„TV პირველი“

• ნანუკა ქაჯაია, ჟურნალისტი -  წყლის ჭავლი მიუშვირეს პირდაპირ ეთერში ჩართვის დროს;
• დავით ბიჭიკაშვილი, ოპერატორი - სავარაუდოდ, შეასხეს წიწაკის სპრეი.
• გიორგი შეწირული, ოპერატორი - სპეცრაზმის წარმომადგენელი ფიზიკურად გაუსწორდა;
• ანა მდივანი, ჟურნალისტი - „...წყლის ჭავლის მანქანიდან წყალი სახეში შემესხა - მასში გარეულია [სხვა ნივთიერება]... დამწვრობა მაქვს ყველგან, სადაც მომხვდა ეს სითხე“, - წერს „მთავარი არხი“.
• ნიკო კოკაია, ოპერატორი - Video | Facebook დაშავდა აქციის გაშუქებისას. 

„მთავარი არხი“

• დეა მამისეიშვილი, ჟურნალისტი და მისი ოპერატორი, გიორგი გოგინაშვილი - დაშავდნენ აქციის გაშუქებისას.
• ქეთა ციცქიშვილი, ჟურნალისტი  და მისი ოპერატორი (1) Video | Facebook - ხელი შეუშალეს პროფესიულ საქმიანობაში. პოლიციელებმა მიაყენეს სიტყვიერი შეურაცხყოფა. 
• დავით კობიძე, ჟურნალისტი და მისი ოპერატორი, ლუკა ბაჩილავა - ხელი შეუშალეს პროფესიულ საქმიანობაში.

„ფორმულა“

• გურამ როგავა, ჟურნალისტი - სპეცრაზმელი ფიზიკურად გაუსწორდა. მას სახის ძვლები და კისრის მალა აქვს მოტეხილი. გურამ როგავას ფიზიკური დაზიანების მიყენებამდეც შეუშალეს ხელი, მას პირდაპირ ეთერში ჩართვის დროს პოლიციელებმა ტერიტორია ძალის გამოყენებით დაატოვებინეს.
• გიორგი კვიჟინაძე, ჟურნალისტი - დაშავდა აქციის გაშუქებისას;
• ხატია სამხარაძე, ჟურნალისტი - ხელი შეეშალა პროფესიული მოვალეობის შესრულებისას (1) Video | Facebook
• თედო ქვაჩახია, ოპერატორი - დაშავდა პროფესიული საქმიანობის შესრულებისას.

„რადიო თავისუფლება“

• დავით ცაგარელი, ჟურნალისტი - პირდაპირ ეთერში ნიღბიანმა სპეცრაზმელმა მუცელში ჩაარტყა და ძირს დააგდო; Video | Facebook
• სალომე ჩადუნელი, ჟურნალისტი - დაშავდა აქციის გაშუქებისას, ქაშვეთთან. ფეხი აქვს ნაღრძობი.
• ილია რატიანი და ზუკა ხიდაშელი, ოპერატორები - ხელი შეუშალეს პროფესიულ საქმიანობაში.

„პუბლიკა“

• ალექსანდრე ქეშელაშვილი, ჟურნალისტი -  დააკავეს, სცემეს სახისა და თავის არეში, წაართვეს სამუშაო აპარატურა. დასჭირდა ცხვირის ოპერაცია.
• ნათია ამირანაშვილი, ჟურნალისტი - გააგდებინეს ტელეფონი და არ მისცეს მუშაობის საშუალება.
• მინდია გაბაძე, ფოტორეპორტიორი - დააზიანეს პროფესიული მოვალეობის შესრულებისას.
• ბასტი მგალობლიშვილი, ჟურნალისტი - მას მუშაობაში ხელი არაერთხელ შეუშალეს. „პუბლიკას“ ინფორმაციით, მას რამდენჯერმე კრეს და დაარტყეს ხელი.

OC Media

• მარიამ ნიკურაძე, ონლაინ გამოცემა “OC Media”  - მიუშვირეს წყლის ჭავლი, დაუზიანდა კამერა, რამდენჯერმე გააგდებინეს ტელეფონი;

„ნეტგაზეთი“/ „ბათუმელები“

• გივი ავალიანი, ჟურნალისტი - როგორც „ნეტგაზეთი“ წერს, მას წიწაკის სპრეი შეასხეს.

