ქუთაისის სააპელაციო სასამართლომ მზია ამაღლობელის დაცვის მხარის საჩივარი, ამაღლობელის მიმართ გამოყენებული პატიმრობის გაუქმების მოთხოვნით, ისევ დაუშვებლად ცნო.

„ბათუმელებისა“ და „ნეტგაზეთის“ დამფუძნებლისა და დირექტორის უფლებების დამცველებმა ქუთაისის სააპელაციო სასამართლოს მეორედ 16 თებერვალს მიმართეს და ბათუმის საქალაქო სასამართლოს მიერ 14 თებერვალს მიღებული გადაწყვეტილების გაუქმება მოითხოვეს. 

ბათუმის საქალაქო სასამართლოს მოსამართლე ლევან ყოლბაიამ 14 თებერვალს მზია ამაღლობელის დაცვის მხარი შუამდგომლობა, მის მიმართ გამოყენებული პატიმრობის გაუქმების მოთხოვნით, დაუშვებლად ცნო. 

„საქართველოს ახალგაზრდა იურისტთა ასოციაციის“ 16 თებერვლის განცხადებით,  სასამართლოს ეს გადაწყვეტილება კიდევ ერთი მტკიცებულება იყო, რომ მზია ამაღლობელის პატიმრობა მის სამაგალითოდ დასჯის ემსახურება. 

„არ არსებობს არავითარი საფუძველი, რაც მზია ამაღლობელის პატიმრობას გაამართლებს, მისი პატიმრობა არ ემსახურება ლეგიტიმურ მიზანს. ჩვენი შუამდგომლობის დაუშვებლობა ხელოვნური ბარიერია იმისათვის, რომ სასამართლომ არ იმსჯელოს შუამდგომლობაში მითითებულ ახალ, უტყუარ მტკიცებულებებსა და გარემოებებზე“. 

ქუთაისის სააპელაციო სასამართლომ მზია ამაღლობელის დაცვის მხარის საჩივარი დაუშვებლად პირველად, 21 იანვარს სცნო. 14 იანვარს ბათუმის საქალაქო სასამართლომ ამაღლობელს აღკვეთის ღონისძიების სახით პატიმრობა შეუფარდა, რაც ქუთაისის სააპელაციო სასამართლში მეორე დღესვე გასაჩივრდა. 

„ბათუმელებისა“ და „ნეტგაზეთის“ დამფუძნებლი და დირექტორი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. პირველად მზია ამაღლობელი პოლიციამ კედელზე იმ სტიკერის გაკვრის გამო დააკავა, რომელზეც „გაიფიცე“ ეწერა, ის მოგვიანებით ხელწერილის საფუძველზე გაათავისუფლეს, თუმცა მალევე მეორედ ირაკლი დგებუაძისთვის სილის გაწვნის გამო დააკავეს. მას 4-დან 7 წლამდე პატიმრობა ემუქრება.

15 იანვარს „საქართველოს ახალგაზრდა იურისტთა ასოციაციამ“ ინფორმაცია გაავრცელა ინფორმაცია, რომ „მისი[მზია ამაღლობელის] დაკავების შემდგომ, ირაკლი დგებუაძე აყენებდა სიტყვიერ შეურაცხყოფას ხოლო შემდგომ, პოლიციის განყოფილებაში რამდენჯერმე შეეცადა მას ფიზიკურად გასწორებოდა, თუმცა, პოლიციის სხვა თანამშრომლებმა შეძლეს ირაკლი დგებუაძის შეკავება და მისი ოთახიდან გაყვანა. ირაკლი დგებუაძე რამდენჯერმე შევიდა ოთახში და აგრძელებდა აგრესიულ მოპყრობას მის მიმართ, ერთ-ერთი ასეთი შესვლისას, მან მზია ამაღლობელს სახეში შეაფურთხა. ასევე, მისი ბრაძანების შესაბამისად, მზია ამაღლობელს გარკვეული დროის განმავლობაში არ ეძლეოდა წყლის დალევის  და საპირფარეშოთი სარგებლობის საშუალება“.

„ბათუმელებისა“ და ,,ნეტგაზეთის“ დამფუძნებელი და დირექტორი 4 თებერვლიდან კლინიკა „ვივამედში“ იმყოფება. მზია ამაღლობელი დაკავების დღიდან შიმშილობდა. გუშინ, 18 თებერვალს კი მან თქვა, რომ ექიმების დახმარებით კვების აღდგენას შეეცდებოდა. 

„მედიის ადვოკატირების კოალიცია“ „ტვ პირველის“ ოპერატორის, ლაშა ჯიოშვილის უკანონო და ძალადობრივ დაკავებას გმობს და მის დაუყოვნებლივ გათავისუფლებას მოითხოვს. კოალიციის შეფასებით, მომხდარი ინციდენტი საქართველოს დემოკრატიული ღირებულებებისა და მედიის თავისუფლების წინააღმდეგ მორიგი დარტყმაა.

გუშინ, 18 თებერვალს, თბილისში, რუსთაველის გამზირზე გამართული აქციის დასრულების შემდეგ, სასტუმრო „რედისონის“ მიმდებარე ტერიტორიაზე, პოლიციამ „TV პირველის“ ოპერატორი, ლაშა ჯიოშვილი დააკავა. ჯიოშვილი ადმინისტრაციულ სამართალდარღვევათა კოდექსის 173-ე მუხლით არის დაკავებული, რაც პოლიციელის კანონიერი მოთხოვნის დაუმორჩილებლობას გულისხმობს.

„განსაკუთრებით შემაშფოთებელია ის ფაქტი, რომ ჯიოშვილი დააკავეს არაიდენტიფიცირებულმა პირებმა, რომლებმაც მხოლოდ თვითმხილველების დაჟინებული მოთხოვნის შემდეგ წარმოადგინეს თავი სამართალდამცავებად. დაკავებისას ტელევიზიის ოპერატორი აცხადებდა, რომ დამკავებლები მისთვის ჯიბეში რაღაცის ჩადებას ცდილობდნენ.

სამართალდამცავებმა დროულად არ გასცეს ინფორმაცია ლაშა ჯიოშვილის ადგილსამყოფლის შესახებ, მათ შორის შსს სამინისტროს პრესსამსახურის უფროსმაც. ადვოკატის ინფორმაციით, ლაშა ჯიოშვილს ნიღბიანმა პირებმა მისი უფლებები არ გააცნეს, სამმართველოში მიყვანამდე მან არ იცოდა დაკავების მიზეზი. ოპერატორის მისამართით იყო მუქარა. ადვოკატის განცხადებით, არაპროპორციული ძალა იქნა გამოყენებული, რის გამოც მარცხენა ხელზე აქვს სისხლჩაქცევა.

აღნიშნული შემთხვევა წარმოადგენს მორიგ საშიშ პრეცედენტს პოლიციის მხრიდან ძალადობისა. წაშლილია ზღვარი სამართალდამცავებსა და არაიდენტიფიცირებულ მოძალადე პირებს შორის და ეს იმ ფონზე, როცა ბოლო თვეების განმავლობაში აქციების მონაწილეები და მედიის წარმომადგენლები, მათ შორის „ტვ პირველის“ ჟურნალისტები, არაერთხელ გახდნენ პოლიციისა და ნიღბიანი პირების თავდასხმის ობიექტები.

2024 წლის ნოემბრიდან დაწყებული უწყვეტი საპროტესტო აქციებიდან დღემდე მედიის წარმომადგენლების წინააღმდეგ ასზე მეტი თავდასხმის, ძალადობის, მუქარისა თუ უკანონოდ საქმიანობის ხელშეშლის ფაქტი დაფიქსირდა. არსებული მტკიცებულებების მიუხედავად, არც ერთი მოძალადე არ არის იდენტიფიცირებული და კანონმდებლობის შესაბამისად დასჯილი. ეს კი "ქართული ოცნების" მხრიდან საკუთარი მოქალაქეებისა და დამოუკიდებელი მედიის წინააღმდეგ ორგანიზებულ ძალადობრივ კამპანიაზე მიუთითებს“, - ვკითხულობთ „მედიის ადვოკატირების კოალიციის“ განცხადებაში, რომელიც ადამიანის უფლებების დამცველ და მედიის საკითხებზე მომუშავე 17 ორგანიზაციას აერთიანებს.

