ლევან იოსელიანს იმედი აქვს, რომ ქუთაისის სააპელაციო სასამართლო სასამართლოს მეგობრის მოსაზრებაში მოყვანილ გარემოებებს მხედველობაში მიიღებს და მზია ამაღლობელის მიმართ პროპორციული და დასაბუთებული აღკვეთის ღონისძიების გამოყენებაზე იმსჯელებს, ასეთის საჭიროების შემთხვევაში.

დღეს, 21 იანვარს მზია ამაღლობელი # 5 პენიტენციურ დაწესებულებაში სახალხო დამცველმა მოინახულა და „შეამოწმა მისი განთავსების პირობები და უფლებების დაცვის მდგომარეობა; ჟურნალისტისგან პირადად მოისმინა დაკავებისა და პოლიციის მხრიდან განხორციელებული შესაძლო არასათანადო მოპყრობის გარემოებები. ისაუბრეს ასევე, ბრალდების საქმესა და გამოყენებულ პატიმრობაზე“.

ომბუდსმენმა ქუთაისის სააპელაციო სასამართლოს სასამართლოს მეგობრის მოსაზრებით 16 იანვარს მიმართა. ამავე დღეს მზია ამაღლობელისთვის აღკვეთის ღონისძიების სახით პატიმრობის შეფარდება სააპელაციოში გაასაჩივრა დაცვის მხარემ.

„საქართველოს ახალგაზრდა იურისტთა ასოციაციის“ განმარტებით, „მზია ამაღლობელის უკანონო პატიმრობის შეცვლის შესახებ ადვოკატებმა საჩივარი 2025 წლის 15 იანვარს, 17:45 წუთზე წარადგინეს ბათუმის საქალაქო სასამართლოში. კანონმდებლობის შესაბამისად, საჩივარს განიხილავს ქუთაისის სააპელაციო სასამართლო, თუმცა, მატერიალური სახით მისი ჩაბარება ხდება პატიმრობის გამოყენების შესახებ განჩინების გამომტან სასამართლოში. ბათუმის საქალაქო სასამართლო ვალდებული იყო საჩივრის მიღებიდან დაუყოვნებლივ უზრუნველეყო მისი გაგზავნა ქუთაისის სააპელაციო სასამართლოში, თუმცა, კანონმდებლობის ეს უპირობო მოთხოვნა არ შესრულდა. სასამართლომ საჩივრის გაგზავნა შეაფერხა 4 დღით. სააპელაციო სასამართლოს საგამოძიებო კოლეგიამ საქმის მასალები დღეს, 12 საათისთვის მიიღო და ახლა იწყებს საჩივრის განხილვას“.

გამოძიება არასათანადო მოპყრობის ფაქტზე

„საქართველოს ახალგაზრდა იურისტთა ასოციაციის“ 15 იანვრის ინფორმაციით, „მისი[მზია ამაღლობელის] დაკავების შემდგომ, ირაკლი დგებუაძე აყენებდა სიტყვიერ შეურაცხყოფას ხოლო შემდგომ, პოლიციის განყოფილებაში რამდენჯერმე შეეცადა მას ფიზიკურად გასწორებოდა, თუმცა, პოლიციის სხვა თანამშრომლებმა შეძლეს ირაკლი დგებუაძის შეკავება და მისი ოთახიდან გაყვანა. ირაკლი დგებუაძე რამდენჯერმე შევიდა ოთახში და აგრძელებდა აგრესიულ მოპყრობას მის მიმართ, ერთ-ერთი ასეთი შესვლისას, მან მზია ამაღლობელს სახეში შეაფურთხა. ასევე, მისი ბრაძანების შესაბამისად, მზია ამაღლობელს გარკვეული დროის განმავლობაში არ ეძლეოდა წყლის დალევის  და საპირფარეშოთი სარგებლობის საშუალება“.

არასათანადო მოპყრობის ფაქტის გამოძიება სპეციალურ საგამოძიებო სამსახურს ევალება, რომელმაც საიას გამოძიების დაწყება 20 იანვარს, ოფიციალური განცხადების შეტანის შემდეგ, სატელეფონო საუბრისას დაუდასტურა.

ორგანიზაციის განცხადებით, „12 იანვარს სპეციალურ საგამოძიებო სამსახურს ეცნობა მომხდარის შესახებ, რაც საკმარისი საფუძველია გამოძიების დასაწყებად. სპეციალურმა საგამოძიებო სამსახურმა გამოძიების დაწყების ნაცვლად, ე.წ. ,,მოკვლევის“ პროცესი დაიწყო, რომელიც არ წარმოადგენს საპროცესო მოქმედებას. მოკვლევის ფარგლებში, 15 იანვარს, მზია ამაღლობელმა სპეციალურ საგამოძიებო სამსახურის გამომძიებელს მიაწოდა დეტალური ინფორმაცია არასათანადო მოპყრობის შესახებ. სამსახურმა მხოლოდ საიას მიერ ოფიციალური განცხადების შეტანის შემდეგ, დღეს, 20 იანვარს სატელეფონო საუბრისას დაადასტურა გამოძიების დაწყება. ამ დროისათვის სპეციალურ საგამოძიებო სამსახურს მზია ამაღლობელისთვის არ მიუნიჭებია დაზარალებულის სტატუსი“.

მზია ამაღლობელის ადვოკატის, ჯუბა ქათამაძის განცხადებით, სპეციალური საგამოძიებო სამსახურის მიერ გვიან დაწყებული გამოძიება შეიძლება არაეფექტური იყოს.

სპეციალური საგამოძიებო სამსახურის ცნობით, აჭარის სამმართველოში გამოძიება, „საქართველოს შინაგან საქმეთა სამინისტროს ცალკეული თანამშრომლების მხრიდან ბათუმში გამართული საპროტესტო აქციაზე დაკავებული პირების მიმართ, სამსახურებრივი უფლებამოსილების ძალადობით გადამეტების შესაძლო ფაქტებზე“ მიმდინარეობს. 

მზია ამაღლობელის საქმე

,,ბათუმელებისა“ და ,,ნეტგაზეთის" დამფუძნებელსა და დირექტორს მოსამართლე ნინო სახელაშვილმა 14 იანვარს აღკვეთის ღონისძიების სახით წინასწარი პატიმრობა შეუფარდა. 

მზია ამაღლობელი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. ამაღლობელი პოლიციამ პირველად კედელზე იმ სტიკერის გაკვრის გამო დააკავა, რომელზეც „გაიფიცე“ ეწერა, მოგვიანებით ის ხელწერილის საფუძველზე გაათავისუფლეს, თუმცა, მალევე მეორედ ბათუმის პოლიციის უფროსისთვის სილის გაწნის გამო დააკავეს.

ამაღლობელთან ადვოკატებს რამდენიმე საათის განმავლობაში არ უშვებდნენ. სახალხო დამცველის წარმომადგენელს კი მონახულობის დროს მან უთხრა, რომ არასათანადოდ მოეპყრნენ.

„ბათუმებელის“ ინფორმაციით, პირველი დაკავების შემდეგ აჭარის პოლიციის დეპარტამენტიდან გამოსულ მზია ამაღლობელს ახლობლები დახვდნენ, რომლებიც სამმართველოსთან მისი დაკავების შემდეგ მივიდნენ:

„მზია ამაღლობელი მის საგულშემატკივროდ მისულ ადამიანებს ესაუბრებოდა, რა დროსაც პოლიციამ დაკავების ახალი ტალღა დაიწყო. უწყვეტ, ლაივ კადრებში ჩანს, რომ პოლიციამ უმიზეზოდ დააკავა ჯერ ერთი პირი, შემდეგ კი მეორე. ორივე დაკავებული მზია ამაღლობელის ახლობლები იყვნენ.

პოლიციის მხრიდან პროვოკაციული ქმედებების გამო აქციის მონაწილეებსა და პოლიციას შორის დაპირისპირება დაიწყო, დაიწყო ჭყლეტა და სწორედ ამ დროს დააკავეს მზია ამაღლობელი“.

როგორც გამოცემა წერს, მზია ამაღლობელის დაკავების პროცესში ბათუმის პოლიციის უფროსი, ირაკლი დგებუაძე პირადად მონაწილებდა. „ბათუმელების“ მიერ გავრცელებულ ვიდეოში დგებუაძე ამაღლობელის შესახებ ამბობს: „სისხლით... ბო*იშვილი ვიყო სისხლით დავიჭერ... ამას მოვუ**ნავ დედის მუ*ელს“.

ბათუმელები/ნეტგაზეთის 13 იანვრის განცხადებით, „სანამ დეტალებზე არ საუბრობს დაცვის მხარე, “ქართული ოცნების” პროპაგანდისტებმა მიმართეს თავიანთ ჩვეულ ტაქტიკას და გაავრცელეს რამდენიმეწამიანი ვიდეოკადრები კონტექსტის გარეშე ამაღლობელის რეპუტაციის შესალახად. თუმცა TV ფორმულა-ს ვიდეოკადრები აჩვენებს დაკავებამდე სიტუაციას, სადაც ნათლად ჩანს, როგორ ქოლავენ ამაღლობელს პოლიციელები ძირს და აწვებიან მხრებზე. ამაღლობელმა ასევე განაცხადა პოლიციის უფროს დგებუაძის მხრიდან არასათანადო მოპყრობის შესახებ დაკავების შემდეგ“. 

მზია ამაღლობელის წინააღმდეგ გამოძიება სისხლის სამართლის კოდექსის 353-ე პრიმა მუხლის პირველი ნაწილით დაიწყო, რაც პოლიციელზე თავდასხმას გულისხმობს. „ბათუმელების“ დირექტორს 4-დან 7 წლამდე პატიმრობა ემუქრება. ის დაკავების დღიდან შიმშილობს. 

