მსოფლიოს მასშტაბით მსხვილი მედიასაშუალებები, ბანკები და ავიაკომპანიები IT სისტემების მნიშვნელოვან შეფერხებებს განიცდიან. ამის შესახებ ინფორმაციას BBC-ი ავრცელებს.
კიბერ ინციდენტის გამო, გაითიშა გაერთიანებული სამეფოს ერთ-ერთი უმსხვილესი სატელევიზიო საინფორმაციო არხი - Sky News. აღნიშნული ინფორმაცია თავად მედიამაც დაადასტურა.
მოგვიანებით, არხმა მაუწყებლობა ინფოგრაფიკების, ტიტრებისა და მორბენალი სტრიქონის გარეშე აღადგინა, წამყვანებს კი ახალი ამბების კითხვა ფურცლებიდან მოუწიათ.
ასევე, აშშ-ს სამოქალაქო ავიაციის ადმინისტრაცია იტყობინება, რომ United Airlines-მა, Delta Airlines-მა და American Airlines-მა ფრენები შეაჩერეს. მიზეზი გლობალური კომუნიკაციის პრობლემებია. ფრენების შეფერხებები დაფიქსირდა ბერლინსა და ესპანეთში. კიბერ ინციდენტის გამო შეფერხდა ლონდონის საფონდო ბირჟაც.
