომ ზემოთ განხილული მასალის „პირველი არხის“ ეთერში (10:34) გასვლამდე და სოციალურ ქსელში გამოქვეყნებამდე (10:47) უკვე ცნობილი იყო (08:42), რომ „მთავარი არხის” ოპერატორს, სერგი ბარამიძეს მელიქიშვილის გამზირზე ფიზიკურად გაუსწორდნენ და დააკავეს. ბარამიძე სხვა მომიტინგეების დაკავების კადრებს იღებდა.

დილის 09:17 წუთზე კი, „მედიაომბუდსმენმა“ ინფორმაცია კიდევ 3 ჟურნალისტის შესახებ გაავრცელა, რომელთაც სამართალდამცველები საქმიანობაში ხელს უშლიდნენ ანდა ფიზიკური შეურაცხყოფა მიაყენეს. მომხდარ შემთხვევებთან დაკავშირებით 10:13 წუთზე განცხადება გამოაქვეყნა „საქართველოს ჟურნალისტური ეთიკის ქარტიამაც“. 

შალვა სუმბაძეს კი, მაგალითად, „პირველი არხის“ პირდაპირ ეთერში 09:19 წუთზე ჩართვისას, რომელიც 4 წუთი და 22 წამი გაგრძელდა, „მთავარი არხის“ ოპერატორის დაკავება არ უხსენებია. ჟურნალისტი მაყურებლებს მხოლოდ იმას უყვება, რომ შინაგან საქმეთა სამინისტროს წარმომადგენლება აქტივისტებსა და პოლიტიკური პარტიების წარმომადგენლებს გზის გათავისუფლებისკენ მოუწოდეს, რასაც დაპირისპირება მოჰყვა, „იქიდან გამომდინარე, რომ ისინი არ გადადიოდნენ გზის სავალი ნაწილიდან, როგორიც იყო მოწოდება ამ შემთხვევაში შინაგან საქმეთა სამინისტროს წარმომადგენლების და საბოლოოდ, მოხდა რამდენიმე პირის დაკავება“.

ამ ჩართვის დასასრულს ჟურნალისტი აღნიშნავს იმასაც, რომ შინაგან საქმეთა სამინისტროს წარმომადგენლების კორდონის წინ აქტივისტები და სხვადასხვა პოლიტიკური პარტიის ლიდერები იმყოფებიან და „რამდენჯერმე მოხდა მათ შორის ასევე, სიტყვიერი დაპირისპირებაც იქიდან გამომდინარე, რომ აქციის მონაწილეებიც და პარტიის ლიდერებიც…იყენებენ სხვადასხვა შეურაცხმყოფელ ეპითეტებს პოლიციის მისამართით“. 

შალვა სუმბაძეს „მთავარი არხის“ ოპერატორის, სერგი ბარამიძის დაკავება არც 10-საათიან ჩართვაში უხსენებია.

........................................................................................................................

„მაუწყებლობის შესახებ“ საქართველოს კანონით, საზოგადოებრივი მაუწყებელი ვალდებულია, „უზრუნველყოს პროგრამების სარედაქციო დამოუკიდებლობა, სამართლიანობა და მიუკერძოებლობა; სახელისუფლებო, პოლიტიკური, რელიგიური და კომერციული გავლენისაგან თავისუფლება“. 

„საზოგადოებრივი მაუწყებლის ქცევის კოდექსით“ კი, „პირველი არხი“ ისწრაფვის დაიცვას: „მიუკერძოებლობა - ვიყოთ მიუკერძოებლები. შევისწავლოთ და სამართლიანად ავსახოთ განსხვავებული პოზიციები საკამათო საკითხის შესახებ. დავიცვათ ბალანსი და არ გამოვხატოთ არც ერთი პოზიციის მხარდაჭერა. უყურადღებოდ არ დავტოვოთ არც ერთი საგულისხმო და ღირებული აზრი“. 
........................................................................................................................

კომუნიკაციების კომისიის მიერ გავრცელებული ინფორმაციით, 2024 წლის III კვარტალში ტელე და რადიო მაუწყებლების ჯამურმა კომერციულმა სარეკლამო შემოსავალმა 18.1 მილიონი ლარი შეადგინა, რაც წინა წლის იმავე პერიოდთან შედარებით, 6.9%-ით ნაკლებია. 