TV 25-ის განცხადებით, 2025 წლის 1 იანვრიდან შეჩერებულია საინფორმაციო გამოშვებები და პოლიტიკური ტოქშოუები. შეჩერებულია ტელეკომპანიის ვებგვერდი და ყველა სოციალური პლატფორმაც.

TV 25 მზია ამაღლობელსა და ყველა პოლიტპატიმარს მხარდაჭერას უცხადებს და საზოგადოებას ბოდიშს უხდის, რომ ასეთ რთულ ვითარებაში მათ ინტერესებს ვერ იცავს.  

„ყოველდღიურ რეჟიმში მიმდინარეობს მუშაობა, რათა არხმა დროულად შეძლოს დაუბრუნდეს სრულყოფილი მაუწყებლობის რეჟიმს. იმედს ვიტოვებთ, რომ ძალიან მალე დაგიბრუნდებით“.

„რეგიონულ მაუწყებელთა ალიანსის“ დირექტორის, ნათია კუპრაშვილის განცხადებით, რომელიც რეგიონული მედიისთვის 2009 წლიდან მუშაობს, ეს არის პირველი იანვრის ბოლო, როდესაც ახალი ამბების მაუწყებლობას მხოლოდ 2 ტელევიზია ახერხებს, დანარჩენი კი ყველა შეჩერებულია.

„TV 25-ს არცერთი ხელისუფლების დროს არ გაუჩერებია „ნიუსმაუწყებლობა“. არბევდნენ, იჭერდნენ, ყველაფერს უშვებოდნენ [ედუარდ] შევარდნაძის დროს, ასლანის [აბაშიძე] დროს, მიშას [სააკაშვილი] დროს. ეს არის პირველი 2025 წელი, როდესაც ასეთი რამ ხდება“.

ნათია კუპრაშვილის შეფასებით, ეს არის ილუსტრაცია იმის, თუ რა ხდება რეგიონულ მაუწყებლებში, რომელთა გარეშეც „ვერ გავა დემოკრატია ფონს ამ ქვეყანაში“. 

„ისინი იყვნენ [რუსული] კანონის პირველი სამიზნე და ეხლა ვხედავთ ამის მოქმედებას. ვინმეს თუ ჰგონია, რომ ის კანონი არ მოქმედებს, ესე არ არის. მოქმედებს და ეს არის ამის შედეგი“.

2025 წლიდან მაუწყებლობა შეაჩერა ტელეკომპანია “ბორჯომმაც”. 

„ტელეკომპანია „ბორჯომის“ 27-წლიანი არსებობის მანძილზე, 2024  იყო ყველაზე რთული, კრიზისული და მორალური გამოწვევებით სავსე წელი. 

იძულებული ვართ დღეიდან დროებით შევაჩეროთ მაუწყებლობა”, - ვკითხულობთ 2024 წლის 31 დეკემბერს ტელეკომპანიის ფეისბუკ გვერდზე გამოქვეყნებულ ბოლო, ახალი წლის მისალოც ტექსტში.

ტელეკომპანიის დირექტორმა, ეკატერინა ნოზაძემ მაშინ „მედიაჩეკერთან“ საუბრისას თქვა, რომ ყველაფერი რუსული კანონის მიღებით დაიწყო.

„ერთი შემიძლია გითხრათ, რომ ყველაფერი რუსული კანონის მიღებით დაიწყო, ეს არის მთავარი მიზეზი ჩვენი გაჩერების, მეტ დეტალზე ამ ეტაპზე სამწუხაროდ ვერ ვისაუბრებ“. 

 „საქართველოს რეგიონულ მაუწყებელთა ალიანსი“ 30-ზე მეტ ტელე-რადიო მაუწყებელს აერთიანებს. 

„საქართველოს ჟურნალისტური ეთიკის ქარტია“ შეშფოთებას გამოთქვამს იმის გამო, რომ პარტია „ქართული ოცნება“ და მასთან აფილირებული პირები კრიტიკულ მედიაში მომუშავე ჟურნალისტების პროფესიულ დისკრედიტაციას და საზოგადოების ცალკეულ ჯგუფებში მათდამი სიძულვილის გაღვივებას ცდილობენ. ორგანიზაციის შეფასებით, ამგვარი ქმედებები  ჟურნალისტების უსაფრთხოების რისკებს ზრდის. 

გუშინ, 17 იანვარს „ექსპრესნიუსმა“ გაავრცელა განცხადება, რომლის მიხედვითაც, გამოცემის დამფუძნებელსა და რედაქტორს, ირაკლი მანაგაძეს პარტია „ქართული ოცნების“ სტრატეგიული კომუნიკაციების სამსახურის უფროსმა, გიორგი გრძელიშვილმა სიტყვიერი შეურაცხყოფა მიაყენა და „ამოძირკვით“ დაემუქრა. 

„ექსპრესნიუსი“ გრძელიშვილის მუქარას ამოძირკვასთან დაკავშირებით სერიოზულ საფრთხედ აღვიქვამს, რადგან მათი ინფორმაციით, ძალოვან უწყებებში ის დიდი გავლენით სარგებლობს. „გრძელიშვილი ხელმძღვანელობს პარტიის პროპაგანდისტული მედიის მუშაობას, მათ შორის ტელეკომპანიების „იმედის“ და „რუსთავი2-ს“ დაქვემდებური ჰყავს რამდენიმე ახალი ამბების სააგენტო და ონლაინ გამოცემა“, - ვკითხულობთ განცხადებაში.

გამოცემა „ქართული ოცნების“ პოლიტსაბჭოს მისი თანამშრომლის შეკავებისკენ მოუწოდებს.

„ჟურნალისტური ეთიკის ქარტია“ კი პარტია „ქართული ოცნებას“ მოუწოდებს, ამ ინციდენტის გამოსაძიებლად შიდა მოკვლევა ჩაატაროს და შედეგები გაასაჯაროვოს. „ასევე უზრუნველყოს, რომ მისი თანამშრომლები დამოუკიდებელი მედიასაშუალებების საქმიანობაში არ ერეოდნენ, ჟურნალისტებს პატივისცემით ექცეოდნენ და კანონის დაცვით მოქმედებდნენ“.

„საერთაშორისო გამჭვირვალობა - საქართველომ“ „ბათუმელებისა“ და „ნეტგაზეთის“ დამფუძნებლისა და დირექტორის, მზია ამაღლობლის დაკავების შესახებ განცხადება გაავრცელა. 

არასამთავრობო ორგანიზაციის შეფასებით, „რეჟიმის პოლიციამ“ და პროკურატურამ მზია ამაღლობელის ქმედებით ბოროტად ისარგებლეს და მის სამაგალითო დასჯას ცდილობენ. 

„აშკარაა, რომ მზია ამაღლობელი ისჯება არა იმისთვის, რომ რაიმე მნიშვნელოვანი საშიშროების შემცველი ქმედება ჩაიდინა, არამედ იმისთვის, რომ იგი წლების განმავლობაში ამხელდა რეჟიმს კორუფციასა და სხვა უკანონო ქმედებებში ჩაბმულობის გამო. მაშასადამე, შეიძლება ითქვას, რომ მზია ამაღლობელი არის პოლიტიკური პატიმარი იმ განმარტებიდან გამომდინარე, რომელიც ევროპის საბჭოს საპარლამენტო ასამბლეას აქვს დადგენილი“.

მზია ამაღლობელი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. 

TI-ის განმარტებით, პირველად იგი უკანონოდ იმ დროს დააკავეს, როდესაც აჭარის პოლიციის სამმართველოს შესასვლელის ღობეზე 15 იანვარს დაგეგმილ საყოველთაო გაფიცვასთან დაკავშირებით სტიკერი გააკრა.

„დაკავებისას მზია ამაღლობელისთვის არავის განუმარტავს დაკავების საფუძველი და შესაბამისი სამართლებრივი ნორმები, რასაც პოლიციას მოქმედი კანონმდებლობა - ადმინისტრაციულ სამართალდარღვევათა კოდექსი ავალდებულებს (იხ.  მუხლი 245. ადმინისტრაციული დაკავება). როგორც შემდგომში გამოირკვა, დაკავების საფუძვლად ადმინისტრაციულ სამართალდარღვევათა კოდექსის 173-ე მუხლი იქნა მითითებული“. 

„საერთაშორისო გამჭვირვალობა - საქართველოს“ განცხადებით, პირველი დაკავების შემდეგ, მზია ამაღლობელი ხელწერილით მალევე გაათავისუფლეს. გათავისუფლების შემდეგ ის მის საგულშემატკივროდ მისულ ადამიანებს ესაუბრებოდა, როდესაც პოლიციამ დაკავების ახალი ტალღა დაიწყო. 

„უწყვეტ, ლაივ კადრებში ჩანს, რომ პოლიციამ უმიზეზოდ დააკავა ჯერ ერთი პირი, შემდეგ კი მეორე. ორივე დაკავებული მზია ამაღლობელის ახლობელი იყო. ამის გამო მზიას შელაპარაკება მოუვიდა ბათუმის პოლიციის უფროსთან - ირაკლი დგებუაძესთან, რის შემდეგაც მზია ამაღლობელმა დგებუაძეს სახეში  სილა გააწნა. საზოგადოებრივი მაუწყებლის ეთერში გასულ ვიდეო რგოლშიც კი, სადაც ინციდენტის მხოლოდ მცირედი ნაწილია ასახული, აშკარად ჩანს, რომ მზია ამაღლობელის მოქნეული ხელის ძალა იმდენად მცირე იყო, რომ დგებუაძეს ტკივილს ვერ მიაყენებდა და ეს მოქმედება მხოლოდ სიმბოლურ ხასიათს ატარებდა“.

