22 მაისს მედიის საშუალებით გავრცელდა ინფორმაცია, რომ კასპის რაიონში 16 წლის არასრულწლოვანი დედა 7 თვის შვილის გაგუდვის გამო დააკავეს. ამბავი დღის მთავარი თემა იყო როგორც მაუწყებლებისთვის, ისე ონლაინ გამოცემებისთვის.

გამოცემების ნაწილი მასალებს ეთიკური სტანდარტების დარღვევით ამზადებდა. "მედიაჩეკერმა" მოამზადა მოკლე გზამკვლევი, რომელშიც იმ ძირითად წესებზეა გამახვილებული ყურადღება, რასაც მედიამ მსგავსი ამბების გაშუქებისას განსაკუთრებული ყურადღება უნდა მიაქციოს.