მხოლოდ ტელევიზიების შემთხვევაში, კომერციული სარეკლამო შემოსავლებიდან მიღებული თანხა 10%-ით ნაკლები იყო და სულ 16 მილიონი შეადგინა, საიდანაც ტელევიზიებისთვის მიღებული სარეკლამო შემოსავლების ძირითადი, 74%-იანი წილი - პირდაპირმა რეკლამამ, ხოლო 13.5% პროდუქტის განთავსებამ შეადგინა.

ComCom-ის განცხადებით, ვინაიდან III კვარტალში 2024 წლის 26 ოქტომბრის საპარლამენტო არჩევნების წინასაარჩევნო პერიოდი დაიწყო, ხოლო მოქმედი კანონმდებლობა ამ პერიოდის მიმდინარეობისას მაუწყებლებს უფლებას აძლევს, საკუთარ ეთერში ფასიანი პოლიტიკური რეკლამა  განათავსონ, საანგარიშო პერიოდში მაუწყებლების მიერ რეკლამის განთავსებისთვის დათმობილი დრო განაწილდა კომერციულ და ფასიან პოლიტიკურ რეკლამებს შორის, რამაც კომერციული რეკლამისათვის დათმობილი დრო შეამცირა. 

„გამომდინარე იქედან, რომ ComCom-ის ანგარიშები მოიცავს მხოლოდ კომერციული სარეკლამო შემოსავლების ანალიზს, ანგარიშში ფასიანი პოლიტიკური რეკლამით მიღებული შემოსავლები გათვალისწინებული არ არის“.

 სატელევიზიო კომერციული სარეკლამო შემოსავლების ყველაზე დიდი წილი 2024 წლის III კვარტალში კვლავ „ტელეიმედს” ჰქონდა, რომლის შემოსავალიც 5.6 მილიონ ლარს შეადგენდა, რაც გასული წლის იმავე პერიოდთან შედარებით 0.7 მილიონი ლარით ნაკლებია. 

• 2.1 მილიონი ლარი მიიღო „რუსთავი 2“-მა (მედია ჰოლდინგი), რაც წინა წელთან შედარებით 0.4 მილიონი ლარით ნაკლებია;
• 0.2 მილიონი ლარით შემცირდა „მთავარი არხის“ შემოსავალი და 1.6 მილიონს გაუტოლდა; 
• მიმდინარე წლის III კვარტალში 1.4 მილიონი ლარი მიიღო „პოსტვ“-იმ, რაც გასულ წელთან შედარებით 0.4 მილიონით ნაკლებია. 
• უცვლელი დარჩა „ტელეკომპანია პირველის“ კომერციული შემოსავალი, რომელმაც 1.2 მილიონი ლარი შეადგინა. 
• ნახევარი მილიონი ლარით შემცირდა და 0.8 მილიონი შეადგინა „ფორმულას“ შემოსავალმა;
• „საზოგადოებრივი მაუწყებლის“ შემოსავალი როგორც გასული წლის III კვარტალში, ისე მიმდინარე წელს, 0.5 მილიონ ლარს შეადგენდა;
• კომერციული სარეკლამო შემოსავალი კომერციულ რეკლამას, სპონსორობას, პროდუქტის განთავსებას, ტელეშოპინგსა და კომერციულ განცხადებებს მოიცავს.
  
  
  2024 წლის პირველ და მეორე კვარტალში მიღებულ სარეკლამო შემოსავლებთან დაკავშირებით, იხილეთ „მედიაჩეკერის“ მასალები:
• 2024 წლის II კვარტალში სარეკლამო შემოსავლების ყველაზე დიდი წილი - 6 მილიონი ლარი კვლავ „იმედმა“ მიიღო
• 2024 წლის პირველ კვარტალში ტელე-რადიო მაუწყებლების ჯამური კომერციული სარეკლამო შემოსავალი 15.6 მილიონი ლარია

საქართველოს სახალხო დამცველი სპეციალურ საგამოძიებო სამსახურს მოუწოდებს, გამოიძიოს ჟურნალისტთა/აქციის მონაწილეთა წინააღმდეგ თითოეული შესაძლო დანაშაულის ნიშნების მქონე შემთხვევა.

