საზოგადოებრივმა გაერთიანებამ „ბემონი“ და „საქართველოს ჟურნალისტური ეთიკის ქარტიამ“ მედია ორგანიზაციებისთვის შეიმუშავეს გზამკვლევი - “ფსიქოაქტიური ნივთიერებების მოხმარებასთან დაკავშირებული საკითხების ეთიკური გაშუქება მედიაში“.

დოკუმენტი მედიის წარმომადგენლებს დაეხმარება, შეამცირონ ფსიქოაქტიური ნივთიერებების მომხმარებელთა სტიგმატიზაცია და დისკრიმინაცია, საზოგადოებას მიაწოდონ ეთიკური, კვალიფიციური და ობიექტური ინფორმაცია, გაშუქებისას გამოიყენონ პოზიტიური, ადამიანის უფლებათა სტანდარტების შესაბამისი ენა. 

დღეს გამართულ ღონისძიებაზე ცნობილი ორი კონკურსის გამარჯვებულებიც გახდა. 

მედიაკონკურსის ფარგლებში გამარჯვებულები, რომელთა მასალებიც ეთიკური სტანდარტებით გაშუქებულ საუკეთესო მედია პროდუქტებად შეფასდა, არიან: ნათია ამირანაშვილი, ("პუბლიკა"), თამარ ასათიანი და ნატა ტაბიძე (" საზოგადოებრივი მაუწყებელის პირველი არხი").

სტიპენდიის კონკურსის ფარგლებში კი გამოვლინდნენ სტიპენდიანტები: ნათია ამირანაშვილი, ("პუბლიკა"), ინგა ირიციანი, (ტელეკომპანია TOK.TV) და ნინო კაპანაძე („ჩემი ხარაგაული“), რომლებიც  მედია პროდუქტებს ფსიქოაქტიური ნივთიერებების მოხმარებასა და ნარკოპოლიტიკასთან დაკავშირებულ საკითხებზე მოამზადებენ.

ფსიქოაქტიური ნივთიერებების მოხმარების საკითხების ეთიკური გაშუქების გზამკვლევი ევროკავშირის მხარდაჭერით მიმდინარე პროექტის - „სამოქალაქო საზოგადოებისა და პროფესიული ორგანიზაციების გაძლიერება საქართველოში უსაფრთხო, დაცული და ანგარიშვალდებული საზოგადოების უზრუნველსაყოფად“ (პროექტი „ზრუნვა, პრევენცია, უფლებები“) ფარგლებში მომზადდა. 

 

გზამკვლევი “ფსიქოაქტიური ნივთიერებების მოხმარებასთან დაკავშირებული საკითხების ეთიკური გაშუქება მედიაში“ -

http://bemonidrug.org.ge/wp-content/uploads/2023/10/Ethical-reporting-guide-for-media.pdf