Wikileaks-ის დამფუძნებელი ჯულიან ასანჟი, ბრიტანეთში ეკვადორის საელჩოში დააკავეს, ინფორმაციას BBC ავრცელებს.

47 წლის ასანჟიმ საელჩოს პოლიტიკური თავშესაფარი 7 წლის წინ სთხოვა. ის აცხადებდა, რომ საელჩოს ტერიტორიის დატოვების შემდეგ, მას აშშ-ში ექსტრადირება ემუქრებოდა. ამერიკულ სასამართლოს მასთან Wikileaks-ის საქმიანობასთან დაკავშირებით აქვს კითხვები.

ლონდონის პოლიციის განცხადებით, ის მართლმსაჯულებისთვის ჩაბარებაზე უარის თქმის შემდეგ დააპატიმრეს.

ეკვადორის პრეზიდენტის ლენინ მორენოს განცხადებით, საელჩოდან ასანჟის გაყვანა, მის მიერ საერთაშორისო კონვენციის არაერთგზის დარღვევის შემდეგ გადაწყდა.

თუმცა, Wikileaks-ში აცხადებენ, რომ ეკვადორი ასანჟთან მიმართებით უკანონოდ მოიქცა და პოლიტიკური თავშესაფრის შესახებ საერთაშორისოდ აღიარებული სტანდარტები დაარღვია.

„დიახ, შემიძლია დავადასტურო, რომ ჟულიან ასანჟი პოლიციის განყოფილებაშია და ის ბრიტანული მართლმსაჯულების წინაშე წარსდგება“, - დაწერა Twitter-ზე ბრიტანეთის შინაგან საქმეთა მინისტრმა.

„მინდა დიდი მადლობა გადავუხადო ეკვადორს თანამშრომლობისა და პროფესიონალიზმისთვის. კანონზე მაღლა არავინ დგას“, - დასძინა მანვე.

წყარო: bbc.com