JAMnews

• იულია კალაბანო, ფოტორეპორტიორი -  სამსახურეობრივი მოვალეობის შესრულების დროს, სახეში შეასხეს სპრეი, წააქციეს და დაარტყეს წიხლი;

„სტუდია მონიტორი“

• ნინო წვერავა, ჟურნალისტი - პროფესიული მოვალეობის შესრულებაში ხელი შეუშალეს;
• ნინო შუბითიძე, ჟურნალისტი - შეასხეს წიწაკის სპრეი;
• გიორგი ბარამიძე, ოპერატორი - პოლიციამ წიხლი ჩაარტყა.

„პირველი არხი“

• დავით ბეჟანიშვილი, ჩართვის ოპერატორი - „რადიო თავისუფლების“ ინფორმაციით, დაშავდა აქციაზე.

„რუსთავი 2“

•  ჟურნალისტი - როგორც „ნეტგაზეთი“ წერს, დაშავდა წყლის ჭავლით. 

„პროექტი 64“

• გიორგი გოგუა - პოლიციელებმა ფეხი ჩაარტყეს.

„აჭარის ტელევიზია“

• ნინო ლორჩოშვილი, ჟურნალისტი - დაშავდა აქციის გაშუქებისას; 
  
  სხვა შემთხვევები:

• ტბელ აბუსერიძე, ფოტოგრაფი - დაშავდა პროფესიული მოვალეობის შესრულებისას. 
• გერმანელი ჟურნალისტი - დაშავდა პროფესიული მოვალეობის შესრულებისას. ფოტოში ჩანს, რომ მას დაზიანება თვალის არეში აქვს მიყენებული. მოგვიანებით გაირკვა, რომ დაშავებული გერმანელი ჟურნალისტი, დომინიკ რაიხერტი აქციას რუსული პროპაგანდისტული არხის, „რაშა თუდეისთვის“ აშუქებდა. 

29-30 ნოემბრის ღამე: 

„TV პირველი“

• მარიამ გაფრინდაშვილი, ჟურნალისტი - თავზე მძიმე დაზიანება მიიღო. ჟურნალისტს ჰოსპიტალიზაცია და ქირურგიული ჩარევა დასჭირდა. 
• პაპუნა ხაჩიძე, ოპერატორი - ის პროფესიულ მოვალეობას მარიამ გაფრინდაშვილთან ერთად ასრულებდა; 

„რეალპოლიტიკა“

• აკა ზარქუა, ჟურნალისტი - შევჩენკოსა და ზუბალაშვილების ქუჩების კვეთაზე, საპოლიციო ძალების წარმომადგენლებმა სიტყვიერი და ფიზიკური შეურაცხყოფა მიაყენეს გამოცემა „რეალპოლიტიკის“ რედაქტორს, აკა ზარქუას. ათამდე სპეცრაზმელმა ის წრეში მოაქცია და წიხლებით სცემა, მათმა მეთაურმა კი ზარქუასთვის პრესის მაიდენტიფიცირებელი ბარათის პირში ჩატენვა სცადა. მას წაართვეს აირწინაღიც. 

„პუბლიკა“

• ანა მსხალაძე, ჟურნალისტი - სპეცრაზმელებმა ფიზიკური შეურაცხყოფა მიაყენეს და ტელეფონი წაართვეს. როგორც „პუბლიკა“ წერს, მსხალაძე ჭიჭინაძის ქუჩის მიმდებარედ გადაადგილდებოდა და სპეცრაზმის მიერ მოქალაქეების ძალადობრივად დაკავებას იღებდა, რა დროსაც სპეცრაზმელმა მას ტელეფონი დააგდებინა. მას შემდეგ, რაც ჟურნალისტმა სპეცრაზმელს უთხრა, რომ ის იყო ჟურნალისტი და ტელეფონის ასაღებად დაიხარა, მას თავში ჩაარტყეს, შემდეგ კი, სავარაუდოდ, მისი ტელეფონი აიღეს და გაიქცნენ.