კოალიცია ლაშა ჯიოშვილთან ერთად და ყველა უკანონოდ დაკავებული სინდისის პატიმრის დაუყოვნებლივ გათავისუფლებას მოითხოვს

კონკურსის „ევროკავშირის პრიზი ჟურნალისტიკაში“ 2024 წლის გამარჯვებულები ცნობილია.  7 საპრიზო კატეგორიაში გამარჯვებული ჟურნალისტები ევროკავშირის ელჩმა საქართველოში, პაველ ჰერჩინსკიმ 17 თებერვალს დააჯილდოვა. 

„ევროკავშირის პრიზი ჟურნალისტიკაში“ 2024 წლის კონკურსის გამარჯვებულები და ფინალისტები არიან:

საუკეთესო სტატია ბეჭდურ ან ელექტრონულ მედიაში:

• სალომე ჩადუნელი- „რადიო თავისუფლება“ ( გამარჯვებული)
• Ნასტასია არაბული- „რადიო თავისუფლება“ (ფინალისტი)
• Მაია წიკლაური – „ინდიგო“ (ფინალისტი)
• თემო ინასარიძე – “ სამხრეთის კარიბჭე” (საგანგებო აღნიშვნა)

საუკეთესო სიუჟეტი სამაუწყებლო ან ელექტრონულ მედიაში:

• დავით თამაზაშვილი, მარიამ ნიკურაძე – Chai Khana Media (გამარჯვებული)
• სალომე გოგოხია – „ფორმულა“ (ფინალისტი)
• სოფიკო ვასაძე – „რადიო თავისუფლება“ (ფინალისტი)
• ნინო ართმელაძე -„ბათუმელები“ (საგანგებო  აღნიშვნა)

საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში:

• თამარ გელაშვილი- „სტუდია მონიტორი“ (გამარჯვებული)
• მაკა ჩიხლაძე –„TV პირველი“ (ფინალისტი)
• ქეთი თუთბერიძე – „სტუდია მონიტორი“ (ფინალისტი)
• თამთა დოლენჯაშვილი – „TV პირველი“ (საგანგებო აღნიშვნა)

საუკეთესო ბლოგი, საავტორო სტატია, სვეტი ბეჭდურ, ელექტრონულ ან სამაუწყებლო მედიაში:

• გიორგი ბასხაჯაური – „მედია აპრილი“ (გამარჯვებული)
• Ნინო ლომაძე – „ინდიგო“ (ფინალისტი)
• თამარ ბაბუაძე – „ინდიგო“ (ფინალისტი)
• ნიკოლოზ ტაბატაძე –„ინდიგო“ (საგანგებო  აღნიშვნა)

ყველაზე ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში:

• მაია მეცხვარიშვილი- „სტუდია მონიტორი“ (გამარჯვებული)
• ბექა ბერაძე- „რადიო თავისუფლება“ (ფინალისტი)
• ელენე ხაჭაპურიძე, ლიკა ანთაძე – Chai Khana (ფინალისტი)
• ნინო ხელაძე – TOK TV (საგანგებო აღნიშვნა)

საერთო ფასეულობების ამსახველი საუკეთესო დოკუმენტური ფოტო:

• Დათო ქორიძე – „რადიო თავისუფლება“ (გამარჯვებული)
• Ალექსანდრე ქეშელაშვილი – „პუბლიკა“ (ფინალისტი)
• Მანანა ქველიაშვილი – „ბათუმელები“ (ფინალისტი)
• მინდია გაბაძე – „პუბლიკა“ (საგანგებო  აღნიშვნა)

საუკეთესო სტუდენტური ნაშრომი ბეჭდურ, სამაუწყებლო ან ოლაინ მედიაში:

• თამარ მჭედლიძე- OC Media (გამარჯვებული)
• საბა სორდია- „ინდიგო“ (ფინალისტი)
• ნანა კოხოძე – „პუბლიკა“ (ფინალისტი)
• ლევან აბაშიძე – „პასტელი“ (საგანგებო აღნიშვნა)

2024 წლის კონკურსში მონაწილეობისთვის 115 ჟურნალისტური ნამუშევარი წარადგინეს, რომლებიც მედიის პროფესიონალებისგან შემდგარმა ოთხკაციანმა ჟიურიმ  განიხილა. 

„ევროკავშირის პრიზი ჟურნალისტიკაში“ საქართველოში ევროკავშირის წარმომადგენლობამ 2012 წელს დააარსა და მას შემდეგ ყოველწლიურად იმართება. ევროკავშირის წარმომადგენლობა საქართველოში  მომდევნო კონკურსს 2025 წლის 3 მაისს გამოაცხადებს.

ფოტო: „აჭარა თაიმსი“


15 თებერვალს, ბათუმში, ე.წ. „ოცნების ქალაქის“ ტერიტორიაზე, იმ ადგილთან ახლოს, სადაც აქ მცხოვრები სოციალურად დაუცველი ოჯახების დასაბინავებლად კორპუსი უნდა აშენდეს, ორი მცირეწლოვანი ბავშვი წყლით სავსე თხრილში ჩავარდა და დაიხრჩო. ადგილობრივი მედიის ინფორმაციით, მიუხედავად იმისა, რომ ტერიტორიაზე შეყვანილი იყო ტექნიკა და მოსამზადებელი სამუშაოები მიმდინარეობდა, საფრთხის შემცველი ადგილები სათანადოდ შემოსაზღვრული არ იყო. 

მომხდარის გასაშუქებლად ადგილზე მისულ მედიის წარმომადგენლებს აგრესიულად განწყობილი მოქალაქეები თავს დაესხნენ,ისინი ითხოვდნენ, რომ ჟურნალისტებს ხელისუფლების წარმომადგენლებისთვის კითხვები არ დაესვათ და ტერიტორიას გაცლოდნენ. მოქალაქეთა ეს ჯგუფი ჟურნალისტებთან დალაპარაკების საშუალებას სხვებსაც არ აძლევდნენ, მათ ემუქრებოდნენ და სიტყვიერ და ფიზიკურ შეურაცხყოფას აყენებდნენ. სცადეს მათი ტექნიკის დაზიანებაც. 

15-16 თებერვალს მომხდარი ინციდენტები:

„აჭარა თაიმსი“ 

„აჭარა თაიმსის“ ჟურნალისტის, სულხან მესხიძის თქმით, 15 თებერვლის ღამეს, ტრაგედიის ადგილზე იმყოფებოდა და მომხდარს აშუქებდა, რაშიც ხელს უშლიდნენ. როგორც მესხიძემ აღნიშნავს, ადგილზე ვითარება აჭარის ფინანსთა და ეკონომიკის მინისტრისა და ბათუმის საკრებულოს თავმჯდომარის გამოჩენის შემდეგ დაიძაბა. 

„მათ თან ახლდა „ქართული ოცნების“ რამდენიმე აქტივისტი, რომლებიც ამავე ტერიტორიაზე, ფიცრულებში ცხოვრობენ და სწორედ ეს ადამიანები დამიპირისპირდნენ იმის გამო, რომ სამშენებლო უსაფრთოების შესახებ ვსვამდი კითხვებს. მინისტრსა და საკრებულოს თავმჯდომარეს ვთხოვდი პასუხებს, თუ რატომ არ იყო ტერიტორია შემოსაზღვრული, დაცული და რატომ შეეძლო ნებისმიერ ადამიანს იქ თავისუფლად გადაადგილება. ცხადია, ამ კითხვებზე  მაღალჩინოსნებმა არ გვიპასუხეს და ჩვენი ტერიტორიიდან განრიდება უკვეძალის გამოყენებით, იქ მცხოვრებმა მოქალაქეებმა სცადეს, რომლებიც ასევე „ქართული ოცნების“ გულმხურვალე მხარდამჭერები არიან. აღსანიშნავია ის ფაქტიც, რომ ეს ადამიანები უპირისპირდებოდნენ იმ ადამიანებსაც, რომლებიც ხელისუფლების მიმართ ღიად და კრიტიკულად საუბრობდნენ. „აჭარა თაიმსის“ პირდაპირ ეთერში ჩანდა, თუ როგორ აჩუმებდნენ ადამიანებს კითხვის დასმის გამო, მათ შორის პირზე ხელის მიფარების მცდელობაც კი იყო“.