„სახალხო დამცველი აღნიშნავს, რომ იმ დროისთვის (08:18, 19.11.2024), როდესაც შინაგან საქმეთა სამინისტრომ დაიწყო მელიქიშვილის გამზირზე მყოფი აქციის მონაწილეების დაკავება, აქცია ატარებდა მშვიდობიან ხასიათს და ჯდებოდა შეკრების თავისუფლების სტანდარტებში. ამ დროს მოქალაქეებზე პოლიციის მხრიდან შესაძლოა ადგილი ჰქონდა  არასათანადო მოპყრობას თუ ძალის გადამეტების ფაქტებს.

ასევე გავრცელებული ინფორმაციით დაკავებულთა შორის არის ჟურნალისტი სერგი ბარამიძე, რომელიც როგორც ცნობილია დაკავების დროს პროფესიულ საქმიანობას ახორციელებდა. (https://shorturl.at/3BLvg) ასევე, ვრცელდება ინფორმაცია სხვა ჟურნალისტების მიმართ ჩადენილი შესაძლო დანაშაულების თაობაზეც. 

სახალხო დამცველი ხაზგასმით აღნიშნავს, რომ დაუშვებელია ჟურნალისტისთვის პროფესიულ საქმიანობაში ხელშეშლა. 

სახალხო დამცველი მოუწოდებს შინაგან საქმეთა სამინისტროს უზრუნველყოს აქციის მონაწილეთა მშვიდობიანი შეკრების თავისუფლება, ხელი არ შეუშალონ ჟურნალისტებს საქმიანობის განხორციელებაში, ხოლო, დაკავების ღონისძიებებისა და სპეციალური საშუალებების გამოყენებისას იხელმძღვანელონ აუცილებლობისა და პროპორციულობის კრიტერიუმების მკაცრი დაცვით. 

ამასთან, სახალხო დამცველი მოუწოდებს სპეციალურ საგამოძიებო სამსახურს გამოიძიოს ჟურნალისტთა/აქციის მონაწილეთა წინააღმდეგ თითოეული შესაძლო დანაშაულის ნიშნების მქონე შემთხვევა და მოახდინოს საზოგადოების ინფორმირება“, - ვკითხულობთ ომბუდსმენის განცხადებაში.

დღეს, 19 ნოემბერს პოლიციამ ჭავჭავაძის გამზირზე მიმდინარე მშვიდობიანი აქცია ძალის გამოყენებით დაშალა, რის შედეგადაც 4 ჟურნალისტი დაშავდა. ტელეკომპანია „მთავარი არხის“ ოპერატორი სერგი ბარამიძე კი ძალის გამოყენებით დააკავეს. ბარამიძე მოგვიანებით, ხელწერილის საფუძველზე გაათავისუფლეს. 

მედიის წარმომადგენლებისთვის პროფესიულ საქმიანობაში ხელშეშლისა და ფიზიკური შეურაცხყოფის შემთხვევებს სამოქალაქო საზოგადოების არაერთი ორგანიზაცია გამოეხმაურა. 


ასევე ნახეთ:

მედია ჩეკერი „მედიაომბუდსმენი“ შსს-ს მოუწოდებს, შეაჩეროს მედიასა და აქციის მონაწილეებზე ძალადობა

მედია ჩეკერი ჟურნალისტური ეთიკის ქარტია შინაგან საქმეთა სამინისტროს მოუწოდებს, შეწყვიტოს ჟურნალისტებზე ანგარიშსწორება

მედია ჩეკერი კოალიცია: ჟურნალისტებისა და ოპერატორების მიმართ განხორციელებული ძალადობა პრესის თავისუფლებისა და დემოკრატიული პრინციპების წინააღმდეგ გადადგმული კიდევ ერთი ნაბიჯია

მედია ჩეკერი საია: „ჟურნალისტისთვის პროფესიული საქმიანობის ხელშეშლის შემთხვევაში, აუცილებელია, სახელმწიფომ უზრუნველყოს პასუხისმგებელ პირთა დასჯა გამჭვირვალე და სწრაფი პროცედურებით“

მედია ჩეკერი ISFED: ვგმობთ შსს-ს ძალადობრივ აქტს მშვიდობიანი დემონსტრანტების წინააღმდეგ

„სამართლიანი არჩევნებისა და დემოკრატიის საერთაშორისო საზოგადოება“  მშვიდობიანი დემონსტრანტების წინააღმდეგ შინაგან საქმეთა სამინისტროს ძალადობრივ აქტს გმობს. 