„ადმინისტრაციული წესით დაკავების უკანონობა“

TI „ბათუმელებისა“ და „ნეტგაზეთის“ დამფუძნებლისა და დირექტორის ადმინისტრაციული წესით დაკავების კანონიერების შეფასებისას აღნიშნავს, რომ მზია ამაღლობელის, ისევე, როგორც პროტესტის სხვა მონაწილეების დაკავება, რამაც საკუთრივ წარმოშვა კიდეც იმ საღამოს დაძაბულობა პოლიციასა და პროტესტის მონაწილეებს შორის და, რასაც, საბოლოო ჯამში, მზია ამაღლობელის სისხლის სამართლებრივი წესით დაკავებაც მოჰყვა, უკანონო იყო.

„ადმინისტრაციულ სამართალდარღვევათა კოდექსში დე ფაქტო პარლამენტის მიერ 2024 წლის 13 დეკემბერს შეტანილი ცვლილების თანახმად, ადმინისტრაციულ სამართალდარღვევად გამოცხადდა „სხვადასხვა სახის წარწერების, ნახატების, სიმბოლოების თვითნებურად შესრულება ადმინისტრაციული ორგანოების შენობათა ფასადებზე, აგრეთვე მათ მიმდებარე ტერიტორიაზე, მათ შორის, ფეხით მოსიარულეთა და სატრანსპორტო საშუალებების სავალ ნაწილზე“, რისთვისაც გათვალისწინებულია ჯარიმა 2 000 ლარის ოდენობით (იხ. მუხლი 150.  მუნიციპალიტეტის ადმინისტრაციულ საზღვრებში არსებული ტერიტორიის იერსახის დამახინჯება, მე-3 ნაწილი).

ციტირებული ნორმა თავისთავად არაკონსტიტუციური და უკანონოა, რადგან, ჯერ ერთი იგი არალეგიტიმური პარლამენტის მიერ იქნა მიღებული და, მეორეც, გათვალისწინებული სახდელის  თანაზომიერებისა და სხვა კრიტერიუმების მხრივ, საეჭვოა მისი შესაბამისობა საქართველოს კონსტიტუციის მე-17 მუხლითა და ადამიანის უფლებათა ევროპული კონვენციის მე-10 მუხლით დაცულ გამოხატვის თავისუფლებასთან.

მაგრამ ასეც რომ არ იყოს, ციტირებული ნორმის შემადგენლობის თანახმად, სტიკერების გაკვრა, რისთვისაც დააკავეს იმ საღამოს ბათუმში მზია ამაღლობელი და კიდევ ბევრი სხვა პროტესტის მონაწილე, სამართალდარღვევად ვერ ჩაითვლება. ციტირებული ნორმის თანახმად, სამართალდარღვევაა „სხვადასხვა სახის წარწერების, ნახატების, სიმბოლოების თვითნებურად შესრულება”, ანუ იქვე საღებავის ან სხვა საშუალებით დაწერა ან დახატვა და არა სტიკერების გაკვრა, რადგან საღებავის მოშორება შეიძლება გარკვეულ ძალისხმევასთან იყოს დაკავშირებული, მაგრამ სტიკერის ჩამოხსნა არავითარ სირთულეს არ წარმოადგენს. როგორც ჩანს, სწორედ ამიტომაც არ გაითვალისწინა ამ უკანონო და რეპრესიულმა პარლამენტმაც კი სტიკერების გაკვრა აღნიშნულ მუხლში“.

„მზია ამაღლობელის ბრალდების უკანონობა“

„საერთაშორისო გამჭვირვალობა-საქართველოს“ განმარტებით, არსებობს დიდი ალბათობა იმისა, რომ ეს განსხვავებული მოპყრობა დისკრიმინაციული ხასიათისაა და მზია ამაღლობელის ჟურნალისტურ საქმიანობასა და რეჟიმის მიმართ მის დამოკიდებულებას უკავშირდება.

„პროკურატურამ ცნობილ ჟურნალისტს ბრალი მძიმე დანაშაულის ბრალდებით წაუყენა, რაც, თავისთავად, მრავლის მეტყველი ფაქტია. სამართლებრივ სახელმწიფოში, რომელიც ჩვენ არ გვაქვს, პროკურატურა აღწერდა ბრალდების შესახებ დადგენილებაში გარემოებებს, რომლებიც წინ უძღოდა მზია ამაღლობელის ქმედებას, იმსჯელებდა, ხომ არ იყო სავარაუდო ქმედება პასუხი ე.წ. „დაზარალებულის“ პროვოკაციულ ქმედებაზე, რა იყო ქმედების მოტივი და სუბიექტური მხარის სხვა ასპექტები, რამდენად ასრულებდა იმ კონკრეტულ მომენტში სამსახურებრივ მოვალეობას „დაზარალებული“, რამდენად უკავშირდებოდა მზია ამაღლობელის სავარაუდო ქმედება „დაზარალებულის“ სამსახურებრივ საქმიანობას და სხვ. ბუნებრივია, რომ პროკურატურა ამ საკითხების დადგენას არც შეეცადა“.

„მზია ამაღლობელის ქმედება საერთოდ არ არის დანაშაული“

TI-ის განცხადებით, მზია ამაღლობელის ქმედება საერთოდ არ არის დანაშაული. სსკ-ის მე-7 მუხლის მე-2 ნაწილის თანახმად, “დანაშაულს არ წარმოადგენს ისეთი ქმედება, რომელიც, თუმცა ფორმალურად შეიცავს ამ კოდექსით გათვალისწინებული რომელიმე ქმედების ნიშნებს, მაგრამ მცირე მნიშვნელობის გამო არ გამოუწვევია ისეთი ზიანი, რომელიც აუცილებელს გახდიდა მისი ჩამდენის სისხლისსამართლებრივ პასუხისმგებლობას, ან არ შეუქმნია ასეთი ზიანის საფრთხე“.

ორგანიზაციის შეფასებით, სილის გაწნა, რომელსაც არ შეიძლება ტკივილი გამოეწვია, მხოლოდ მცირე მნიშვნელობისაა და რაიმე სერიოზულ ზიანს ვერ გამოიწვევდა.

„აღკვეთის ღონისძიების სახით პატიმრობის შეფადების კანონიერება“

„საერთაშორისო გამჭვირვალობა-საქართველო“ აღნიშნავს, რომ ბათუმის საქალაქო სასამართლოს მოსამართლე ნინო სახელაშვილმა ისე შეუფარდა პატიმრობა მზია ამაღლობელს, რომ „არც დაინტერესებულა, რა მტკიცებულებითი საფუძველი გააჩნდა პროკურატურას, როდესაც მზია ამაღლობელის პატიმრობის საფუძვლად მიმალვის და სასამართლოში არგამოცხადების, საქმისათვის მნიშვნელოვანი ინფორმაციის განადგურების ან ახალი დანაშაულის ჩადენის საფრთხეებით ხსნიდა“. (ვრცლად, TI-ის განცხადება იხილეთ აქ.)

„ბათუმელებისა“ და ,,ნეთგაზეთის“ დამფუძნებელი და დირექტორი რუსთავის დაწესებულებაში “საქართველოს ახალგაზრდა იურისტთა ასოციაციის” თავმჯდომარემ მოინახულა და არასათანადო მოპყრობის ფაქტთან დაკავშირებით მის გამოკითხვას დაესწრო. 

საიას ინფორმაციით, მზია ამაღლობელმა პოლიციის განყოფილების ეზოსა და განყოფილების შენობაში მასზე განხორციელებული არასათანადო მოპყრობის ეპიზოდებზე სპეციალურ საგამოძიებო სამსახურს ინფორმაცია დეტალურად მიაწოდა. 

„მისი დაკავების შემდგომ, ირაკლი დგებუაძე აყენებდა სიტყვიერ შეურაცხყოფას ხოლო შემდგომ, პოლიციის განყოფილებაში რამდენჯერმე შეეცადა მას ფიზიკურად გასწორებოდა, თუმცა, პოლიციის სხვა თანამშრომლებმა შეძლეს ირაკლი დგებუაძის შეკავება და მისი ოთახიდან გაყვანა. ირაკლი დგებუაძე რამდენჯერმე შევიდა ოთახში და აგრძელებდა აგრესიულ მოპყრობას მის მიმართ, ერთ-ერთი ასეთი შესვლისას, მან მზია ამაღლობელს სახეში შეაფურთხა. ასევე, მისი ბრაძანების შესაბამისად, მზია ამაღლობელს გარკვეული დროის განმავლობაში არ ეძლეოდა წყლის დალევის  და საპირფარეშოთი სარგებლობის საშუალება“, - წერს ორგანიზაცია.

საია საგამოძიებო სამსახურს მოუწოდებს, დროულად გამოიძიოს ამაღლობელის მიმართ დამამცირებელი მოპყრობის ფაქტი, სათანადო კვალიფიკაციით.

ასევე, ორგანიზაცია ითხოვს, დაუყოვნებლივ შეუჩერდეს სამსახურებრივი უფლებამოსილება ბათუმის პოლიციის უფროსს, ირაკლი დგებუაძეს.

Human Rights Watch-ის ევროპისა და ცენტრალური აზიის განყოფილების ასოცირებული დირექტორის, გიორგი გოგიას თქმით, მზია ამაღლობელი სანდო გამოძიების დასრულებამდე უნდა გათავისუფლდეს.

„საქართველოს სასამართლომ დამოუკიდებელ ჟურნალისტს, მზია ამაღლობელს წინასწარი პატიმრობა შეუფარდა. პოლიციელზე თავდასხმისთვის მას 7 წლამდე პატიმრობა ემუქრება. ეს ეწინააღმდეგება ევროსასამართლოს სტანდარტებს“.

