National Geographic-მა ფოტომანიპულაციის შესახებ ეჭვების გამო, საკუთარ ვებგვერდზე გამოქვეყნებული ფოტოები წაშალა და ფაქტზე მოკვლევა დაიწყო. გამოცემამ ფოტოებთან დაკავშირებით რედაქტორის შენიშვნაც გამოაქვეყნა, რომელშიც ვკითხულობთ:

“National Geographic-მა 26 აპრილს nationalgeographic.com-ზე ბეტ მუნის მიერ გადაღებული ფოტოები გამოაქვეყნა, რომელზეც მთვარის ფონზე მსოფლიოში ყველაზე ასაკოვანი ხეები იყო ასახული. ფოტოების ნამდვილობის შესახებ ეჭვები მას შემდეგ გაჩნდა, რაც ბლოგებსა და სოციალურ მედიაში საკითხის განხილვა დაიწყო. National Geographic-ს ფოტომანიპულაციებთან მიმართებით მკაცრი შეზღუდვები აქვს. ჩვენ ფოტოები წავშალეთ და იმის მოკვლევა დავიწყეთ, რამდენად შეესაბამება ისინი გამოცემის პოლიტიკას. ჩვენ არ ვამტკიცებთ, რომ ფოტოები ჩვენს სტანდარტებთან აპრიორი წინააღმდეგობაში მოდიოდა, ამ ეტაპზე ამის მტკიცების შესაძლებლობა არ გვაქვს. ფოტოებს ხელახლა მანამდე აღარ გამოვაქვეყნებთ, ვიდრე ჩვენს პოლიტიკასთან მათ შესაბამისობაში არ დავრწმუნდებით”.

გამოცემის პრესსპიკერის ანა კუკელხოს დაინენის განმარტებით, იმის გამო, რომ ფოტოგრაფს გადაღებული ფოტოების დაუმუშავებული ფაილები არ წარუდგენია, National Geographic-მა იმის დადგენა, ნამდვილია თუ არა ფოტოები, ჯერჯერობით ვერ შეძლო, რის გამოც ისინი საიტიდან დროებით აიღეს.

თავად ბეტ მუნი ამბობს, რომ მას დამხმარე ჰყავდა და პანორამული კადრის ხელით დამუშავებასთან დაკავშირებით მასთან კითხვები აქვს.

წყარო: imediaethics.org