კანადურმა გაზეთმა The Comox Valley Record-მა სარეკლამო ფოტოსტვის, სადაც მან მკითხველს ამცნო, რომ პატარებთან ფოტოს გადასაღებად “სატანა” ემზადებოდა, ბოდიში მოიხადა.

აღმოჩნდა, რომ სარეკლამო ბანერზე “სანტა” უნდა დაბეჭდილიყო, თუმცა მექანიკური შეცდომის გამო მკითხველს უცნაური მასპინძლის შესახებ ამცნეს.

“დაბეჭდილი ფოტო სოციალური მედიის საშუალებით ფართოდ გავრცელდა და გაზეთმა გამოჩენილი უყურადღებობის გამო დამსახურებული საყვედური მიიღო. განცხადების დაბეჭდვის თანხმობა სარეკლამო მასალის გადამოწმების შემდეგ, სარეკლამო დეპარტამენტმა გასცა და ამას ჩვენი მხრიდან გამართლება არ აქვს. მომავალში მსგავსი აღარ განმეორდება”, - განაცხადეს გამოცემაში.

ამასთან, მკითხველთან ერთად, გაზეთმა რეკლამის დამკვეთსაც მოუბოდიშა.

“ეს ჩვენი - სარედაქციო და სარეკლამო დეპარტამენტის პასუხისმგებლობაა, რომ იმ ინფორმაციის სიზუსტე და აკურატულობა გადავამოწმოთ, რომელსაც ვავრცელებთ”, - განმარტეს გაზეთში.

წყარო: imediaethics.org