„ჰაინრიჰ ბიოლის ფონდის თბილისის ოფისი“, ყველა პასუხისმგებელ ორგანოს  მზია ამაღლობელის დაუყოვნებლივ გათავისუფლებისკენ მოუწოდებს.

„ვიმედოვნებთ, რომ ის შეძლებს, ყოველგვარი შეფერხების გარეშე გააგრძელოს თავისი მნიშვნელოვანი საქმიანობა. ჩვენ ვითხოვთ სამართლიან და მიუკერძოებელ სასამართლო პროცესს საერთაშორისო სტანდარტების შესაბამისად და მოვუწოდებთ საქართველოს მთავრობას, უზრუნველყოს მედიის თავისუფლება ქვეყანაში“.

„ბათუმელებისა“ და „ნეტგაზეთის“  დამფუძნებლისა და აღმასრულებელი დირექტორის და „ბათუმელების“ ოპერატორის, გურამ მურვანიძის დაკავებას   „ევროკავშირის წარმომადგენლობა საქართველოშიც“ გამოეხმაურა.

„საქართველოს მოქალაქეებს კვლავ ემუქრება დაკავება ფუნდამენტური უფლებებით სარგებლობის გამო. მზია ამაღლობელისა და გურამ მურვანიძის დაპატიმრება გამოხატვის თავისუფლებას უფრო მეტად აკნინებს. ყველა უსამართლოდ დაკავებული უნდა გათავისუფლდეს. ევროკავშირი სამართლიანი სასამართლოს უფლების დაცვისკენ მოუწოდებს. დაუსჯელობა ვერ გაიმარჯვებს“, - აღნიშნულია განცხადებაში.

,,ბათუმელებისა“ და ,,ნეტგაზეთის" დამფუძნებელსა და დირექტორს მოსამართლე ნინო სახელაშვილმა 14 იანვარს აღკვეთის ღონისძიების სახით წინასწარი პატიმრობა შეუფარდა. 

მზია ამაღლობელის წინააღმდეგ გამოძიება სისხლის სამართლის კოდექსის 353-ე პრიმა მუხლის პირველი ნაწილით დაიწყო, რაც პოლიციელზე თავდასხმას გულისხმობს. ბრალის დადასტურების შემთხვევაში „ბათუმელების“ დირექტორს 4-დან 7 წლამდე პატიმრობა ემუქრება.

„საქართველოს ჟურნალისტური ეთიკის ქარტია“ ირაკლი დგებუაძისათვის სამსახურებრივი უფლებამოსილების დაუყოვნებლივ შეჩერებისა და მზია ამაღლობელის მიმართ დამამცირებელი მოპყრობის ფაქტის სათანადო კვალიფიკაციით გამოძიების თაობაზე „საქართველოს ახალგაზრდა იურისტთა ასოციაციის“ მოთხოვნას უერთდება. 

„საია-ს თავმჯდომარემ, ნონა ქურდოვანიძემ, ქალთა მეხუთე პენიტენციურ დაწესებულებაში მოინახულა მზია ამაღლობელი და არასათანადო მოპყრობის ფაქტთან დაკავშირებით მისი გამოკითხვის პროცესს დაესწრო.

როგორც საია იუწყება, მზია ამაღლობელმა დეტალურად მიაწოდა ინფორმაცია სპეციალურ საგამოძიებო სამსახურს პოლიციის განყოფილების ეზოსა და განყოფილების შენობაში მასზე განხორციელებული არასათანადო მოპყრობის ეპიზოდებზე.

საია-ს ცნობით, მზია ამაღლობელს, დაკავების შემდგომ, ირაკლი დგებუაძე აყენებდა სიტყვიერ შეურაცხყოფას. პოლიციის განყოფილებაში ირაკლი დგებუაძე რამდენჯერმე შეეცადა ფიზიკურად გასწორებოდა მას, თუმცა, პოლიციის სხვა თანამშრომლებმა ის შეაკავეს და ოთახიდან გაიყვანეს. ირაკლი დგებუაძე რამდენჯერმე შევიდა ოთახში, სადაც მზია ამაღლობელი იმყოფებოდა და აგრძელებდა აგრესიულ მოპყრობას მის მიმართ. ერთ-ერთი ასეთი შესვლისას, მან მზია ამაღლობელს სახეში შეაფურთხა. ასევე, ირაკლი დგებუაძის ბრძანების შესაბამისად, მზია ამაღლობელს გარკვეული დროის განმავლობაში არ აძლევდნენ წყლის დალევის და საპირფარეშოთი სარგებლობის საშუალებას.

„ბათუმელებისა“ და „ნეტგაზეთის“ დამფუძნებლი და დირექტორი მზია ამაღლობელი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. პირველად კედელზე სტიკერის გაკვრის გამო გაფიცვისკენ მოწოდებით. მოგვიანებით ის ხელწერილის საფუძველზე გაათავისუფლეს. თუმცა, მალევე დააკავეს მეორედ - ამჯერად ბათუმის პოლიციის უფროსისთვის სილის გაწნის გამო. „ბათუმელების“ ინფორმაციით, პირველი დაკავების შემდეგ აჭარის პოლიციის დეპარტამენტიდან გამოსულ მზია ამაღლობელს ახლობლები დახვდნენ, რომლებიც სამმართველოსთან მისი დაკავების შემდეგ მივიდნენ.  მზია ამაღლობელი მის საგულშემატკივროდ მისულ ადამიანებს ესაუბრებოდა, რა დროსაც პოლიციამ ორი პირი დააკავა. ორივე დაკავებული მზია ამაღლობელის ახლობელი იყო. პოლიციის მხრიდან პროვოკაციულ მოქმედებებს დაპირისპირება და ჭყლეტა და ირაკლი დგებუაძესა და მზია ამაღლობელს შორის დაპირისპირება მოჰყვა, რა დროსაც დააკავეს მზია ამაღლობელი. დაკავების პროცესში პირადად მონაწილეობდა ირაკლი დგებუაძე. „ბათუმელების“ გავრცელებულ ვიდეოში ჩანს, რომ ირაკლი დგებუაძე მზია ამაღლობელს აგინებს და იმუქრება, რომ მას სისხლის სამართლებრივი წესით დაასჯევინებს“, - ვკითხულობთ ორგანიზაციის განცხადებაში. 

მზია ამაღლობელის საქმე

,,ბათუმელებისა“ და ,,ნეტგაზეთის" დამფუძნებელსა და დირექტორს მოსამართლე ნინო სახელაშვილმა 14 იანვარს აღკვეთის ღონისძიების სახით წინასწარი პატიმრობა შეუფარდა. 

მზია ამაღლობელი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. ამაღლობელი პოლიციამ პირველად კედელზე იმ სტიკერის გაკვრის გამო დააკავა, რომელზეც „გაიფიცე“ ეწერა, მოგვიანებით ის ხელწერილის საფუძველზე გაათავისუფლეს, თუმცა, მალევე მეორედ ბათუმის პოლიციის უფროსისთვის სილის გაწნის გამო დააკავეს.  

ამაღლობელთან ადვოკატებს რამდენიმე საათის განმავლობაში არ უშვებდნენ. სახალხო დამცველის წარმომადგენელს კი მონახულობის დროს მან უთხრა, რომ არასათანადოდ მოეპყრნენ.

„ბათუმებელის“ ინფორმაციით, პირველი დაკავების შემდეგ აჭარის პოლიციის დეპარტამენტიდან გამოსულ მზია ამაღლობელს ახლობლები დახვდნენ, რომლებიც სამმართველოსთან მისი დაკავების შემდეგ მივიდნენ:

„მზია ამაღლობელი მის საგულშემატკივროდ მისულ ადამიანებს ესაუბრებოდა, რა დროსაც პოლიციამ დაკავების ახალი ტალღა დაიწყო. უწყვეტ, ლაივ კადრებში ჩანს, რომ პოლიციამ უმიზეზოდ დააკავა ჯერ ერთი პირი, შემდეგ კი მეორე. ორივე დაკავებული მზია ამაღლობელის ახლობლები იყვნენ.

პოლიციის მხრიდან პროვოკაციული ქმედებების გამო აქციის მონაწილეებსა და პოლიციას შორის დაპირისპირება დაიწყო, დაიწყო ჭყლეტა და სწორედ ამ დროს დააკავეს მზია ამაღლობელი“.

როგორც გამოცემა წერს, მზია ამაღლობელის დაკავების პროცესში ბათუმის პოლიციის უფროსი, ირაკლი დგებუაძე პირადად მონაწილებდა. „ბათუმელების“ მიერ გავრცელებულ ვიდეოში დგებუაძე ამაღლობელის შესახებ ამბობს: „სისხლით... ბო*იშვილი ვიყო სისხლით დავიჭერ... ამას მოვუ**ნავ დედის მუ*ელს“.

ბათუმელები/ნეტგაზეთის 13 იანვრის განცხადებით, „სანამ დეტალებზე არ საუბრობს დაცვის მხარე, “ქართული ოცნების” პროპაგანდისტებმა მიმართეს თავიანთ ჩვეულ ტაქტიკას და გაავრცელეს რამდენიმეწამიანი ვიდეოკადრები კონტექსტის გარეშე ამაღლობელის რეპუტაციის შესალახად. თუმცა TV ფორმულა-ს ვიდეოკადრები აჩვენებს დაკავებამდე სიტუაციას, სადაც ნათლად ჩანს, როგორ ქოლავენ ამაღლობელს პოლიციელები ძირს და აწვებიან მხრებზე. ამაღლობელმა ასევე განაცხადა პოლიციის უფროს დგებუაძის მხრიდან არასათანადო მოპყრობის შესახებ დაკავების შემდეგ“. 