როგორც მესხიძე ამბობს, მოგვიანებით ვითარება იმდენად დაიძაბა, რომ მისთვის იქ მუშაობა უსაფრთხო აღარ იყო და იძულებული გახდა, ტერიტორია დაეტოვებინა. 

„აჭარა თაიმსის“ ჟურნალისტი აგრესიული კაცისსამიზნე16 თებერვალსაც გახდა, კაცმა მისკენ გაიწია და დარტყმით მიკროფონი გააგდებინა. 

„ბათუმელები“

გამოცემა „ბათუმელების“ ჟურნალისტის, ჯაბა ანანიძის თქმით, პროფესიულ საქმიანობაში ხელი მასაც შეუშალეს. 

„მოქალაქეების ნაწილი გამოხატავდა აგრესიას, ჟურნალისტებს გვაყენებდნენ  სიტყვიერ შეურაცხყოფას. ასევე, კონკრეტული მოქალაქე ფიზიკურად შემეხო. ძლიერად ჩამავლო ხელი და სცადა, ხელიდან გამეგდო შტატივი და მობილური ტელეფონი. თუმცა, ეს ვერ შეძლო და პირდაპირი ჩართვა განვაგრძე. საბოლოოდ, ვარჩიე გავცლოდი იქაურობას, რადგან ჩანდა უფრო დიდი დაძაბულობის, მათ შორის, ფიზიკური დაპირისპირების საფრთხე“. 

როგორც „მედიაჩეკერთან“ საუბრისას ჯაბა ანანიძემ აღნიშნა, ამ პროცესში „ქართული ოცნების“ ჩართულობა ძალიან ნათლად ჩანდა.

„პირდაპირი ეთერის დაწყების დროს მოქალაქეები გამოხატავდნენ პოზიციებს და მათ ჟურნალისტების მიმართ აგრესია არ ჰქონდათ. შემდეგ კი, როცა ადგილზე „ქართული ოცნების“ არალეგიტიმური მთავრობის წარმომადგენლები გამოჩნდნენ, იქვე გამოჩნდნენ ადგილზე მცხოვრები ან სხვადასხვა საჯარო უწყებაში დასაქმებული „ქართული ოცნების“ კოორდინატორები, პარტიული აქტივი და ამ დროს დაიწყეს კონკრეტულმა ადამიანებმა [მათი ვნაობა ჩემთვის არაა ცნობილი] აგრესიის გამოხატვა ჟურნალისტების წინააღმდეგ. ნათლად ჩანდა მათი დავალება, რომ ჩვენ მუშაობა უნდა შეგვეწყვიტა და არ უნდა გამოკვეთილიყო „ქართული ოცნების“ პასუხისმგებლობა იმ ტრაგედიაში, რაც „ოცნების დასახლებაში“ მოხდა“.

„TV პირველი“

ჟურნალისტურ საქმიანობაში ხელი შეუშალეს „TV პირველის“ ჟურნალისტს ნატო გოგელიას და ოპერატორს გოჩა ებრალიძესაც. 

ნატო გოგელიას თქმითაც, „ყველაფერი მას შემდეგ დაიწყო, რაც იქ ხელისუფლების წარმომადგენლები გამოჩნდნენ, თუმცა ვერ ვიტყვი, რომ ამ შემთხვევაში ხელისუფლების მხრიდან იყო აგრესია“. 

საზოგადოებრივი მაუწყებლის „პირველი არხი“

საზოგადოებრივი მაუწყებლის „პირველი არხის“ ჟურნალისტის, მერაბ წულუკიძის თქმით, პროფესიულ საქმიანობაში ხელი შეუშალეს მას და მის ოპერატორ ედუ კოჩალაძესაც.

„იძულებული გავხდით „პირველი არხის“ ჯგუფი, რომ საერთოდ შეგვეწყვიტა მუშაობა“, - განაცხადა წულუკიძემ.

საზოგადოებრივი მაუწყებლის „აჭარის ტელევიზია“

„აჭარის ტელევიზიის“ მიერ გავრცელებული ინფორმაციით, „ადგილი ჰქონდა სიტყვიერ და ფიზიკურ შეურაცხყოფას, ადგილზე მომუშავე ჟურნალისტებისა და ოპერატორების მისამართით. მათ შორის, საზოგადოებრივი მაუწყებლის აჭარის ტელევიზიის გადამღები ჯგუფების მიმართ“.

„მედიაჩეკერთან“ საუბრისას ჟურნალისტურ საქმიანობაში ხელშეშლის ფაქტს ადასტურებს ტელეკომპანიის ჟურნალისტი, ნონა დიასამიძე. ამავე ტელევიზიის მეორე ჟურნალისტის, მზია მართალიშვილის თქმით კი, მედიის მისამართით აგრესიულად განწყობილი მოქალაქეთა ერთი ჯგუფი იყო. 

„არ სურდათ მათ, რომ მედიას იქ ემუშავა. განსაკუთრებით იყო აგრესია იმ მომენტებში, როცა მედია სვამდა კრიტიკულ კითხვებს და არა მარტო მედიის მისამართით, იქ რამდენიმე მოქალაქესაც ჰქონდა კითხვები და მათი მისამართითაც იყო გამოხატული, რომ ეს ასე არ იყო, რასაც ეუბნებოდნენ“.

დღეს, 17 თებერვალს, ბათუმის საქალაქო სასამართლოში სტიკერის გაკვრის საქმეზე მზია ამაღლობელის პროცესი უნდა გამართულიყო, თუმცა სხდომა გადაიდო. გამოცემა „ბათუმელების“ ინფორმაციით, მოსამართლემ განაცხადა, რომ პროცესზე მზია ამაღლობელის დისტანციური ჩართვა ვერ მოხერხდა, ადვოკატებმა კი აღნიშნეს, რომ სასამართლო სხდომის შესახებ ინფორმაცია მათ საერთოდ არ მიუღიათ.

როგორც გამოცემა წერს, სხდომის გადადებამდე შსს-ს წარმომადგენელმა დაადასტურა, რომ ადმინისტრაციული სამართალდარღვევის ოქმი თანდართული მასალებით მზია ამაღლობელისთვის არ ჩაუბარებიათ. 

ამაღლობელი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. პირველად ამაღლობელი პოლიციამ კედელზე იმ სტიკერის გაკვრის გამო დააკავა, რომელზეც „გაიფიცე“ ეწერა, ის მოგვიანებით ხელწერილის საფუძველზე გაათავისუფლეს, თუმცა მალევე მეორედ ირაკლი დგებუაძისთვის სილის გაწვნის გამო დააკავეს.

15 იანვარს „საქართველოს ახალგაზრდა იურისტთა ასოციაციამ“ ინფორმაცია გაავრცელა ინფორმაცია, რომ „მისი[მზია ამაღლობელის] დაკავების შემდგომ, ირაკლი დგებუაძე აყენებდა სიტყვიერ შეურაცხყოფას ხოლო შემდგომ, პოლიციის განყოფილებაში რამდენჯერმე შეეცადა მას ფიზიკურად გასწორებოდა, თუმცა, პოლიციის სხვა თანამშრომლებმა შეძლეს ირაკლი დგებუაძის შეკავება და მისი ოთახიდან გაყვანა. ირაკლი დგებუაძე რამდენჯერმე შევიდა ოთახში და აგრძელებდა აგრესიულ მოპყრობას მის მიმართ, ერთ-ერთი ასეთი შესვლისას, მან მზია ამაღლობელს სახეში შეაფურთხა. ასევე, მისი ბრაძანების შესაბამისად, მზია ამაღლობელს გარკვეული დროის განმავლობაში არ ეძლეოდა წყლის დალევის  და საპირფარეშოთი სარგებლობის საშუალება“.

