17 მარტს, ქალთა მოძრაობამ გაავრცელა განცხადება, რომელშიც უფლებადაცმველს და არასამთავრობო ორგანიზაცია „სიდას“ ხელმძღვანელს, ზვიად დევდარიანს სექსუალური შევიწროების 10-ამდე შემთხვევაში ადანაშაულებდა და მაუწოდებდა სახალხო დამცველს, მოიეხსნა საზოგადოებრივი მაუწყებლის ბორდის წევრობაზე დედვარიანის კანდიდატურა. განცხადების გავრცელებიდან მალევე, ცნობილი გახდა, რომ ნინო ლომჯარიამ ზვიად დევდარიანი კანდიდატობიდან მოხსნა. 18 მარტს კი ლომჯარია ქალთა მოძრაობის წევრებს და იმ პირებს შეხვდა, რომლებიც დევდარიანის მხრიდან შესაძლო სექსუალური შევიწროების ფაქტებზე საუბრობენ. პარალელურად, ონლაინმედიაში ქვეყნდებოდა სავარაუდო მსხვერპლების ისტორიებიც.

ეს თემა გაშუქდა ტელევიზიების საინფორმაციო გამოშვებების როგორც დღის, ისე საღამოს გამოშვებებში. თუმცა საკითხი ვერ მოხვდა „რუსთავი-2-ის“ ვერც 17 მარტის „შაბათის კურიერში“ და ვერც 18 მარტის „კურიერ P.S-ში”. ორი დღის განმავლობაში ამბავი მხოლოდ 17 მარტის 6 საათიან „კურიერში“ მოკლე კადრ-სინქრონის სახით გავიდა.