„საქართველოს ახალგაზრდა იურისტთა ასოციაციის“ ინფორმაციით, „მისი[მზია ამაღლობელის] დაკავების შემდგომ, ირაკლი დგებუაძე აყენებდა სიტყვიერ შეურაცხყოფას ხოლო შემდგომ, პოლიციის განყოფილებაში რამდენჯერმე შეეცადა მას ფიზიკურად გასწორებოდა, თუმცა, პოლიციის სხვა თანამშრომლებმა შეძლეს ირაკლი დგებუაძის შეკავება და მისი ოთახიდან გაყვანა. ირაკლი დგებუაძე რამდენჯერმე შევიდა ოთახში და აგრძელებდა აგრესიულ მოპყრობას მის მიმართ, ერთ-ერთი ასეთი შესვლისას, მან მზია ამაღლობელს სახეში შეაფურთხა. ასევე, მისი ბრაძანების შესაბამისად, მზია ამაღლობელს გარკვეული დროის განმავლობაში არ ეძლეოდა წყლის დალევის  და საპირფარეშოთი სარგებლობის საშუალება“.

„პრესის საერთაშორისო ინსტიტუტი“ ვეტერანი ქართველი ჟურნალისტისა და IPI-ის წევრის, „ნეტგაზეთისა“ და „ბათუმელების“ დამფუძნებლის, მზია ამაღლობელის გათავისუფლებას ითხოვს.

IPI ხაზს უსვამს, რომ ამაღლობელის დაკავება ხდება საქართველოში დამოუკიდებელი ჟურნალისტების შევიწროებისა და თავდასხმების სწრაფად მზარდ კონტექსტში და მოუწოდებს საქართველოს ხელისუფლებას, მოხსნას არაპროპორციული ბრალდებები ამაღლობელის წინააღმდეგ, დაუყოვნებლივ გაათავისუფლოს იგი და შეწყვიტოს ყოველგვარი შევიწროება „ბათუმელებისა“ და მისი თანამშრომლების მიმართ.

„პრესის საერთაშორისო ინსტიტუტის“ გლობალური ქსელი სოლიდარობას უცხადებს „ბათუმელების“ ჟურნალისტებს და ყველა სხვა დამოუკიდებელ რეპორტიორს, რომლებიც ქართული საზოგადოების ინფორმირებისთვის მუშაობენ.

„ამაღლობელი არის „ბათუმელების“ დამფუძნებელი და დირექტორი, საქართველოში ერთ-ერთი ყველაზე პოპულარული და პატივსაცემი ონლაინ საინფორმაციო პორტალის, რომელიც ხშირად აშუქებს კორუფციას და უფლებამოსილების ბოროტად გამოყენებას საჯარო მოხელეების მონაწილეობით. მიუხედავად თავდასხმების, მუქარისა და ზეწოლისა, ამაღლობელმა და „ბათუმელებმა“ აჩვენეს ურყევი ერთგულება ჟურნალისტური დამოუკიდებლობისადმი. 2023 წელს „ბათუმელები“ ​​ IPI-IMS Free Media Pioneer Award-ის მოკლე სიაში მოხვდა“, - ვკითხულობთ განცხადებაში.

განცხადებაში აღნიშნულია, რომ ამაღლობელის დაკავებამდე, ბათუმის პოლიციის უფროსმა ირაკლი დგებუაძემ შეურაცხყოფა მიაყენა „ბათუმელების“ რედაქტორ ეთერ თურაძეს. IPI-ის თმით, „ბათუმელებმა“ დგებუაძე არაერთხელ ამხილეს ადამიანის უფლებათა სავარაუდო დარღვევაში.

„პრესის საერთაშორისო ინსტიტუტი“ იმოწმებს „საერთაშორისო გამჭვირვალობა საქართველოს“, რომ მზია ამაღლობელის დაკავების ინციდენტის ამსახველ ვიდეოში ნაჩვენები სილა იყო „სიმბოლური და არ ჰქონდა საკმარისი ძალა ზიანის მიყენებისთვის“, შესაბამისად, არ შეესაბამება სისხლის სამართლის კოდექსით გათვალისწინებული დანაშაულის სტანდარტს.

IPI ასევე აღნიშნავს, რომ ცალკე საქმეზე ბათუმის საქალაქო სასამართლომ რვადღიანი ადმინისტრაციული პატიმრობა შეუფარდა გურამ მურვანიძეს, „ბათუმელების“ ფოტოგრაფსა და ოპერატორს. მურვანიძე პოლიციამ 12 იანვარს აქციის გაშუქებისას დააკავა. პროკურატურა მას სამართალდამცავების კანონიერი ბრძანების დაუმორჩილებლობაში ადანაშაულებს.

მზია ამაღლობელის დაუყოვნებლივ გათავისუფლება მოითხოვა პრესის თავისუფლებისა და ჟურნალისტების უფლებების დამცველმა საერთაშორისო ორგანიზაციამ - „მედიის საერთაშორისო მხარდაჭერა“ (IMS).

„გამოვთქვამთ ღრმა შეშფოთებას „ბათუმელებისა“ და „ნეტგაზეთის“ დამფუძნებლისა და დირექტორის, მზია ამაღლობელის დაკავებისა და იმ შემაშფოთებელი გარემოებების გამო, რასაც მისი დაკავებისას ჰქონდა ადგილი.

მზია ამაღლობელმა 2 ათწლეულზე მეტი მიუძღვნა სიტყვის თავისუფლებისათვის და დამოუკიდებელი ჟურნალისტიკისთვის ბრძოლას საქართველოში. მისმა ურყევმა ერთგულებამ დემოკრატიისადმი და გამოხატვის თავისუფლებისადმი განაპირობა ის, რომ კრიტიკული ხმა ისმის ქვეყანაში. მის წინააღმდეგ წაყენებული ბრალდებები და პატიმრობაში არასათანადო მოპყრობის შესახებ ინფორმაცია სერიოზულ შეშფოთებას იწვევს საქართველოში მედიის თავისუფლებისა და ჟურნალისტების უსაფრთხოების შესახებ.  ეს ქმედებები მიუთითებს დამოუკიდებელ მედია საშუალებებზე ზეწოლის უფრო ფართო კონტექსტზე.

მზია ამაღლობელის დაკავება და პატიმრობაში დატოვება არის მისი უფლებების პირდაპირი შელახვა და მძიმე დარტყმა დამოუკიდებელ ჟურნალისტიკაზე, რაც მნიშვნელოვნად აფერხებს „ბათუმელებისა“ და „ნეტგაზეთის“ მუშაობას საქართველოსთვის ასეთ კრიტიკულ პერიოდში“.

IMS „ქართული ოცნებას“  მოუწოდებს, დაიცვას გამჭვირვალობის, სამართლიანობისა და კანონის უზენაესობის პრინციპები.

„დაუყოვნებლივ გაათავისუფლეთ მზია ამაღლობელი, არ არსებობს არანაირი მტკიცებულება, რომ ის წარმოადგენს საფრთხეს გამოძიებისთვის. სოლიდარობას ვუცხადებთ მზია ამაღლობელს, მოვუწოდებთ ყველას, ვინც პრესის თავისუფლებას უჭერს მხარს, შემოგვიერთდით და დავიცვათ პრესის თავისუფლება და დემოკრატია საქართველოში“, - წერს ორგანიზაცია.

„ბათუმელებისა“ და „ნეტგაზეთის“ დირექტორის და „ბათუმელების“ ოპერატორის დაკავებას გამოეხმაურა პრესის თავისუფლების დამცველი საერთაშორისო ორგანიზაცია „რეპორტიორები საზღვრებს გარეშეც“. RSF-ი მიუკერძოებელ გამოძიებას მოითხოვს  და აღნიშნავს, რომ ისინი დაუყოვნებლივ უნდა გათავისუფლდნენ.

მზია ამაღლობელის „მიზანში ამოღებას“ გმობს და მისთვის წაყენებული ბრალის მოხსნა მოითხოვა ორგანიზაციამ - „ქალები პრესის თავისუფლებისთვის“. 

„ეს არის უხეში თავდასხმა პრესის თავისუფლებაზე. მას შემდეგ, რაც ნოემბერში საპროტესტო აქციები დაიწყო, ათობით ქალი ჟურნალისტი გახდა შევიწროებისა და პოლიციის მხრიდან ძალადობის სამიზნე. ამაღლობელი და მისი კოლეგები ბათუმში უკანონო დაკავებების დოკუმენტირებაზე მუშაობდნენ.

მოვითხოვთ, რომ მოეხსნას მას წაყენებლი ბრალდება და დასრულდეს დამოუკიდებელი ჟურნალისტების დევნა საქართველოში“.

მზია ამაღლობელისა და გურამ მურვანიძის დაკავებას გამოეხმაურა და მათი გათავისუფლება მოითხოვა ევროპის საბჭოს ჟურნალისტთა უსაფრთხოების პლატფორმამაც.

,,ბათუმელებისა“ და ,,ნეტგაზეთის" დამფუძნებელსა და დირექტორს მოსამართლე ნინო სახელაშვილმა 14 იანვარს აღკვეთის ღონისძიების სახით წინასწარი პატიმრობა შეუფარდა. 

მზია ამაღლობელი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. პირველად მზია ამაღლობელი პოლიციამ კედელზე იმ სტიკერის გაკვრის გამო დააკავა, რომელზეც „გაიფიცე“ ეწერა, ის მოგვიანებით ხელწერილის საფუძველზე გაათავისუფლეს, თუმცა, მალევე მეორედ დააკავეს.