„ბათუმელებისა“ და ,,ნეტგაზეთის“ დამფუძნებელი და დირექტორი დაკავების დღიდან, 37-ე დღეა შიმშილობს. 4 თებერვლიდან კი, კლინიკა „ვივამედშია“ გადაყვანილი. მზია ამაღლობელს წინასწარი პატიმრობა აქვს შეფარდებული. მას 4-დან 7 წლამდე პატიმრობა ემუქრება.

15 თებერვალს, ბათუმში, ე.წ. „ოცნების ქალაქის“ ტერიტორიაზე, იმ ადგილთან ახლოს, სადაც აქ მცხოვრები სოციალურად დაუცველი ოჯახების დასაბინავებლად კორპუსი უნდა აშენდეს, ორი მცირეწლოვანი ბავშვი წყლით სავსე თხრილში ჩავარდა და დაიხრჩო. ადგილობრივი მედიის ინფორმაციით, მიუხედავად იმისა, რომ ტერიტორიაზე შეყვანილი იყო ტექნიკა და მოსამზადებელი სამუშაოები მიმდინარეობდა, საფრთხის შემცველი ადგილები სათანადოდ შემოსაზღვრული არ იყო. 

მომხდარის გასაშუქებლად ადგილზე „აჭარა თაიმსის“ ჟურნალისტი სულხან მესხიძე, „ბათუმელების“ ჟურნალისტი ჯაბა ანანიძე, „ტვ პირველის“ ჟურნალისტი ნატო გოგელია და საზოგადოებრივი მაუწყებლის „აჭარის ტელევიზიისა“ და „პირველი არხის“ გადამღები ჯგუფები იმყოფებოდნენ. ისინი ადგილზე შეკრებილი მოქალაქეებისგან ინფორმაციის მიღებას ცდილობდნენ. მათ კითხვებით მიმართეს ხელისუფლების წარმომადგენლებს, მათ შორის აჭარის ფინანსთა და ეკონომიკის მინისტრს. 

ამ დროს აგრესიულად განწყობილი მოქალაქეები ჟურნალისტებს თავს დაესხნენ და ითხოვდნენ, ხელისუფლების წარმომადგენლებისთვის კითხვები არ დაესვათ და გაცლოდნენ ტერიტორიას. მოქალაქეთა ეს ჯგუფი ჟურნალისტებთან დალაპარაკების საშუალებას სხვებსაც არ აძლევდნენ, მათ ემუქრებოდნენ და სიტყვიერ და ფიზიკურ შეურაცხყოფას აყენებდნენ. სცადეს მათი ტექნიკის დაზიანებაც. 

„აჭარა თაიმსის“ ჟურნალისტი, სულხან მესხიძე აგრესიული კაცის სამიზნე, რომელმაც თავი ადგილობრივ მცხოვრებად წარადგინა, 16 თებერვალსაც გახდა.

ჟურნალისტი ამ დროს შემთხვევის ადგილიდან მუშაობდა. აგრესიულმა კაცმა მისკენ გაიწია და დარტყმით მიკროფონი გააგდებინა. ადგილზე მყოფ ადგილობრივი ხელისუფლების წარმომადგენლებს კი, რომლებიც მომხდარს შეესწრნენ, რეაგირება არ ჰქონდათ. 

„საქართველოს ჟურნალისტური ეთიკის ქარტია“ მომხდარ შემთხვევებს უკიდურესად შემაშფოთებლად მიიჩნევს. ორგანიზაციის შეფასებით, „ქართული ოცნების“ მხრიდან ჟურნალისტების მიმართ წახალისებული აგრესია და ძალადობა სხვადასხვა დროს და ადგილას სხვადასხვა ფორმით ვლინდება. ჟურნალისტები კი, მუშაობისას თავს უსაფრთხოდ და დაცულად არ გრძნობენ. 

„15 და 16 თებერვალს „ოცნების ქალაქში“ შემთხვევის ადგილას მისული ჟურნალისტები პროფესიულ მოვალეობას ასრულებდნენ - ისინი ცდილობდნენ დროულად მიეწოდებინათ საზოგადოებისთვის ზუსტი და მიუკერძოებელი ინფორმაცია იმ გარემოებების შესახებ, რასაც ორი მცირეწლოვანი ბავშვის სიცოცხლე შეეწირა. მსგავს შემთხვევებში კვალიფიციური მედიაგაშუქება ხელს უწყობს გამოძიების სწრაფად და ეფექტურად განხორციელებას, ტრაგედიაზე პასუხისმგებელი პირების გამოვლენას და ტრაგედიების პრევენციას. 

„ქართული ოცნება“ იმის ნაცვლად რომ მოსახლეობას მედიაგაშუქების მნიშვნელობას განუმარტავდეს და ჟურნალისტებს პირობებს უქმნიდეს თავიანთი მოვალეობების ეფექტურად განსახორციელებლად, უკვე წლებია, ჟურნალისტების დისკრედიტაციით და მათგან მტრის ხატის შექმნითაა დაკავებული. ძალოვანი სტრუქტურები და მათგან ხელშეწყობილი მოძალადეობრივი ჯგუფები თავს ესხმიან ჟურნალისტებს და მათ სიცოცხლესა და ჯანმრთელობას უქმნიან საფრთხეს. მხოლოდ ბოლო სამი თვის განმავლობაში ჟურნალისტურმა ეთიკის ქარტიამ ჟურნალისტებისათვის ხელის შეშლის 120-მდე შემთხვევა აღრიცხა“.

ქარტია აჭარის ადგილობრივი ხელისუფლების ორგანოებისა და შსს-სგან მოითხოვს, მეტი პასუხისმგებლობა გამოიჩინონ თავიანთი პროფესიული და თანამდებობრივი მოვალეობების მიმართ და ჟურნალისტებისთვის უსაფრთხო სამუშაო პირობები უზრუნველყონ როგორც ეს კანონით ევალებათ, სპეციალურ საგამოძიებო სამსახურს კი მოუწოდებს, ჟურნალისტებზე თავდასხმის შემთხვევებით დაინტერესდეს.

„მედიის ადვოკატირების კოალიციის“ განცხადებით, „ქართული ოცნების“ მხრიდან უკანონო ხელშეშლის ქმედებები მიზნად საზოგადოების ინფორმირების შეზღუდვასა და შესაძლო დამნაშავე პირების პასუხისმგებლობის დაფარვას ისახავს.

„განსაკუთრებით შემაშფოთებელია, რომ ტრაგედიის ადგილზე ჟურნალისტებისთვის პროფესიული საქმიანობის განხორციელებაში უკანონოდ ხელის შეშლას და მუქარას ჰქონდა ადგილი. საზოგადოებას აქვს სრული უფლება მიიღოს ინფორმაცია იმ გარემოებების შესახებ, რამაც ორი ბავშვის გარდაცვალება გამოიწვია. "ქართული ოცნების" მხრიდან უკანონო ხელშეშლის ქმედებები კი მიზნად ისახავს საზოგადოების ინფორმირების შეზღუდვას და შესაძლო დამნაშავე პირების პასუხისმგებლობის დაფარვას. 

ეს არ არის პირველი შემთხვევა, როდესაც "ქართული ოცნების" მხრიდან პოლიციის, უკანონო ფორმირებებისა თუ მხარდამჭერების დახმარებით ცდილობს ფიზიკურად იძალადოს და უკანონოდ ხელი შეუშალოს მედიის წარმომადგენლებს თავიანთი პროფესიული მოვალეობის შესრულებისას. აღნიშნულ დანაშაულებზე კი პასუხისგებაში არავინ არის მიცემული. 2024 წლის 28 ნოემბრიდან დღემდე ასზე მეტი ფიზიკური ძალადობის, პროფესიული საქმიანობის უკანონო ხელშეშლის, ტექნიკის დაზიანებისა თუ მუქარის შემთხვევები დაფიქსირდა. თვეზე მეტია უკანონოდ დაკავებულია "ბათუმელების" და "ნეტგაზეთის" თანადამფუძნებელი და ხელმძღვანელი მზია ამაღლობელი, რომელიც არსებული რეჟიმის სინდისის პატიმარია. ქალბატონი მზია დაკავების დღიდან შიმშილობს“.