„2024 წლის 19 ნოემბერს, გამთენიისას, შინაგან საქმეთა სამინისტროს საპატრულო და კრიმინალური პოლიციის, აგრეთვე განსაკუთრებულ დავალებათა დეპარტამენტების გაერთიანებულმა ძალებმა დაარბიეს თბილისის სახელმწიფო უნივერსიტეტის წინ მიმდინარე მშვიდობიანი დემონსტრაცია.

საქართველოს მოქალაქეები არჩევნების მასობრივი გაყალბების გამო ორი დღეა თბილისის სახელმწიფო უნივერსიტეტის ტერიტორიაზე შვიდობიანი ფორმით უწყვეტ პროტესტს გამოხატავენ.

გამთენიისას, დაახლოებით 7:00 საათზე, საპოლიციო ძალებმა მშვიდობიანი მომიტინგეები ძალის გამოყენებით გაიყვანეს ადგილიდან. უკანონო დარბევის დროს დაკავებულია რამდენიმე პირი, მათ შორის, “მთავარი არხის” ოპერატორი, სერგი ბარამიძე, რომელსაც სამართალდამცავები ფიზიკურადაც გაუსწორდნენ. ფიზიკურად იძალადეს “პუბლიკას” ჟურნალისტზე, მინდია გაბაძეზეც. ჟურნალისტურ საქმიანობაში ხელი შეუშალეს  OC Media-ს ჟურნალისტს, მარიამ ნიკურაძესა და “ნეტგაზეთის” ჟურნალისტს, გივი ავალიანს.

საქართველოში პოლიცია უკვე მერამდენედ ატარებს ძალადობრივ ოპერაციებს მშვიდობიანი დემონსტრანტების წინააღმდეგ, რითაც უხეშად არღვევს მოქალაქეების შეკრებისა და გამოხატვის თავისუფლებებს.

მოვუწოდებთ შინაგან საქმეთა სამინისტროს იმოქმედოს კანონის მოთხოვნების შესაბამისად. არ დაემორჩილონ მმართველი პარტიის უკანონო დავალებებს და იმოქმედონ საქართველოს კანონმდებლობის შესაბამისად“, - ვკითხულობთ „სამართლაინი არჩევნების“ განცხადებაში. 

„დემოკრატიის კვლევის ცენტრის“ შეფასებით კი, მშვიდობიანი მომიტინგეების დასაშლელად პოლიციამ არაპროპორციული ძალა გამოიყენა.

„დემოკრატიის კვლევის ცენტრი ეხმიანება 2024 წლის 19 ნოემბერს, გამთენიისას, საპოლიციო ძალების მიერ მშვიდობიანი დემონსტრანტების დაშლას ჭავჭავაძის გამზირზე, თბილისის სახელმწიფო უნივერსიტეტის წინ და მიაჩნია, რომ შინაგან საქმეთა სამინისტრომ გამოიყენა აბსოლუტურად არაპროპორციული ძალა მშვიდობიანი შეკრების დასაშლელად. გავრცელებული კადრებით ნათლად ჩანს, რომ საპოლიციო ძალების წარმომადგენლების რაოდენობა რამდენჯერმე აღემატებოდა არაძალადობრივი აქციის მშვიდობიანი შეკრების მონაწილეების რაოდენობას და არც ერთ შემთხვევაში არ არსებობდა ფიზიკური ძალის გამოყენების საჭიროება.