მზია ამაღლობელის წინააღმდეგ გამოძიება სისხლის სამართლის კოდექსის 353-ე პრიმა მუხლის პირველი ნაწილით დაიწყო, რაც პოლიციელზე თავდასხმას გულისხმობს. ბრალის დადასტურების შემთხვევაში „ბათუმელების“ დირექტორს 4-დან 7 წლამდე პატიმრობა ემუქრება.

„ბათუმელებისა" და ,,ნეთგაზეთის" დამფუძნებელი და დირექტორი რუსთავის დაწესებულებაში “საქართველოს ახალგაზრდა იურისტთა ასოციაციის” თავმჯდომარემ მოინახულა და არასათანადო მოპყრობის ფაქტთან დაკავშირებით მის გამოკითხვას დაესწრო. 

საიას ინფორმაციით, მზია ამაღლობელმა პოლიციის განყოფილების ეზოსა და განყოფილების შენობაში მასზე განხორციელებული არასათანადო მოპყრობის ეპიზოდებზე სპეციალურ საგამოძიებო სამსახურს ინფორმაცია დეტალურად მიაწოდა. 

„მისი დაკავების შემდგომ, ირაკლი დგებუაძე აყენებდა სიტყვიერ შეურაცხყოფას ხოლო შემდგომ, პოლიციის განყოფილებაში რამდენჯერმე შეეცადა მას ფიზიკურად გასწორებოდა, თუმცა, პოლიციის სხვა თანამშრომლებმა შეძლეს ირაკლი დგებუაძის შეკავება და მისი ოთახიდან გაყვანა. ირაკლი დგებუაძე რამდენჯერმე შევიდა ოთახში და აგრძელებდა აგრესიულ მოპყრობას მის მიმართ, ერთ-ერთი ასეთი შესვლისას, მან მზია ამაღლობელს სახეში შეაფურთხა. ასევე, მისი ბრაძანების შესაბამისად, მზია ამაღლობელს გარკვეული დროის განმავლობაში არ ეძლეოდა წყლის დალევის  და საპირფარეშოთი სარგებლობის საშუალება”, - წერს ორგანიზაცია.

საია საგამოძიებო სამსახურს მოუწოდებს, დროულად გამოიძიოს ამაღლობელის მიმართ დამამცირებელი მოპყრობის ფაქტი, სათანადო კვალიფიკაციით.

ასევე, ორგანიზაცია ითხოვს, დაუყოვნებლივ შეუჩერდეს სამსახურებრივი უფლებამოსილება ბათუმის პოლიციის უფროსს, ირაკლი დგებუაძეს.

ფოტო „ბათუმელები"

„ნეტგაზეთისა“ და „ბათუმელების“ თანადამფუძნებლისა და დირექტორის, მზია ამაღლობელმა რუსთავის ციხიდან გამოგზავნილ წერილს „ნეტგაზეთი“ ავრცელებს. 

მზია ამაღლობელის შეფასებით, მისი დაკავება და წარდგენილი ბრალი რეპრესიული და სიძულვილით გაჟღენთილი პროცესების შედეგია.

„ფაქტი, რომელიც მოხდა და ბრალი, რომელიც მაქვს რეპრესიული, მტრული, სიძულვილით გაჟღენთილი, ადამიანის და სიტყვის გამოხატვის თავისუფლების წინააღმდეგ მიმართული პროცესების შედეგია. პროცესების, რომელიც ბოლო 1 წელია ვითარდება და ჩვენს ყოველდღიურ ცხოვრებაში შემოდის, როგორც დიქტატურა“, - წერს ამაღლობელი.

,,ბათუმელებისა“ და ,,ნეტგაზეთის" დამფუძნებელსა და დირექტორს მოსამართლე ნინო სახელაშვილმა 14 იანვარს აღკვეთის ღონისძიების სახით წინასწარი პატიმრობა შეუფარდა. 

მზია ამაღლობელი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. პირველად მზია ამაღლობელი პოლიციამ კედელზე იმ სტიკერის გაკვრის გამო დააკავა, რომელზეც „გაიფიცე“ ეწერა, ის მოგვიანებით ხელწერილის საფუძველზე გაათავისუფლეს, თუმცა, მალევე მეორედ დააკავეს.

მზია ამაღლობელის წინააღმდეგ გამოძიება სისხლის სამართლის კოდექსის 353-ე პრიმა მუხლის პირველი ნაწილით დაიწყო, რაც პოლიციელზე თავდასხმას გულისხმობს. ბრალის დადასტურების შემთხვევაში „ბათუმელების“ დირექტორს 4-დან 7 წლამდე პატიმრობა ემუქრება.

„საზოგადოებრივი მაუწყებლის აჭარის ტელევიზიისა და რადიოს“ წამყვანმა, ქეთი ბოლქვაძემ სპეციალური გამოშვების დაწყებისას თქვა, რომ მთავარი საინფორმაციო გამოშვების მიმდინარეობისას „ბათუმელების“ მთავარი რედაქტორი პირდაპირ ეთერში „შეიჭრა“ და მიუხედავად იმისა, რომ ეთერ თურაძეს არ უსაუბრია, ეს მისთვის ხელის შეშლა იყო. ქეთი ბოლქვაძე მომხდარს, დაახლოებით 40 წუთით ადრე, ეთერში შემთხვევით მოხვედრილ მასალაში განსხვავებულად აღწერს „არ შეუშლია ხელი. შიგნით არ შემოსულა“. ამავე საუბარში ისმის „აჭარის ტელევიზიის“ წამყვანის ჰობოფობიური ტექსტიც ჟურნალისტ გიგა გელხვიიძის მიმართ. 

.........................................................................................................................................
„საქართველოს ჟურნალისტური ეთიკის ქარტიის“ პირველი პრინციპით, ჟურნალისტმა პატივი უნდა სცეს სიმართლეს და საზოგადოების უფლებას – მიიღოს ზუსტი ინფორმაცია.

მე-7 პრინციპით კი, ჟურნალისტს მედიის მიერ დისკრიმინაციის წახალისების საფრთხე უნდა ესმოდეს და „ამიტომ ყველაფერი უნდა იღონოს ნებისმიერი პირის დისკრიმინაციის თავიდან ასაცილებლად რასის, სქესის, სექსუალური ორიენტაციის, ენის, რელიგიის, პოლიტიკური და სხვა შეხედულებების, ეროვნული ან სოციალური წარმოშობის საფუძველზე ან რაიმე სხვა ნიშნით“.
.........................................................................................................................................

რა მოხდა 14 იანვრის საღამოს „აჭარის ტელევიზიაში“ ქრონოლოგიურად

14 იანვარს „აჭარის ტელევიზიასთან“ მედიის წარმომადგენლებმა შეკრება და მზია ამაღლობელის საქმეზე სასაუბროდ პირდაპირი ეთერის მოთხოვნა 20:00 საათიდან დაიწყეს. მთავარი საინფორმაციო გამოშვება სწორედ ამ დროს იწყება. 

„ბათუმელებისა“ და ,,ნეტგაზეთის" დამფუძნებელსა და დირექტორს წინასწარი პატიმრობა გუშინ შეუფარდეს. 

„მთავარის“ მიმდინარეობისას ტელევიზიის შენობაში „ბათუმელების“ მთავარი რედაქტორი, ეთერ თურაძე შევიდა, რომელსაც მოგვიანებით ტელეკომპანია პოლიციამ დაატოვებინა. „აჭარის ტელევიზიიდან“ გამოსულმა „ბათუმელების“ რედაქტორმა [21:07 წუთზე] თქვა, რომ ჯერ ეთერის დათმობას დაჰპირდნენ, შემდეგ კი შენობის დატოვება მოსთხოვეს. ეთერ თურაძემ თქვა ისიც, რომ სტუდიაში იმყოფებოდა, თუმცა წამყვანისთვის ხელი არ შეუშლია.

„გილოცავთ, აჭარის ტელევიზიის თანამშრომლებო, თქვენ ხართ შინაგან საქმეთა სამინისტროს დანაყოფი“. 

„მთავარი“ 20:34 წუთზე დასრულდა, დამშვიდობებისას კი წამყვანმა თქვა, რომ პირდაპირ ეთერში მოვლენათა განვითარების შესაბამისად დაბრუნდებოდნენ, თუმცა ქეთი ბოლქვაძეს მაყურებლებისთვის არ დაუზუსტებია, რა მოვლენების განვითარებას გულისხმობდა. ეთერი 20:51 საათზე ტელევიზიასთან შეკრებილების ჩვენებით განახლდა. ამ კადრის პარალელურად, დაახლოებით 2 წუთის განმავლობაში პირდაპირ ეთერში ისმოდა საინფორმაციო გამოშვების წამყვანის ეთერს მიღმა საუბარიც. აქ ქეთი ბოლქვაძე ჰყვება, რომ ეთერ თურაძე სტუდიაში პირდაპირი ეთერის მიმდინარეობის დროს შევიდა, თუმცა „არ შეუშლია ხელი. შიგნით არ შემოსულა“.