კოალიცია აღნიშნავს, რომ მედიის წინააღმდეგ მიმართული ნებისმიერი ძალადობრივ ქმედებასა თუ შეზღუდვაზე სრული პასუხისმგებლობა ბიძინა ივანიშვილის „ქართულ ოცნებას“ ეკისრება, რომელიც სისტემატურად ახდენს მედიაზე თავდასხმებსა და დისკრედიტაციას და ქმნის მტრულ გარემოს ჟურნალისტური საქმიანობის განხორციელებისთვის.

„საქართველოს ახალგაზრდა იურისტთა ასოციაციის“ შეფასებით კი, „ქართული ოცნების“ მიერ ორგანიზებული მხარდამჭერების ზეწოლა მედიის წარმომადგენლებზე, პროფესიული საქმიანობის შესრულებისას, საგანგაშოა.

ფოტო : „პუბლიკა"


„მედიის ადვოკატირების კოალიცია“ დამოუკიდებელი და კრიტიკული მედიის წინააღმდეგ „ქართული ოცნების“ მხრიდან ორგანიზებული მზარდი შეზღუდვისა და სისტემური ძალადობის გამო, რაც განსაკუთრებით პროევროპული საპროტესტო აქციების დროს გამძაფრდა, შეშფოთებას გამოხატავს და „პუბლიკის“ ჟურნალისტისა და „მთავარი არხის“ ოპერატორის შემთხვევებს განცხადებით ეხმაურება.

ონლაინგამოცემა “პუბლიკის” რეპორტიორის, ალექსანდრე ქეშელაშვილის წინააღმდეგ, რომელიც გასული წლის ნოემბერში საპროტესტო აქციის ძალადობრივი დაშლისას დააკავეს და სცემეს, შინაგან საქმეთა სამინისტრომ სასამართლოს 12 თებერვალს მიმართა.

სასამართლომ 10 თებერვალს სამართალდამრღვევად უკვე სცნო და სიტყვიერი გაფრთხილება მისცა „მთავარი არხის“ ოპერატორს, სერგი ბარამიძეს, რომელიც პოლიციამ 2024 წლის 19 ნოემბერს პროფესიული მოვალეობის შესრულების დროს ძალის გამოყენებით დააკავა. 

„განსაკუთრებით შემაშფოთებელია, რომ პოლიციის მხრიდან მედიის წარმომადგენლებზე ძალადობა პროფესიული მოვალეობის შესრულებისას განხორციელდა, თუმცა რამდენიმე კვირის შემდეგ, გამოძიებისა და დამნაშავეთა პასუხისგებაში მიცემის ნაცვლად, თავად მსხვერპლებს სჯიან. “ქართული ოცნება” სრულ პასუხისმგებლობას ატარებს მედიისა და აქციის მონაწილეების წინააღმდეგ განხორციელებულ ძალადობაზე. არცერთი მოძალადე არ არის იდენტიფიცირებული და პასუხისგებაში მიცემული.

“ქართული ოცნება” ახორციელებს მსხვერპლთა კრიმინალიზაციას. ეს ფაქტები ავლენს მედიაზე სისტემური ძალადობის დამკვიდრების ტენდენციას და ქმნის თვითცენზურის წახალისების მექანიზმს. ეს კი პირდაპირ აზიანებს საზოგადოების უფლებას, მიიღოს ობიექტური ინფორმაცია საზოგადოებრივი მნიშვნელობის მოვლენების შესახებ“, - ვკითხულობთ „მედიის ადვოკატირების კოალიციის“ განცხადებაში, რომელიც ადამიანის უფლებების დამცველ და მედიის საკითხებზე მომუშავე 17 ორგანიზაციას აერთიანებს. 

აღსანიშნავია, რომ ალექსანდრე ქეშელაშვილსაც შინაგან საქმეთა სამინისტრო, სერგი ბარამიძს მსგავსად, ადმინისტრაციული სამართალდარღვევის კოდექსის 166-ე და 173-ე მუხლების დარღვევას ედავებოდა, რაც წვრილმან ხულიგნობასა და პოლიციისადმი დაუმორჩილებლობას გულისხმობს. სასამართლოში პროცესი კი, 25 თებერვალს ,16:00 საათზეა ჩანიშნული.

2024 წლის 28-29 ნოემბრის ღამეს, „პუბლიკის“ რეპორტიორი, ალექსანდრე ქეშელაშვილი პარლამენტთან მიმდინარე საპროტესტო აქციის გაშუქებისას დააკავეს, სახისა და თავის არეში სცემეს და სამუშაო აპარატურა წაართვეს. პოლიციის განყოფილებაში გადაყვანის შემდეგ, მისთვის ცნობილი გახდა, რომ ადმინისტრაციული წესით იყო დაკავებული. ქეშელაშვილს საავადმყოფოში გადაყვანა და ქირურგიული ოპერაციაც დასჭირდა. 

„პუბლიკის“ რეპორტიორის განცხადებით, ის არათუ საზოგადოებრივ წესრიგს არღვევდა, არამედ პროფესიულ საქმიანობას ასრულებდა, რაშიც ხელი თავად პოლიციამ შეუშალა. 

„მოსამართლე ნინო ენუქიძის თანაშემწემ დამირეკა და მაცნობა, რომ მათ 11 თებერვალს, შინაგან საქმეთა სამინისტრომ მიმართა, თითქოსდა 29 ნოემბერს საზოგადოებრივ წესრიგს ვარღვევდი.  რა თქმა უნდა, ეს ყველაფერი ცოტა ღიმილისმომგვრელია ჩემთვის და ენუქიძის თანაშემწესაც ვუთხარი, რომ საზოგადოებრივ წესრიგს კი არ ვარღვევდი, ვასრულებდი ჩემს პროფესიულ საქმიანობას, რაშიც თავად პოლიციამ შემიშალა ხელი, იძალადა ჩემზე, წამართვა ორი ფოტოაპარატი, რომელიც დღემდე დაკარგულია და შემდეგ გადამიყვანეს განყოფილებაში. 

მე ძალადობის შედეგად დამჭირდა ცხვირის ოპერაციის გაკეთება, ორკვირიანი მოსვენებითი რეჟიმი და ახლაც ვერ ვსუნთქავ კარგად. თუმცა, როგორც ჩანს შინაგან საქმეთა სამინისტროს ეს არაფრად მიაჩნია და აი, რამდენიმე თვის თავზე გაახსენდათ, რომ აქეთ მომთხოვონ პასუხი“, - ამბობს ალექსანდრე ქეშელაშვილი „მედიაჩეკერთან“ საუბრისას. 

როგორც ის აღნიშნავს, მას სამართალწარმოების შეწყვეტის მოლოდინი არ აქვს: 

„რადგან არ ვცხოვრობთ სამართლებრივ სახელმწიფოში, რადგან არ გვინახავს არც ერთი დასჯილი პოლიციელი და სამაგიეროდ, ვხედავთ, ნაცემ მოქალაქეებს აქეთ რომ აკავებდნენ ან აჯარიმებდნენ, არც მე მაქვს დიდი მოლოდინი, რომ სამართალწარმოება შეწყდება, რაც ლოგიკური იქნებოდა ამ სიტუაციაში. ვნახოთ, რა იქნება სასამართლოს გადაწყვეტილება, მაგრამ ველოდები შენიშვნასაც, ჯარიმასაც და ადმინისტრაციულ პატიმრობასაც კი“.

ადმინისტრაციულ სამართალდარღვევათა კოდექსის 166-ე და 173-ე მუხლების დარღვევის ბრალდებით შინაგან საქმეთა სამინისტრომ სასამართლოს მიმართა „მთავარი არხის“ ოპერატორის, სერგი ბარამიძეს შემთვევაშიც.