მიუხედავადა იმისა, რომ კანონით განსაზღვრულ შემთხვევებში პოლიციას აქვს უფლება გამოიყენოს ძალა აქციის დასაშლელად, აღნიშნული ვრცელდება მხოლოდ იმ ტიპის აქციებზე, რომლებიც თავისი არსით ძალადობრივია. 19 ნოემბერს გამთენიისას, უნივერსიტეტის პირველი კორპუსის წინ და ჭავჭავაძის გამზირზე პოლიციის ქმედებას უკანონოდ აქცევს რამდენიმე გარემოება: 1. შეკრების მშვიდობიანი ხასიათი და მისი მონაწილეების ხაზგასმით მშვიდობიანი ქცევა; 2. საპოლიციო ძალების არაპროპორციულად მაღალი რაოდენობა და გამოყენებული ფიზიკური ძალის სიხისტე; 3. სახელმწიფო და ადგილობრივი ორგანოების მხრიდან ორი დღის განმავლობაში მიმდინარე იგივე აქციის მიმართ რაიმე ტიპის გაფრთხილების არარსებობა.

გავრცელებული ინფორმაციით, შსს-მ აქციის 14 მშვიდობიანი მონაწილე დააკავა. საგანგაშოა ისიც, რომ დაკავებულების ადვოკატებს არ აძლევენ დაკავებული პირების მონახულების შესაძლებლობას. აქციაზე ფიზიკური შეურაცხყოფა მიაყენეს „მთავარი არხის“ ჟურნალისტს და ოპერატორს. გავრცელებულ კადრებში ნათლად ჩანს, რომ საპატრულო პოლიციის რამდენიმე ათეული თანამშრომელი ოპერატორს ხელს უშლის პროფესიული მოვალეობის შესრულებაში და ფიზიკური შეურაცხყოფას აყენებს“, - ვკითხულობთ DRI-ის განცხადებაში

„დემოკრატიის კვლევის ცენტრი“ შინაგან საქმეთა სამინისტროს მოუწოდებს: „დაბრუნდეს კანონის ჩარჩოებში; ხელი არ შეუშალოს აქციის მონაწილეებს პროტესტის მშვიდობიანად გამოხატვაში; მისცეს მედიას და ადვოკატებს პროფესიული მოვალეობის შესრულების შესაძლებლობა. მნიშვნელოვანია, მომავალში დადგეს აქციის დაშლის უკანონო ბრძანების გამცემი პირის პასუხისმგებლობა“.

მედიის წარმომადგენლების მიმართ განხორციელებულ ძალადობისა და პროფესიულ საქმიანობაში ხელშეშლის ფაქტებს ეხმაურება „მედიის, ინფორმაციის და სოციალური კვლევების ცენტრიც“. 

ასევე ნახეთ:

მედია ჩეკერი „მედიაომბუდსმენი“ შსს-ს მოუწოდებს, შეაჩეროს მედიასა და აქციის მონაწილეებზე ძალადობა

მედია ჩეკერი ჟურნალისტური ეთიკის ქარტია შინაგან საქმეთა სამინისტროს მოუწოდებს, შეწყვიტოს ჟურნალისტებზე ანგარიშსწორება

მედია ჩეკერი კოალიცია: ჟურნალისტებისა და ოპერატორების მიმართ განხორციელებული ძალადობა პრესის თავისუფლებისა და დემოკრატიული პრინციპების წინააღმდეგ გადადგმული კიდევ ერთი ნაბიჯია

მედია ჩეკერი საია: „ჟურნალისტისთვის პროფესიული საქმიანობის ხელშეშლის შემთხვევაში, აუცილებელია, სახელმწიფომ უზრუნველყოს პასუხისმგებელ პირთა დასჯა გამჭვირვალე და სწრაფი პროცედურებით“

„საქართველოს ახალგაზრდა იურისტთა ასოციაცია“ მელიქიშვილის გამზირზე მედიის წარმომადგენლების მიმართ განხორციელებულ ძალადობისა და პროფესიულ საქმიანობაში ხელშეშლის ფაქტებს ეხმაურება. 

საია საქართველოს შინაგან საქმეთა სამინისტროს მოუწოდებს, „შეწყვიტოს  აქციის მონაწილეთა მიმართ ძალის გამოყენების და მათი უკანონო დაკავების პრაქტიკა, გაათავისუფლოს უკანონოდ დაკავებული პირები.  აქციაზე მყოფ მედიის წარმომადგენლებს ხელი არ შეუშალოს პროფესიული მოვალეობის შესრულებაში. დროულად გაასაჯაროოს დაკავებულ პირთა რაოდენობის და ადგილსამყოფელის შესახებ ინფორმაცია“.

