"ახალის" ლიდერი ნიკა გვარამია ტელეკომპანია „მთავარი არხის“ მფლობელი აღარ არის. მან ტელევიზიის 12 %-იანი წილი მეუღლეს, სოფიო ლილუაშვილს გადაუფორმა. შესაბამისი ცვლილება საჯარო რეესტრის ეროვნულმა სააგენტომ უკვე დაარეგისტრირა. 

ნიკა გვარამიამ „მთავარი არხის“ გენერალური დირექტორის პოზიცია მიმდინარე წლის თებერვალში დატოვა დ საკუთარი წილის მეუღლეზე გადაფორმების პროცესი დაიწყო. ტელეკომპანიის გენერალური დირექტორი გიორგი გაბუნია გახდა.  არხის მსხვილი მეწილეების გადაწყვეტილებით, მასთან ერთად დაინიშნა 2 ახალი დირექტორიც: გიორგი ქურდაძე და მანუჩარ ახალაია.

საქართველოს კანონით მაუწყებლის შესახებ ტელეკომპანიის დამფუძნებელი არ შეიძლება, რომელიმე პოლიტიკური პარტიაში თანამდებობას იკავებდეს.

შეგახსენებთ, რომ ნიკა გვარამიამ "ერთიანი ნაციონალური მოძრაობის" ყოფილ თავმჯდომარესთან ნიკა მელიასთან ერთად  პოლიტიკური პარტია "ახალი" დაარსა. ამ დრომდე გვარამია პარტიაში არანაირ თანამდებობას არ იკავებს. "ახალი" მომავალ საპარლამენტო არჩევნებში მონაწილეობის მიღებას გეგმავს.

 

ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან: 

იხილეთ ბმული