თბილისის საქალაქო სასამართლოს მოსამართლე მანუჩარ ცაცუამ ტელეკომპანია „მთავარი არხის“ ოპერატორი 10 თებერვალს გამართულ სხდომაზე პოლიციისთვის ხელშეშლის ნაწილში სამართალდამრღვევად ცნო  და სიტყვიერი შენიშვნა გამოუცხადა. წვრილმანი ხულიგნობის მუხლით კი, საქმის წარმოება შეწყვიტა. 

სერგი ბარამიძე პროფესიული მოვალეობის შესრულების დროს, ძალის გამოყენებით გასული წლის 19 ნოემბერს დააკავეს და  მოგვიანებით, ხელწერილის საფუძველზე გაათავისუფლეს. ამ დღეს პოლიციამ მელიქიშვილის გამზირზე მიმდინარე მშვიდობიანი აქცია ძალის გამოყენებით დაშალა, რის შედეგადაც ჟურნალისტებიც დაშავდნენ. 

ბარამიძისთვის შედგენილი სამართალდარღვევის ოქმის მიხედვით კი, 2024 წლის 19 ნოემბერს, მელიქიშვილის გამზირზე მიმდინარე საპროტესტო აქციაზე სერგი ბარამიძე საზოგადოებრივ წესრიგს არღვევდა, იგინებოდა, უმისამართოდ ილანძღებოდა, პოლიციელებს პირის კანონიერ დაკავებაში ხელს უშლიდა და არაერთი მოწოდების მიუხედავად, აღნიშნული ქმედებები არ შეწყვიტა.

„რეალურად გინება რომ არ ყოფილა, ეს დაადასტურა მოსამართლემ და არ გაამტყუნა წვრილმან ხულიგნობასა და პოლიციისადმი შეურაცხყოფაში, მაგრამ გაამტყნა, რომ თითქოს, ის ხელს უშლიდა პოლიციელებს სხვა ადამიანების დაკავებაში, რაც ასევე, სრული აბსურდია. ვიდეოკადრებითაც ჩანს, რომ იგი ხელს არავის არ უშლიდა, უბრალოდ იდგა. ჩვენების მიცემის დროს პოლიციელს რომ ვკითხე, ხელს რა ფორმით გიშლიდათ-მეთქი, მიპასუხა იქ იდგაო. რომ იდგა, ეს ჩათვალეს პოლიციისადმი ხელშეშლად“, - ამბობს „მედიაჩეკერთან“ საუბრისას  სერგი ბარამიძის ადვოკატი, გიორგი ტაბატაძე. 

ტაბატაძის თქმით, „მთავარი არხის“ ოპერატორი მხოლოდ და მხოლოდ პროფესიულ საქმიანობას ასრულებდა და მას სამართალდარღვევა არ ჩაუდენია:

„სერგი ბარამიძე თავის სამსახურეობრივ მოვალეობას ასრულებდა. ყველამ ნახა ვიდეომასალა, სადაც ეს ფაქტია ასახული. ამ დროს მას მოძალადე პოლიციელები დაესხნენ თავს და ასევე, ვიდეოზე ასახულია, რომ სახეში ურტყამენ გამეტებით. ნეკნი ჰქონდა მოტეხილი და დაზიანებებიც აღენიშნებოდა.

იქ [ვიდეოში] საერთოდ არ ისმის არც ლანძღვა-გინება, არც პოლიციისადმი დაუმორჩილებლობა. ყველა საფუძველი იყო იმისთვის, რომ სერგი ბარამიძე სრულად გამართლებულიყო. ის დანაშაულის მსხვერპლია და არა - სამართალდამრღვევი“. 

სპეციალურმა საგამოძიებო სამსახურმა სერგი ბარამიძის საქმეზე გამოძიება სისხლის სამართლის კოდექსის 333-ე და 154-ე მუხლებით დაიწყო, რაც უფლებამოსილების გადამეტებასა და ჟურნალისტურ საქმიანობაში უკანონოდ ხელის შეშლას გულისხმობს. ბარამიძეს დაზარალებულის სტატუსი მინიჭებული ამ დრომდე არ აქვს. „მედიაჩეკერს“ საგამოძიებო სამსახურში უთხრეს, რომ დანიშნულია ექსპერტიზა. სპეციალურმა საგამოძიებო სამსახურმა გამოძიება დაიწყო ალექსანდრე ქეშლაშვილის საქმეზეც, თუმცა ამ დრომდე დასჯილი არავინ არ არის.

„საქართველოს ჟურნალისტური ეთიკის ქარტია“ ბათუმის მერიაში უსახლკაროების საკითხზე გამართულ საჯარო შეხვედრაზე გამოცემა „ბათუმელების“ არ დაუშვების ფაქტს ეხმაურება და მიიჩნევს, რომ გამოცემის მიმართ დისკრიმინაციული მიდგომა პირდაპირ არის დაკავშირებული მზია ამაღლობელის უკანონო პატიმრობასთან. 

„მიუხედავად იმისა, რომ მსგავსი მოპყრობა მედიის მიმართ ბევრ რეგიონში არცთუ იშვიათია - ადგილობრივი მმართველობის ორგანოები ჟურნალისტებს უკანონოდ უზღუდავენ წვდომას ღია სხდომებზე, „ბათუმელების“ პრაქტიკაში ის პირველი იყო. 

ქარტიას აქვს დასაბუთებული ეჭვი, რომ „ბათუმელების“ მიმართ დისკრიმინაციული მიდგომა და მათი კანონიერი უფლებების შეზღუდვა პირდაპირ არის დაკავშირებული მზია ამაღლობელის უკანონო დაკავებასა და პატიმრობასთან და მიზნად „ბათუმელების“ შევიწროებას ისახავს. იმით, რომ საჯარო შენობაში კომისიის ღია სხდომაზე ჟურნალისტი არ შეუშვეს, დაცვის პოლიციელებმა და ბათუმის მერიამ დაარღვიეს ბათუმის მუნიციპალიტეტის საკრებულოს რეგლამენტი, რომელიც მათ საჯარო შენობებში ჟურნალისტებისთვის სამუშაო პირობების შექმნას ავალდებულებს“, - ვკითხულობთ განცხადებაში.

ქარტია ხაზს უსვამს, რომ შეხვედრას ესწრებოდა და აშუქებდა საზოგადოებრივი მაუწყებლის აჭარის ტელევიზია. 

ორგანიზაციაბათუმის მერიას მოუწოდებს, დაიცვას რეგლამენტის მოთხოვნა და მისცეს „ბათუმელების“ ჟურნალისტებს თავიანთი პროფესიული მოვალეობის განხორციელების უფლება, რისი ნაწილიცაა ადგილობრივი მმართველობის ორგანოებში მიმდინარე სამუშაო პროცესების გაშუქება კორუფციის რისკების გამოსავლენად.  

12 თებერვალს ბათუმის მერიაში უსახლკაროების საკითხზე გამართულ საჯარო შეხვედრაზე „ბათუმელები“ არ დაუშვეს.

როგორც გამოცემა წერს, „ბათუმელებს“ ამ შეხვედრის შესახებ უსახლკაროებმა შეატყობინეს, თუმცა მერიის შესასვლელთან მისულ ჟურნალისტს, ჯაბა ანანიძეს დაცვის პოლიციელებმა განუცხადეს, რომ შეხვედრაზე ვერ შეუშვებდნენ. 

ჯაბა ანანიძის თქმით, ეს პირველი შემთხვევაა, როცა „ბათუმელებს“ მერიაში მიმდინარე საჯარო შეხვედრის გაშუქება შეუზღუდეს.