„ეთერის დათმობა გვინდაო და მე ვუთხარი, პირდაპირი ჩართვები მიდიოდა „კაკრას“ აქციებიდან და ყველაფერს ვაშუქებთ ჩვენ-მეთქი და მე ვიცი, თქვენ როგორც აშუქებთო. მე თქვენთან პოლემიკაში შემოსვლაო არ მინდაო. ეთერის დათმობას ვითხოვთო და გიორგი იყო, გიორგიც არ იყო. სტუდიაში ისე შემოვიდა, რომ არავინ არ იყო სტუდიაში. პირდაპირ ეთერში ვლაპარაკობ და ეს შემოდის [ეთერ თურაძე] და ხო ვიცანი, ვინც იყო, ისე ვინერვიული, ახლაც ხელები მიკანკალებს. ხოდა, ანუ, არ შეუშლია ხელი. შიგნით არ შემოსულა. ბექაც თხოვდა, რომ ახლოს არ მოსულიყო, რომ კადრში [არ] შემოსულიყო და გადაცემის დამთავრება მაცადა. იმიტომ, რომ გიორგი შემოვიდა და უთხრა, დაგითმობთ ეთერსო, მოვიდნენ ხელმძღვანელობა და ასე შემდეგ, მაგრამ 24/7-ზე ტელეფონი ეჭირა ხელში, ყველაფერს მიღებდა აბსოლუტურად და რა თქმა უნდა, იყო დამძაბველი რა, დავითრგუნე“.

ამავე საუბარში „საზოგადოებრივი მაუწყებლის აჭარის ტელევიზიის“ წამყვანი CNews Exclusive-ის ჟურნალისტს ჰომოფობიური ტექსტით იმის გამო მოიხსენიებს, რომ გიგა გელხვიიძემ ბოლქვაძე ფეისბუკის პირად გვერდზე მონიშნა და ტელევიზიასთან მყოფი კოლეგებისთვის პირდაპირი ეთერის დათმობისკენ მოუწოდა. 

„საზოგადოებრივი მაუწყებლის აჭარის ტელევიზიის“ წამყვანმა გადაცემის დასასრულს თქვა, რომ მოქალაქეებს დროის დათმობა, როგორ ჩანს, მათთვის შეურაცხყოფის მისაყენებლად უნდოდათ. 

„საზოგადოებრივი მაუწყებლის აჭარის ტელევიზიისა და რადიოს განცხადებით კი, მათი წამყვანი „მძიმე ფსიქო-ემოციურ მდგომარეობაში“ იმყოფებოდა. ტელევიზია გაემიჯნა ჰომოფობიის ნებისმიერი ფორმით გამოვლინებასაც. 

ჟურნალისტ გიგა გელხვიიძის უფლებებს კი „მედიაომბუდსმენი“ დაიცავს, რომელიც საქართველოს სახალხო დამცველს, ჟურნალისტური ეთიკის ქარტიასა და საზოგადოებრივი მაუწყებლის აჭარის ტელევიზია და რადიოს თვითრეგულირების ორგანოს მიმართავს. 

ტელევიზიის ვებგვერდზე გამოქვეყნებული ინფორმაციით, არხი „საზოგადოებრივი მაუწყებლის ქცევის კოდექსის" მიხედვით მუშაობს და მისთვის სიზუსტე, სამართლიანობა, მიუკერძოებლობა უმთავრესია.

„ამ ღირებულებების დასაცავად, მაუწყებლის თითოეული თანამშრომელი მოქმედებს ჟურნალისტური ეთიკის, მაუწყებლის ქცევის კოდექსისა და საერთაშორისოდ აღიარებული სტანდარტების შესაბამისად“, - ვკითხულობთ „აჭარის ტელევიზიის“ გვერდზე.

.........................................................................................................................................

„საზოგადოებრივი მაუწყებლის ქცევის კოდექსის“  მიხედვით, მაუწყებელი ისწრაფვის დაიცვას: 

სიზუსტე -  დავადგინოთ სიმართლე და ზუსტად ავსახოთ მიმდინარე მოვლენები. დავეყრდნოთ უტყუარ ფაქტებს, ზუსტ მონაცემებს და სანდო წყაროებს. არ შევიყვანოთ შეცდომაში აუდიტორია შეუმოწმებელი ინფორმაციის გავრცელებით. 

თანასწორობა – არ დავუშვათ ადამიანთა დისკრიმინაცია რელიგიური, ეთნიკური, რასობრივი, გენდერული თუ სექსუალური ორიენტაციის ნიშნით. 

„მაუწყებლობის შესახებ“ საქართველოს კანონით კი, საზოგადოებრივი მაუწყებელი ვალდებულია, უზრუნველყოს პროგრამების სარედაქციო დამოუკიდებლობა, სამართლიანობა და მიუკერძოებლობა; სახელისუფლებო, პოლიტიკური, რელიგიური და კომერციული გავლენისაგან თავისუფლება; ამასთან, მაუწყებელმა პროგრამებში არ გამოხატოს თავისი აზრი და ასახოს საზოგადოებაში არსებულ მოსაზრებათა პლურალიზმი;

.........................................................................................................................................


მზია ამაღლობელის საქმე

„ბათუმელებისა“ და ,,ნეტგაზეთის“ დამფუძნებელი და დირექტორი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. მზია ამაღლობელი პოლიციამ პირველად კედელზე იმ სტიკერის გაკვრის გამო დააკავა, რომელზეც „გაიფიცე“ ეწერა, მოგვიანებით ის ხელწერილის საფუძველზე გაათავისუფლეს, თუმცა, მალევე მეორედ ბათუმის პოლიციის უფროსისთვის სილის გაწნის გამო დააკავეს.  

ამაღლობელთან ადვოკატებს რამდენიმე საათის განმავლობაში არ უშვებდნენ. სახალხო დამცველის წარმომადგენელს კი მონახულობის დროს მან უთხრა, რომ არასათანადოდ მოეპყრნენ.

„ბათუმებელის“ ინფორმაციით, პირველი დაკავების შემდეგ აჭარის პოლიციის დეპარტამენტიდან გამოსულ მზია ამაღლობელს ახლობლები დახვდნენ, რომლებიც სამმართველოსთან მისი დაკავების შემდეგ მივიდნენ:

„მზია ამაღლობელი მის საგულშემატკივროდ მისულ ადამიანებს ესაუბრებოდა, რა დროსაც პოლიციამ დაკავების ახალი ტალღა დაიწყო. უწყვეტ, ლაივ კადრებში ჩანს, რომ პოლიციამ უმიზეზოდ დააკავა ჯერ ერთი პირი, შემდეგ კი მეორე. ორივე დაკავებული მზია ამაღლობელის ახლობლები იყვნენ.

პოლიციის მხრიდან პროვოკაციული ქმედებების გამო აქციის მონაწილეებსა და პოლიციას შორის დაპირისპირება დაიწყო, დაიწყო ჭყლეტა და სწორედ ამ დროს დააკავეს მზია ამაღლობელი“.

როგორც გამოცემა წერს, მზია ამაღლობელის დაკავების პროცესში ბათუმის პოლიციის უფროსი, ირაკლი დგებუაძე პირადად მონაწილებდა. „ბათუმელების“ მიერ გავრცელებულ ვიდეოში დგებუაძე ამაღლობელის შესახებ ამბობს: „სისხლით... ბო*იშვილი ვიყო სისხლით დავიჭერ... ამას მოვუ**ნავ დედის მუ*ელს“.

ბათუმელები/ნეტგაზეთის 13 იანვრის განცხადებით, „სანამ დეტალებზე არ საუბრობს დაცვის მხარე, “ქართული ოცნების” პროპაგანდისტებმა მიმართეს თავიანთ ჩვეულ ტაქტიკას და გაავრცელეს რამდენიმეწამიანი ვიდეოკადრები კონტექსტის გარეშე ამაღლობელის რეპუტაციის შესალახად. თუმცა TV ფორმულა-ს ვიდეოკადრები აჩვენებს დაკავებამდე სიტუაციას, სადაც ნათლად ჩანს, როგორ ქოლავენ ამაღლობელს პოლიციელები ძირს და აწვებიან მხრებზე. ამაღლობელმა ასევე განაცხადა პოლიციის უფროს დგებუაძის მხრიდან არასათანადო მოპყრობის შესახებ დაკავების შემდეგ“. 

პრესის თავისუფლებისა და ჟურნალისტების უფლებების დამცველი საერთაშორისო ორგანიოზაცია, „მედიის საერთაშორისო მხარდაჭერა“ (IMS) მზია ამაღლობელის დაკავებას ეხმაურება და მის დაუყოვნებლივ გათავისუფლებას ითხოვს.

„გამოვთქვამთ ღრმა შეშფოთებას „ბათუმელებისა“ და „ნეტგაზეთის“ დამფუძნებლისა და დირექტორის, მზია ამაღლობელის დაკავებისა და იმ შემაშფოთებელი გარემოებების გამო, რასაც მისი დაკავებისას ჰქონდა ადგილი

მზია ამაღლობელმა 2 ათწლეულზე მეტი მიუძღვნა სიტყვის თავისუფლებისათვის და დამოუკიდებელი ჟურნალისტიკისთვის ბრძოლას საქართველოში. მისმა ურყევმა ერთგულებამ დემოკრატიისადმი და გამოხატვის თავისუფლებისადმი განაპირობა ის, რომ კრიტიკული ხმა ისმის ქვეყანაში. მის წინააღმდეგ წაყენებული ბრალდებები და პატიმრობაში არასათანადო მოპყრობის შესახებ ინფორმაცია სერიოზულ შეშფოთებას იწვევს საქართველოში მედიის თავისუფლებისა და ჟურნალისტების უსაფრთხოების შესახებ.  ეს ქმედებები მიუთითებს დამოუკიდებელ მედია საშუალებებზე ზეწოლის უფრო ფართო კონტექსტზე.

მზია ამაღლობელის დაკავება და პატიმრობაში დატოვება არის მისი უფლებების პირდაპირი შელახვა და მძიმე დარტყმა დამოუკიდებელ ჟურნალისტიკაზე, რაც მნიშვნელოვნად აფერხებს „ბათუმელებისა“ და „ნეტგაზეთის“ მუშაობას საქართველოსთვის ასეთ კრიტიკულ პერიოდში“.