სპეციალურ საგამოძიებო სამსახურს კი - „დროულად გამოიძიოს მედიის წარმომადგენელების და დემონსტრანტების დაკავებისა და მათზე სამართალდამცავთა მხრიდან განხორციელებული ძალადობისა და ჟურნალისტისათვის პროფესიულ საქმიანობაში უკანონოდ ხელის შეშლისს ფაქტები. ასევე, გატარებული ღონისძიებების შესახებ უზრუნველყოს საზოგადოების დროული ინფორმირება“.

ორგანიზაციის განცხადებით, დემოკრატიულ საზოგადოებაში მედია, როგორც მაკონტროლებელი ინსტიტუტი, სასიცოცხლო როლს ასრულებს:

„საზოგადოებრივ ინტერესს მიკუთვნებულ საკითხებზე ინფორმაციის და იდეების მიუკერძოებლად და დამოუკიდებლად გავრცელება მედიის წარმომადგენლების მნიშვნელოვან მოვალეობას წარმოადგენს, ხოლო საზოგადოებას, თავის მხრივ, გააჩნია მსგავსი სახის ინფორმაციის მიღების უფლება. მედიის „ძირითადი ფუნქცია“ ასევე მოიცავს საზოგადოებრივი თუ პოლიტიკური ხასიათის შეკრებებისა და მანიფესტაციების გაშუქებას და აქციაზე განვითარებული მოვლენების შესახებ საზოგადოებისთვის ინფორმაციის მიწოდებას. მათ მიერ გავრცელებული ინფორმაცია, შესაძლოა, მნიშვნელოვანი იყოს როგორც აქციის ორგანიზატორების და მონაწილეების, ასევე, სამართალდამცავი პირების ქმედებების შესაფასებლად და, ამასთან, ხელი შეუწყოს ამ საკითხზე საზოგადოებრივი აზრის ფორმირებას. სამართალდამცავები ვალდებულნი არიან, აქციის მიმდინარეობისას მედიის წარმომადგენლებს ხელი არ შეუშალონ მუშაობის პროცესში, არამედ, პირიქით, ხელი შეუწყონ მიმდინარე მოვლენების გაშუქებაში.

მსგავსი ღონისძიებები, რომლებითაც ხელი ეშლებათ ჟურნალისტებს თავიანთი სამუშაოს შესრულებაში, არღვევს საერთაშორისო სტანდარტებს, მათ შორის, ადამიანის უფლებათა ევროპული კონვენციის მე-10 მუხლით დაცულ გამოხატვის თავისუფლებას. ამასთან, დაუშვებელია ჟურნალისტის და მედიის სხვა წარმომადგენლების აღჭურვილობის, მათ შორის, გადაღებული კადრების მიზანმიმართულად ჩამორთმევა ან/და დაზიანება. მსგავსი ტიპის ქმედებები წარმოადგენს საერთაშორისო სტანდარტებით აკრძალულ პრაქტიკას და, შესაძლოა, აღქმული იყოს, როგორც მედიის წარმომადგენლების მიმართ განხორციელებული ცენზურა. საერთაშორისო სტანდარტების მსგავსად, ჟურნალისტისთვის პროფესიულ საქმიანობაში უკანონოდ ხელშეშლა, მათ შორის ძალადობის მუქარით ან სამსახურებრივი მდგომარეობის გამოყენებით, წარმოადგენს საქართველოს სისხლის სამართლის კოდექსის 154-ე მუხლით დასჯად ქმედებასაც.

ჟურნალისტისთვის პროფესიული საქმიანობის ხელშეშლის შემთხვევაში, აუცილებელია, სახელმწიფომ უზრუნველყოს პასუხისმგებელ პირთა დასჯა გამჭვირვალე და სწრაფი პროცედურებით. სახელმწიფოს მხრიდან არასაკმარისი ძალისხმევის გამოჩენა, მათ შორის, გამოძიების გაჭიანურება და დამნაშავე პირთა პასუხისგებაში მიუცემლობა აღვივებს დაუსჯელობის სინდრომს, ახალისებს ჟურნალისტებისა და მედიის სხვა წარმომადგენლების მიმართ ძალადობას და ძირს უთხრის საზოგადოების ნდობას.