„მედიასაშუალება „ბათუმელები“ 24 წელია არსებობს და მსგავსი გამოცდილება რომ ღია სხდომაზე არ შევეშვით, არ გვქონია. იყო არაერთი შემთხვევა, როდესაც ვთქვათ, ვერ მიგვიღია საჯარო ინფორმაცია, დაუგვიანებიათ პასუხი, მათ შორის მერიიდან, ასევე, ვერ მიგვიღია კომენტარი ან ინტერვიუს ჩაწერა იყო პრობლემა მაშინ, როცა ეს არ იყო პრობლემა იგივე პროსახელისუფლებო მედიისთვის, მაგრამ ესეთი შემთხვევა, რომ ღია სხდომაზე, საკრებულოს ან მერიაში გამართულ სხდომაზე, არ შევეშვით დაცვის პოლიციას, ესეთი პრაქტიკა ჩვენ არ გვქონია. 

ამიტომაც, არ ვიცი, საეჭვოდ ემთხვევა თუ არა იგივე მზია ამაღლობელის საქმეს, ხო, რომელიც ცალსახად აჩვენებს „ქართული ოცნების“ დამოკიდებულებას კრიტიკულ მედიასაშუალებასთან, მისი უკანონო პატიმრობა, მაგრამ მეორეა, რომ ეს არის პირველი შემთხვევა, როცა ასე შეზღუდა ჩვენი ჟურნალისტური საქმიანობა ამ შემთხვევაში, კონკრეტულად ბათუმის მერიამ “, - ამბობს ანანიძე „მედიაჩეკერთან“ საუბრისას. 

ბათუმის მერიის პრესსამსახურის წარმომადგენელმა „ბათუმელებს“ უთხრა, რომ გადაწყვეტილებას ვინ დაესწრება სხდომას, ის არ იღებს. ბათუმის მერიის პრესსამსახურს გუშინ დაუკავშირდა „მედიაჩეკერიც“, თუმცა პასუხი ამ დრომდე არ მიგვიღია.

მზია ამაღლობელის საქმე

„ბათუმელებისა“ და ,,ნეტგაზეთის" დამფუძნებელსა და დირექტორს, მზია ამაღლობელს წინასწარი პატიმრობა აქვს შეფარდებული. მას 4-დან 7 წლამდე პატიმრობა ემუქრება.

მზია ამაღლობელი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. პირველად ამაღლობელი პოლიციამ კედელზე იმ სტიკერის გაკვრის გამო დააკავა, რომელზეც „გაიფიცე“ ეწერა, ის მოგვიანებით ხელწერილის საფუძველზე გაათავისუფლეს, თუმცა მალევე მეორედ ირაკლი დგებუაძისთვის სილის გაწვნის გამო დააკავეს.

15 იანვარს „საქართველოს ახალგაზრდა იურისტთა ასოციაციამ“ გაავრცელა ინფორმაცია, რომ დაკავების შემდეგ, მზია ამაღლობელს ირაკლი დგებუაძე სიტყვიერ შეურაცხყოფას აყენებდა და აგრესიულად ეპყრობოდა, მან ამაღლობელს სახეშიც შეაფურთხა. 

მზია ამაღლობელი დაკავების დღიდან, 32-ე დღეა შიმშილობს. ის 4 თებერვლიდან კლინიკა „ვივამედში“ იმყოფება. 

ფოტო : „ბათუმელები"


„ძვირფასო მზია,

ჩვენ, ჩვენი პროფესიიდან გამომდინარე, მუდმივად გვიწევს უსამართლობასთან დაპირისპირება, თუმცა, კარგად გვესმის, რომ ეს ვერ შეედრება უსამართლობის იმ მასშტაბს, რასაც „ქართული ოცნების“ ხელისუფლება ახლა შენ მიმართ იყენებს! ასევე, კარგად გვესმის ამ უსამართლობასთან შენი უკომპრომისო ბრძოლის არსი – ეს ბრძოლა სრულიად ფასდაუდებელია და თითოეული ჩვენგანის, ჩვენი სამშობლოს გადარჩენას ემსახურება!

მაგრამ უკვე 33-ე დღეა შენი შიმშილობის და ჩვენ ძალიან გვეშინია! – გვეშინია შენი ჯანმრთელობის, შენი სიცოცხლის გამო! 

ჩვენ ყველანი ერთად, შენთან ერთად უნდა გადავრჩეთ და ისე მოვიგოთ ეს უმძიმესი ბრძოლა! ამიტომ გვჯერა, რომ ახლა ბრძოლის სხვა ეტაპზე გადასვლა შეგვიძლია – ყველამ  ერთად უნდა ვიზეიმოთ გამარჯვება! 

გვენატრები, გვიყვარხარ და ძალიან გვჭირდები!“

წერილს, რომელსაც 150-მდე მედიის წარმომადგენელი აწერს ხელს, მზია ამაღლობელს კლინიკა „ვივამედში“ დღეს შეუტანენ. ამაღლობელი დაკავების დღიდან, 33-ე დღეა შიმშილობს, ის „ვივამედში“ 4 თებერვალს გადაიყვანეს.  

„ბათუმელებისა“ და ,,ნეტგაზეთის“ დამფუძნებელსა და დირექტორს წინასწარი პატიმრობა აქვს შეფარდებული. მას 4-დან 7 წლამდე პატიმრობა ემუქრება.

მზია ამაღლობელი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. პირველად ამაღლობელი პოლიციამ კედელზე იმ სტიკერის გაკვრის გამო დააკავა, რომელზეც „გაიფიცე“ ეწერა, ის მოგვიანებით ხელწერილის საფუძველზე გაათავისუფლეს, თუმცა მალევე მეორედ ირაკლი დგებუაძისთვის სილის გაწვნის გამო დააკავეს.

15 იანვარს „საქართველოს ახალგაზრდა იურისტთა ასოციაციამ“ გაავრცელა ინფორმაცია, რომ დაკავების შემდეგ, მზია ამაღლობელს ირაკლი დგებუაძე სიტყვიერ შეურაცხყოფას აყენებდა და აგრესიულად ეპყრობოდა, მან ამაღლობელს სახეშიც შეაფურთხა.

 

ფოტო : „პუბლიკა" 


თბილისის საქალაქო სასამართლოს მოსამართლე მანუჩარ ცაცუამ ტელეკომპანია „მთავარი არხის“ ოპერატორს, სერგი ბარამიძეს, რომელიც პოლიციამ პროფესიული მოვალეობის შესრულების დროს ძალის გამოყენებით დააკავა, სიტყვიერი შენიშვნა გამოუცხადა. 

სერგი ბარამიძეს შინაგან საქმეთა სამინისტრო ადმინისტრაციული სამართალდარღვევის კოდექსის 166-ე (წვრილმანი ხულიგნობა) და 173-ე მუხლების პირველი ნაწილის (პოლიციის კანონიერი მოთხოვნის დაუმორჩილებლობა) დარღვევას ედავებოდა.

„მთავარი არხის“ ოპერატორი, სერგი ბარამიძე პროფესიული მოვალეობის შესრულების დროს ძალის გამოყენებით გასული წლის 19 ნოემბერს დააკავეს და  მოგვიანებით, ხელწერილის საფუძველზე გაათავისუფლეს. ამ დღეს პოლიციამ მელიქიშვილის გამზირზე მიმდინარე მშვიდობიანი აქცია ძალის გამოყენებით დაშალა, რის შედეგადაც ჟურნალისტებიც დაშავდნენ. 

სერგი ბარამიძისთვის შედგენილი სამართალდარღვევის ოქმის მიხედვით კი, 2024 წლის 19 ნოემბერს, მელიქიშვილის გამზირზე მიმდინარე საპროტესტო აქციაზე სერგი ბარამიძე საზოგადოებრივ წესრიგს არღვევდა, იგინებოდა, უმისამართოდ ილანძღებოდა, პოლიციელებს პირის კანონიერ დაკავებაში ხელს უშლიდა და არაერთი მოწოდების მიუხედავად, აღნიშნული ქმედებები არ შეწყვიტა.

10 თებერვალს გამართულ სხდომაზე სასამართლომ წვრილმანი ხულიგნობის მუხლით სერგი ბარამიძის მიმართ საქმის წარმოება შეწყვიტა, თუმცა პოლიციისთვის ხელშეშლის ნაწილში სამართალდამრღვევად ცნო  და სიტყვიერი შენიშვნა გამოუცხადა. 