IMS „ქართული ოცნებას“  მოუწოდებს, დაიცვას გამჭვირვალობის, სამართლიანობისა და კანონის უზენაესობის პრინციპები.

„დაუყოვნებლივ გაათავისუფლეთ მზია ამაღლობელი, არ არსებობს არანაირი მტკიცებულება, რომ ის წარმოადგენს საფრთხეს გამოძიებისთვის. სოლიდარობას ვუცხადებთ მზია ამაღლობელს, მოვუწოდებთ ყველას, ვინც პრესის თავისუფლებას უჭერს მხარს, შემოგვიერთდით და დავიცვათ პრესის თავისუფლება და დემოკრატია საქართველოში“, - წერს ორგანიზაცია.

„საქართველოს ჟურნალისტური ეთიკის ქარტია“ ქარტიის საბჭოს ყოფილ თავმჯდომარეზე, ჟურნალისტ ზვიად ქორიძეზე თავდასხმას გმობს და შინაგან საქმეთა სამინისტროს ინციდენტის დაუყოვნებლივ გამოძიებისა და დამნაშავეთა მთელი სიმკაცრით დასჯისკენ მოუწოდებს.

„საქართველოს ჟურნალისტური ეთიკის ქარტიის“ თქმით, სასტუმრო „შერატონში“ მომხდარი ინციდენტი „ქართული ოცნების“ ხელისუფლების მავნებლური პოლიტიკის პირდაპირი შედეგია. 

„ის წლების განმავლობაში აწარმოებდა კამპანიას დამოუკიდებელი და კრიტიკული ჟურნალისტების მიმართ სიძულვილის გასაღვივებლად და ახალისებდა სისასტიკესა და ძალადობას. 26 ოქტომბრის არჩევნების შემდეგ „ქართული ოცნება“ ქვეყანაში კრიტიკული ხმების ჩასახშობად და მედიის გასანადგურებლად რეპრესიების მომდევნო ეტაპზე გადავიდა - მის მიერ დაგეგმილი და განხორციელებული ძალადობრივი ქმედებების შედეგად მხოლოდ ნოემბრის ბოლოსა და დეკემბრის დასაწყისში პროფესიულ საქმიანობაში 100-მდე ჟურნალისტს შეეშალა ხელი. ბევრმა მათგანმა მიიღო ფიზიკური დაზიანება, მათ შორის მძიმე. დღემდე არ არის გამოვლენილი და დასჯილი არცერთი დამნაშავე. ბოლო კვირაში ამ ყოველივეს დაემატა გამოცემების „ბათუმელები“ და „ნეტგაზეთი“ დამფუძნებლის, მზია ამაღლობელის დაპატიმრება შეთითხნილი ბრალდებით და მის მიმართ მკაცრი სასჯელის - მრავალწლიანი საპატიმრო აღმკვეთი ღონისძიების - მოთხოვნა“.

„საქართველოს ჟურნალისტური ეთიკის ქარტია“ „ქართულ ოცნებას“ მოუწოდებს, ჟურნალისტებისა და მედიის წარმომადგენლების დევნა და შევიწროება შეწყვიტოს, ხოლო შინაგან საქმეთა სამინისტროს თხოვს, დაუყოვნებლივ გამოიძიოს „ქართულ ოცნებასთან“ აფილირებული, ყოფილი და მოქმედი თანამდებობის პირების დანაშაულებრივი ქმედებები და კანონის მთელი სიმკაცრით დასაჯოს ისინი.

ზვიად ქორიძის თქმით, სასტუმრო „შერატონის“ ლობიში,  მე-10 მოწვევის პარლამენტის წევრი „ქართული ოცნებიდან“ დიმიტრი სამხარაძე, წინა მოწვევის აჭარის უმაღლესი საბჭოს ფრაქცია „ქართული ოცნების“ ყოფილი თავმჯდომარე, ამჟამად აჭარის ფინანსთა და ეკონომიკის მინისტრის მოადგილე გიორგი მანველიძე და მასთან მყოფი სხვა პირები თავს დაესხნენ და დაემუქრნენ.

ქორიძე ბათუმში გამოცემების, „ნეტგაზეთის” და „ბათუმელების” დამფუძნებელი მზია ამაღლობელის დაპატიმრების გამო იმყოფებოდა.  

„სოციალური სამართლიანობის ცენტრის“ ინფორმაციით, სტრასბურგის სასამართლომ საქართველოს აფგან სადიგოვის აზერბაიჯანში ექსტრადიცია აუკრძალა.

SJC-ის განცხადებით, დღეს თბილისის სააპელაციო სასამართლოს მოსამართლე დავით ახალბედაშვილმა არ დააკმაყოფილა აფგან სადიგოვის სააპელაციო საჩივარი, რომელიც საქართველოში მისთვის ლტოლვილის ან ჰუმანიტარული სტატუსის მინიჭებაზე უარის თქმას ეხებოდა. 

„აღნიშნული სასამართლო იყო უკანასკნელი ინსტანცია, რომელსაც დევნილი ჟურნალისტისა და რედაქტორის უფლებების დაცვა და მისი ექსტრადიციის შეჩერება შეეძლო. ამით, აფგან სადიგოვის საქმის განხილვა საქართველოს ეროვნულმა სასამართლოებმა დაასრულეს. სამწუხაროდ, მათ არ აღმოაჩნდათ სათანადო დამოუკიდებლობა და კეთილსინდისიერება, რომელიც დევნილი ჟურნალისტის აბსოლუტური უფლებების დაცვას გახდიდა შესაძლებელს“.

როგორც „სოციალური სამართლიანობის ცენტრის“ განცხადებიდან ირკვევა, ორგანიზაციამ მიმდინარე წლის 10 იანვარს (მანამდე კი 2024 წლის 9 დეკემბერს) ადამიანის უფლებათა ევროპულ სასამართლოს მიმართა და სასამართლო რეგლამენტის 39-ე წესის შესაბამისად, მოითხოვა დროებითი ღონისძიების (Interim measure) გამოყენება და აზერბაიჯანში აფგან სადიგოვის ექსტრადიციის შეჩერება.

„ეს მექანიზმი გამოიყენება იმ შემთხვევაში, როდესაც არსებობს უფლებების დარღვევის მაღალი და შეუქცევადი რისკი და საჭირო ხდება სახელმწიფოების კონვენციის საწინააღმდეგო ქმედებების შეჩერება“.

განცხადებაში აღნიშნულია, რომ ადამიანის უფლებათა ევროპულმა სასამართლომ ორგანიზაციის მოთხოვნა დააკმაყოფილა და 2025 წლის 14 იანვარს მიიღო გადაწყვეტილება, რომელშიც საქართველოს ხელისუფლებას მიუთითა, რომ მხარეთა ინტერესებისა და მის წინაშე სათანადო სამართალწარმოების წარმართვისთვის, სასამართლოს რეგლამენტის 39-ე წესის საფუძველზე, აფგან სადიგოვი სააპელაციო სასამართლოს გადაწყვეტილების მიღებიდან მე-7 დღემდე არ უნდა გადაეცეს აზერბაიჯანის რესპუბლიკას. სასამართლომ ასევე მიუთითა, რომ საჩივარს 41-ე წესის საფუძველზე უნდა მიენიჭოს პრიორიტეტი.

„ეს გადაწყვეტილება დროებითი ღონისძიების გამოყენების შესახებ ევროპული სასამართლოს შუალედური გადაწყვეტილებაა, რადგან ეროვნული სასამართლოების დონეზე ჯერ კიდევ არ იყო დასრულებული საქმის განხილვა. ამასთან, არსებობდა თეორიული შანსი, რომ სააპელაციო სასამართლოს დაეკმაყოფილებინა აფგან სადიგოვისთვის საქართველოში საერთაშორისო დაცვის სტატუსის მინიჭება. ევროპული სასამართლო არ შეიჭრა ეროვნული სასამართლოების კომპეტენციაში და დაელოდა ეროვნული დონეზე სამართლებრივი დაცვის მექანიზმების ბოლომდე ამოწურვას. საბოლოო გადაწყვეტილებას ამ საქმეზე ევროპული სასამართლო სწორედ ეროვნული სასამართლოების საბოლოო გადაწყვეტილების შემდეგ მიიღებს“.

„სოციალური სამართლიანობის ცენტრი“ საქართველოს იუსტიციის სამინისტროს და ანრი ოხანაშვილს მოუწოდებს:

• „ჯეროვნად აღასრულონ ადამიანის უფლებათა ევროპული სასამართლოს 2025 წლის 14 იანვრის გადაწყვეტილება და არ დაუშვან აფგან სადიგოვის ექსტრადირება აზერბაიჯანში, ამ მიზნით მიიღონ ყველა ზომა, მათ შორის, შესაბამის უწყებებთან დროული კოორდინაცია.
• არ დაუშვან აფგან სადიგოვის ექსტრადიცია აზერბაიჯანში, სადაც მისი ფუნდამენტური უფლებების დარღვევის ძალიან მაღალი რისკი არსებობს, და უპირობოდ დაიცვან საქართველოს მიერ ნაკისრი საერთაშორისო ვალდებულებები ადამიანის უფლებების სფეროში“.

აფგან სადიგოვი საქართველოს შინაგან საქმეთა სამინისტრომ აზერბაიჯანში ექსტრადიციის მიზნით 3 აგვისტოს თბილისში დააკავა. მას ამ დრომდე აღკვეთის ღონისძიების სახით საექსტრადიციო პატიმრობა აქვს შეფარდებული. სადიგოვი ციხის სამედიცინო დაწესებულებაში 21 სექტემბრიდან შიმშილობს.