ამასთან გვსურს საზოგადოებას შევახსენოთ, რომ მედიის წარმომადგენელთა გამოხატვის თავისუფლების შეზღუდვისა და უსაფრთხოებასთან დაკავშირებით წინა წლებში დაწყებული ტენდენცია ,,რუსული კანონის“ ინიცირების შემდეგ საგრძნობლად გაუარესდა. კიდევ უფრო გახშირდა ჟურნალისტების პროფესიულ საქმიანობაში უკანონო ჩარევისა და ხელშეშლის შემთხვევები. სპეციალური საგამოძიებო სამსახურის მიერ ამასთან დაკავშირებით წარმოებული გამოძიება მნიშვნელოვანი გამოწვევებით ხასიათდება. სპეციალური საგამოძიებო სამსახურის უმოქმედობა და არაეფექტიანი გამოძიება, ახალისებს ჟურნალისტების მიმართ ძალადობის შემთხვევებს“.

დღეს, 19 ნოემბერს პოლიციამ ჭავჭავაძის გამზირზე მიმდინარე მშვიდობიანი აქცია ძალის გამოყენებით დაშალა, რის შედეგადაც 4 ჟურნალისტი დაშავდა. ტელეკომპანია „მთავარი არხის“ ოპერატორი სერგი ბარამიძე კი ძალის გამოყენებით დააკავეს. ბარამიძე მოგვიანებით, ხელწერილის საფუძველზე გაათავისუფლეს.

• პროფესიული მოვალეობის შესრულებისას ფიზიკურად იძალადეს და დააკავეს “მთავარი არხის” ოპერატორი სერგი ბარამიძე;

• სამართალდამცველებმა ფიზიკური შეურაცხყოფა მიაყენეს “პუბლიკას” ჟურნალისტს მინდია გაბაძეს.

• სპეციალური დანიშნულების რაზმის წევრებმა ხელი შეუშალეს OC Media-ს ჟურნალისტს, მარიამ ნიკურაძეს პროფესიული მოვალეობის შესრულებაში;

• სამართალდამცველებმა Netgazeti-ს კორესპონდენტს, გივი ავალიანს არ მისცეს გადაღების საშუალება.

„მედიის ადვოკატირების კოალიციის“ შეფასებით, აქციის დარბევის გაშუქებისას, პოლიციის მხრიდან ჟურნალისტებისა და ოპერატორების მიმართ განხორციელებული ძალადობა პრესის თავისუფლებისა და დემოკრატიული პრინციპების წინააღმდეგ გადადგმული კიდევ ერთი ნაბიჯია.

„აღნიშნული ქმედებები წარმოადგენს მედიის თავისუფლების შეზღუდვას და ჟურნალისტებისთვის პროფესიული საქმიანობის ხელშეშლას. მასზე სრული პასუხისმგებლობა ეკისრება მმართველ პარტია “ქართულ ოცნებას”, რომელიც არ უზრუნველყოფს ქვეყანაში მედიის საქმიანობისთვის უსაფრთხო გარემოს შექმნას, და საკუთარი ქმედებებით, პირიქით ახალისებს და ხელს უწყობს ძალადობრივ გარემოს“.

კოალიცია საქართველოს შინაგან საქმეთა სამინისტროს მოუწოდებს, დაუყოვნებლივ შეწყვიტოს ძალადობრივი ქმედებები მედიის წარმომადგენლებისა და აქციის მონაწილეების მიმართ.

„ასევე, მოვუწოდებთ სპეციალურ საგამოძიებო სამსახურს, დაუყოვნებლივ დაიწყოს გამოძიება სამართალდამცავი ორგანოების წარმომადგენლების მიერ ჩადენილ სავარაუდო დანაშაულებრივ ქმედებებთან დაკავშირებით“.

