რუსეთის პარლამენტის (დუმის) საინფორმაციო პოლიტიკის კომიტეტის თავმჯდომარემ, ანტონ გორელკინმა, 10 აპრილს, თავისი ტელეგრამ არხით გაავრცელა ინფორმაცია, რომ "ტვიტერმა" აღადგინა რუსეთის რამდენიმე ოფიციალური ანგარიში, მათ შორის, მომხმარებლებისთვის ხელმისაწვდომია რუსეთის საგარეო საქმეთა და თავდაცვის სამინისტროების ახალი განცხადებები.

როგორც, ანტონ გორელკინი თავის განცხადებაში წერს, ახალი მენეჯმენტისგან სწორედ ასეთ ნაბიჯებს მოელოდა და იმედოვნებს, რომ შეწყდება "დასათაურების" პრაქტიკა ან სხვა შემთხვევაში, მოითხოვს, რომ "დასათაურდეს" დასავლური გრანტებით დაფინანსებული ანგარიშებიც. ილონ მასკი სოციალურ ქსელის აღმასრულებელი დირექტორი 2022 წლის ოქტომბრიდანაა.

რა ხდება?

• "ტვიტერის" შეზღუდვა რუსეთში 2022 წლის მარტიდან დაიწყო , თუმცა საბოლოოდ სოციალური ქსელი 2023 წლის თებერვალში დაიბლოკა.
• 8 აპრილს, დიმიტრი მედვედევმა "ტვიტერზე" გამოაქვეყნა პოსტი, სათაურით "რატომ გაქრება უკრაინა? იმიტომ, რომ არავის სჭირდება" - რის გამოც მომხმარებლებლმა, არასაკმარისი სანქციებისთვის ილონ მასკი გააკრიტიკეს.
• მასკმა საპასუხოდ დაწერა, რომ: "მითხრეს, პუტინმა უკრაინის დახმარებისთვის ომის დამნაშავე მეძახა, ამიტომ ის არ არის ჩემი მეგობარი. ყველა სიახლე რაღაც მხრივ პროპაგანდაა, მიეცით ადამიანებს უფლება თავად გადაწყვიტონ."

BBC "ტვიტერის" წინააღმდეგ

ამავდროულად, ტვიტერმა, 10 აპრილს, "ბიბისის" (ბრიტანეთის სამაუწყებლო კორპორაციას) "მთავრობის დაფინანსებული მედიის" სათაური მიანიჭა, რასაც კორპორაციის პროტესტი მოჰყვა.

მათი განმარტებით, ისინი არ ფინანსებიან ხელისუფლებისგან, რადგან ბრიტანეთის მოქალაქეებს აქვთ ვალდებულება ყოველწლიურად გადაიხადონ ლიცენზიის (პირდაპირ ეთერში ყურების) საფასური, შესაბამისად BBC მოქალაქეების დაფინანსებულია. დიდი ბრიტანეთის საზოგადოებრივი მაუწყებელი უკვე დაუკავშირდა "ტვიტერის" წარმომადგენლებს, რომ ეს პრობლემა რაც შეიძლება მალე მოგვარდეს.

ილონ მასკმა ამის საპასუხოდ BBC-ს ელექტრონული წერილით გამოეხმაურა, რომ "ის BBC-ის გამომწერია და მიიჩნევს, რომ ეს ერთ-ერთი ყველაზე ნაკლებად მიკერძოებული მაუწყებელია, თუმცა "ტვიტერის" მიზანი მაქსიმალური გამჭვირვალობა და სანდოობა".

• ტვიტერზე იმავე, "მთავრობის მიერ დაფინანსებული მედია", სათაური აქვს NPR,აშშ-ს საზოგადოებრივი მაუწყებელი, მათი განცხადებით, არ გამოაქვეყნებენ სიახლეებს სანამ ეს სათაური არ წაიშლება მათი ანგარიშიდან.
• თავდაპირველად, NPR მონიშნეს, როგორც "მთავრობასთან დაკავშირებული მედია", მსგავს სათაურს "ტვიტერი" იყენებს ისეთ პროპაგანდისტულ გამოცემებთან როგორიცაა რუსული "RT" და ჩინური "Xinhua News".