„ფორმულა“

• გიორგი კვიჟინაძე, ჟურნალისტი - ტელეკომპანიის ინფორმაციით, სპეცრაზმელები ფიზიკურად გაუსწორდნენ ტელეკომპანიის ჟურნალისტს, გიორგი კვიჟინაძეს. 
• ნუცა ბახუტაშვილი, ჟურნალისტი, ირაკლი ბართავა, ოპერატორი - პოლიციელებმა ფიზიკური შეურაცხყოფა მიაყენეს. 
• „ფორმულას“ გადამღებ ჯგუფს ბათუმში მიმდინარე აქციის გაშუქებისას დაუზიანდა ტექნიკაც. ამის შესახებ ჟურნალისტმა, თამარ თედიაშვილმა აქციიდან პირდაპირ ეთერში ჩართვისას თქვა. თედიაშვილმა ჩართვისას აღნიშნა ისიც, რომ პოლიციამ ძალის გამოყენებით დააკავა ფოტოგრაფი.

ფოტოგრაფი

• გიორგი გამგებელი, ფოტოგრაფი - პოლიციელები ფიზიკურად გაუსწორდნენ ფოტოგრაფ გიორგი გამგებელს. ის სახისა და ფეხის არეში დაზიანებებით საავადმყოფოში გადაიყვანეს. გამგებელს წაართვეს და დაუმტვრიეს აპარატურა, რომლითაც ის მუშაობდა. 

30 ნოემბერი - 1 დეკემბერი

„TV პირველი“

• გიორგი შეწირული, ოპერატორი - ტელეკომპანიის ინფორმაციით, დაშავდა აქციის გაშუქებისას.

„საზოგადოებრივი მაუწყებელი“

• ირაკლი გედენიძე, ფოტორეპორტიორი - ტელეკომპანიის ინფორმაციით, ირაკლი გედენიძეს, სავარაუდოდ, პიროტექნიკა მოხვდა ფეხის არეში. ფოტორეპორტიორს დახმარება სასწრაფო სამედიცინო დახმარების ჯგუფმა ადგილზევე აღმოუჩინა. 

POSTV

• გურანდა ბილიხოძე, ჟურნალისტი - „პუბლიკას“ ინფორმაციით, მას, სავარაუდოდ, სპეცრაზმის მხრიდან გასროლილი გაზის კაფსულა მოხვდა.  გუშინ, „პუბლიკას ჟურნალისტმა, ბასტი მგალობლიშვილმა ამის შესახებ ფეისბუკის პირად გვერდზეც დაწერა: „გასროლის შემდეგ კივილი რომ გავიგონე, გავიქეცი და რომ მივედი, ჩიხში იწვა, აქციის მონაწილეები ფეხზე სითხეს ასხამდნენ და ეხმარებოდნენ. კატეგორიულად ითხოვდა მისთვის სახეზე არავის გადაეღო. სასწრაფოს მანქანაში რომ აიყვანეს, სახეზე ვიცანი. ახლა წერს, რომ აქციის მონაწილეების მიერ ნასროლი პიროტექნიკით დაზიანდა და დეზინფორმაცია გავავრცელეთ“.

„ფორმულა" 

• ოპერატორი -  „მთავარი არხის“ ჟურნალისტმა პირდაპირ ეთერში თქვა, რომ დაშავდა ტელეკომპანია „ფორმულას" ოპერატორი.
• გადამღები ჯგუფი - ტელეკომპანია „ფორმულას“ინფორმაციით, ჩანს, რომ მათი გადამღები ჯგუფი წყლის ჭავლში მოჰყვა.

„მთავარი არხი“

• ქეთა ციცქიშვილი, ჟურნალისტი - ტელეკომპანიის მიერ გავრცელებულ ვიდეოში ჩანს, რომ პოლიციელი ციცქიშვილს სიტყვიერ შეურაცხყოფას აყენებს.

„რადიო თავისუფლება“

• ბექა ბერაძე, პროდიუსერი - ნაცემია “რადიო თავისუფლების” პროდიუსერი ბექა ბერაძე, რომელიც სპეცრაზმმა საპროტესტო აქციის მახლობლად დააკავა. 