დღეს, 19 ნოემბერს პოლიციამ ჭავჭავაძის გამზირზე მიმდინარე მშვიდობიანი აქცია ძალის გამოყენებით დაშალა, რის შედეგადაც 4 ჟურნალისტი დაშავდა. ტელეკომპანია “მთავარი არხის” ოპერატორი სერგი ბარამიძე კი ძალის გამოყენებით დააკავეს. ბარამიძე მოგვიანებით, ხელწერილის საფუძველზე გაათავისუფლეს.

• პროფესიული მოვალეობის შესრულებისას ფიზიკურად იძალადეს და დააკავეს “მთავარი არხის” ოპერატორი სერგი ბარამიძე;

• სამართალდამცველებმა ფიზიკური შეურაცხყოფა მიაყენეს “პუბლიკას” ჟურნალისტს მინდია გაბაძეს.

• სპეციალური დანიშნულების რაზმის წევრებმა ხელი შეუშალეს OC Media-ს ჟურნალისტს, მარიამ ნიკურაძეს პროფესიული მოვალეობისშესრულებაში;

• სამართალდამცველებმა Netgazeti-ს კორესპონდენტს, გივი ავალიანს არ მისცეს გადაღების საშუალება.


„მედიის ადვოკატირების კოალიცია“ ადამიანის უფლებების დამცველ და მედიის საკითხებზე მომუშავე 17 ორგანიზაციას აერთიანებს. 


ასევე ნახეთ : 

მედია ჩეკერი „მედიაომბუდსმენი“ შსს-ს მოუწოდებს, შეაჩეროს მედიასა და აქციის მონაწილეებზე ძალადობა

მედია ჩეკერი ჟურნალისტური ეთიკის ქარტია შინაგან საქმეთა სამინისტროს მოუწოდებს, შეწყვიტოს ჟურნალისტებზე ანგარიშსწორება

„საქართველოს ჟურნალისტური ეთიკის ქარტია“ საქართველოს შინაგან საქმეთა სამინისტროს მოუწოდებს, შეწყვიტოს ჟურნალისტებზე ანგარიშსწორება და დაუყოვნებლივ გაათავისუფლოს „მთავარი არხის“ ოპერატორი სერგი ბარამიძე. 

ჟურნალისტური ეთიკის ქარტია მოუწოდებს სპეციალურ საგამოძიებო სამსახურსაც, დაუყოვნელივ დაიწყოს სერგი ბარამიძისა და სხვა ჟურნალისტების მიმართ ჩადენილი დანაშაულების გამოძიება.

„დღეს, 19 ნოემბერს, დილით, პოლიციამ ფიზიკურად იძალადა „მთავარი არხის“ ოპერატორზე, სერგი ბარამიძეზე, და დააკავა ის. ოპერატორი მელიქიშვილის გამზირზე პროფესიულ მოვალეობას ასრულებდა - ის პოლიციელების მიერ აქციის მონაწილის დაკავებას იღებდა.  სერგი ბარამიძეს რამდენიმე პოლიციელი განსაკუთრებული სისასტიკით დაუპირისპირდა. ოპერატორს მიღებული აქვს ფიზიკური დაზიანებები. დამტვრეულია კამერა. ამ დროისთვის უცნობია, თუ სად იმყოფება სერგი ბარამიძე.

გამოცემა „პუბლიკას“ ცნობით, პოლიციელებმა დაარტყეს „პუბლიკას“ ჟურნალისტს მინდია გაბაძესაც.

მედიაომბუდსმენის ინფორმაციით, პოლიციამ ჟურნალისტურ საქმიანობაში ხელი შეუშალა ასევე OC Media-ს ჟურნალისტს მარიამ ნიკურაძეს და „ნეტგაზეთის“ კორესპონდენტს გივი ავალიანს.

„ფორმულას“ პირდაპირ ეთერში ამ ტელეკომპანიის კორესპონდენტმა გიორგი კვიჟინაძემ თქვა, რომ პოლიციელები მას და მის ოპერატორსაც უშლიდნენ ხელს გადაღებაში“, - ვკითხულობთ ქარტიის განცხადებაში.

„საქართველოს ჟურნალისტური ეთიკის ქარტია“ წევრობაზე დაფუძნებული დამოუკიდებელი ორგანიზაციაა, რომლის ხელმომწერიც 300-ზე მეტი ჟურნალისტია.