ფოტოგრაფი

• ნიკოლოზ თაბუკაშვილი, ფოტოგრაფი - ონლაინ გამოცემა On.ge-ს ინფორმაციით, ის ადმინისტრაციული წესით დააკავეს.

1-2 დეკემბრის ღამე:

„რუსთავი 2“

• გიორგი ნერგაძე, ოპერატორი - ტელეკომპანია “რუსთავი 2”-ის ინფორმაციით, ის პარლამენტის მიმდებარე ტერიტორიაზე დაშავდა. როგორც ტელეკომპანია წერს, მან აქციაზე გაშვებული გაზი შეისუნთქა. ნერგაძეს დახმარება სასწრაფო დახმარების ექიმებმა გაუწიეს და ამ ეტაპზე მისი მდგომარეობა დამაკმაყოფილებელია.
• თამთა ჩიტიშვილი, ჟურნალისტი - „რუსთავი 2-ის“ ინფორმაციით, ის პარლამენტის მიმდებარე ტერიტორიაზე დაშავდა. ტელეკომპანია წერს, რომ მას დაზიანება ფეხის არეში აქვს მიყენებული.

„TV პირველი“

• ნიკო კოკაია, ოპერატორი - ტელეკომპანიის ინფორმაციით, მას პირველადი დახმარება დასჭირდა. 
• „მედიაომბუდსმენის“ ინფორმაციით, კოკაიასთან ერთად, დაშავდა ჟურნალისტი მარიამ მაკასარაშვილიც.

„პუბლიკა“

• ნათია ამირანაშვილი, ჟურნალისტი - „პუბლიკის“ ინფორმაციით, პოლიცია გამოცემის ჟურნალისტს პროფესიული მოვალეობის შესრულების დროს ფიზიკურად გაუსწორდა. “ჟურნალისტი კედელზე მიანარცხეს, რა დროსაც გააგდებინეს ტელეფონი”, - წერს “პუბლიკა”.

„მაუწყებელი“ 

• გიორგი ჩაგელიშვილი, ჟურნალისტი - „მაუწყებლის“ ინფორმაციით, რუსთაველის მეტროში მოქალაქეების დარბევის დროს გამოცემის ჟურნალისტი, გიორგი ჩაგელიშვილი დაიჭირეს. როგორც „პუბლიკა“ წერს, მათ მიერ გადაღებულ კადრებში ჩანს, რომ ჩაგელიშვილი საპოლიციო ძალებს მიუთითებდა, რომ ჟურნალისტია, თუმცა მას ჩანთა გაუჩხრიკეს და წაიყვანეს.

OC Media

• მარიამ ნიკურაძე, OC media-ს თანადამფუძნებელი და ჟურნალისტი -  ნიკურაძე წერს:  „კიდევ ერთი კამერა დამიზიანდა :)) მაკავებდნენ ცრემლსადენი გაზის ბუღში. ჟურნალისტი ვარ-თქო, გამიშვა და მიმახეთქა კედელს კამერიანად. საბედნიეროდ, მარტო ეკრანი დაზიანდა“.

„მედია აპრილი“

• გიორგი ბასხაჯაური, ჟურნალისტი - „მედია აპრილის“ ინფორმაციით, გამოცემის ჟურნალისტს, გიორგი ბასხაჯაურს პროფესიული მოვალეობის შესრულებისას პოლიციელი თავს დაესხა. „ბასხაჯაური ჭავჭავაძეზე აქციის მონაწილეების დაკავებას იღებდა, როცა ერთ-ერთ ჩიხში მას მუშაობაში ხელი შეუშალეს, ტელეფონის ჩამორთმევა სცადეს და დაედევნენ“, - წერს „მედია აპრილი“.

„საზოგადოებრივი მაუწყებელი“

• მირიან მელაძე, ფოტორეპორტიორი - მელაძემ ფეისბუკის პირად გვერდზე დაშავებული ფეხის ფოტო გამოაქვეყნა და დაწერა, რომ ეს ფაქტი სამი დღის წინ მოხდა.