„რეალურად გინება რომ არ ყოფილა, ეს დაადასტურა მოსამართლემ და არ გაამტყუნა წვრილმან ხულიგნობასა და პოლიციისადმი შეურაცხყოფაში, მაგრამ გაამტყნა, რომ თითქოს, ის ხელს უშლიდა პოლიციელებს სხვა ადამიანების დაკავებაში, რაც ასევე, სრული აბსურდია. ვიდეოკადრებითაც ჩანს, რომ იგი ხელს არავის არ უშლიდა, უბრალოდ იდგა. ჩვენების მიცემის დროს პოლიციელს რომ ვკითხე, ხელს რა ფორმით გიშლიდათ-მეთქი, მიპასუხა იქ იდგაო. რომ იდგა, ეს ჩათვალეს პოლიციისადმი ხელშეშლად“, - ამბობს „მედიაჩეკერთან“ საუბრისას  სერგი ბარამიძის ადვოკატი, გიორგი ტაბატაძე. 

ტაბატაძის თქმით, „მთავარი არხის“ ოპერატორი მხოლოდ და მხოლოდ პროფესიულ საქმიანობას ასრულებდა და მას სამართალდარღვევა არ ჩაუდენია:

„სერგი ბარამიძე თავის სამსახურეობრივ მოვალეობას ასრულებდა. ყველამ ნახა ვიდეომასალა, სადაც ეს ფაქტია ასახული. ამ დროს მას მოძალადე პოლიციელები დაესხნენ თავს და ასევე, ვიდეოზე ასახულია, რომ სახეში ურტყამენ გამეტებით. ნეკნი ჰქონდა მოტეხილი და დაზიანებებიც აღენიშნებოდა.

იქ [ვიდეოში] საერთოდ არ ისმის არც ლანძღვა-გინება, არც პოლიციისადმი დაუმორჩილებლობა. ყველა საფუძველი იყო იმისთვის, რომ სერგი ბარამიძე სრულად გამართლებულიყო. ის დანაშაულის მსხვერპლია და არა - სამართალდამრღვევი“. 

სერგი ბარამიძე სპეციალურ საგამოძიებო სამსახურში, რომელსაც ძალადობრივი დანაშაულების და არასათანადო მოპყრობის ფაქტების გამოძიება ევალება, მეორე დღესვე, 2024 წლის 20 ნოემბერს გამოკითხეს. სპეციალურმა საგამოძიებო სამსახურმა სერგი ბარამიძის საქმეზე გამოძიება სისხლის სამართლის კოდექსის 333-ე და 154-ე მუხლებით დაიწყო, რაც უფლებამოსილების გადამეტებასა და ჟურნალისტურ საქმიანობაში უკანონოდ ხელის შეშლას გულისხმობს. ბარამიძეს დაზარალებულის სტატუსი მინიჭებული ამ დრომდე არ აქვს. „მედიაჩეკერს“ საგამოძიებო სამსახურში უთხრეს, რომ დანიშნულია ექსპერტიზა.

ფოტო : „ბათუმელები"



დღეს, 12 თებერვალს ბათუმის მერიაში უსახლკაროების საკითხზე გამართულ საჯარო შეხვედრაზე „ბათუმელები“ არ დაუშვეს.

როგორც გამოცემა წერს, „ბათუმელებს“ ამ შეხვედრის შესახებ უსახლკაროებმა შეატყობინეს, თუმცა მერიის შესასვლელთან მისულ ჟურნალისტს, ჯაბა ანანიძეს დაცვის პოლიციელებმა განუცხადეს, რომ შეხვედრაზე ვერ შეუშვებდნენ. 

ჯაბა ანანიძის თქმით, ეს პირველი შემთხვევაა, როცა „ბათუმელებს“ მერიაში მიმდინარე საჯარო შეხვედრის გაშუქება შეუზღუდეს.

„მედიასაშუალება „ბათუმელები“ 24 წელია არსებობს და მსგავსი გამოცდილება რომ ღია სხდომაზე არ შევეშვით, არ გვქონია. იყო არაერთი შემთხვევა, როდესაც ვთქვათ, ვერ მიგვიღია საჯარო ინფორმაცია, დაუგვიანებიათ პასუხი, მათ შორის მერიიდან, ასევე, ვერ მიგვიღია კომენტარი ან ინტერვიუს ჩაწერა იყო პრობლემა მაშინ, როცა ეს არ იყო პრობლემა იგივე პროსახელისუფლებო მედიისთვის, მაგრამ ესეთი შემთხვევა, რომ ღია სხდომაზე, საკრებულოს ან მერიაში გამართულ სხდომაზე, არ შევეშვით დაცვის პოლიციას, ესეთი პრაქტიკა ჩვენ არ გვქონია. 

ამიტომაც, არ ვიცი, საეჭვოდ ემთხვევა თუ არა იგივე მზია ამაღლობელის საქმეს, ხო, რომელიც ცალსახად აჩვენებს „ქართული ოცნების“ დამოკიდებულებას კრიტიკულ მედიასაშუალებასთან, მისი უკანონო პატიმრობა, მაგრამ მეორეა, რომ ეს არის პირველი შემთხვევა, როცა ასე შეზღუდა ჩვენი ჟურნალისტური საქმიანობა ამ შემთხვევაში, კონკრეტულად ბათუმის მერიამ “, - ამბობს ანანიძე „მედიაჩეკერთან“ საუბრისას. 

ბათუმის მერიის პრესსამსახურის წარმომადგენელმა „ბათუმელებს“ უთხრა, რომ გადაწყვეტილებას ვინ დაესწრება სხდომას, ის არ იღებს. ბათუმის მერიის პრესსამსახურს დაუკავშირდა „მედიაჩეკერიც“, პასუხის მიღების შემთხვევაში მასალა შესაბამისად განახლდება. 

მზია ამაღლობელის საქმე

„ბათუმელებისა“ და ,,ნეტგაზეთის" დამფუძნებელსა და დირექტორს, მზია ამაღლობელს წინასწარი პატიმრობა აქვს შეფარდებული. მას 4-დან 7 წლამდე პატიმრობა ემუქრება.

მზია ამაღლობელი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. პირველად ამაღლობელი პოლიციამ კედელზე იმ სტიკერის გაკვრის გამო დააკავა, რომელზეც „გაიფიცე“ ეწერა, ის მოგვიანებით ხელწერილის საფუძველზე გაათავისუფლეს, თუმცა მალევე მეორედ ირაკლი დგებუაძისთვის სილის გაწვნის გამო დააკავეს.

15 იანვარს „საქართველოს ახალგაზრდა იურისტთა ასოციაციამ“ გაავრცელა ინფორმაცია, რომ დაკავების შემდეგ, მზია ამაღლობელს ირაკლი დგებუაძე სიტყვიერ შეურაცხყოფას აყენებდა და აგრესიულად ეპყრობოდა, მან ამაღლობელს სახეშიც შეაფურთხა. 

მზია ამაღლობელი დაკავების დღიდან, 32-ე დღეა შიმშილობს. ის 4 თებერვლიდან კლინიკა „ვივამედში“ იმყოფება. 

მზია ამაღლობელის ადვოკატები ხვალ, 13 თებერვალს, ბათუმის საქალაქო სასამართლოს შუამდგომლობით მიმართავენ და ამაღლობელის მიმართ აღკვეთის ღონისძიების სახით შეფარდებული პატიმრობის გაუქმებას მოითხოვენ. 

ამის შესახებ „ბათუმელებისა“ და „ნეტგაზეთის“ დამფუძნებლისა და დირექტორის ადვოკატმა, მაია მწარიაშვილმა და „ახალგაზრდა იურისტთა ასოციაციის“ თავმჯდომარემ, ნონა ქურდოვანიძემ ჟურნალისტებსა და საერთაშორისო ორგანიზაციების წარმომადგენლებთან გამართული შეხვედრისას განაცხადეს.

მაია მწარიაშვილის განცხადებით, „მზია ამაღლობელი არის პოლიტიკური პატიმარი, ვინაიდან მისი დევნა თავსდება ევროპის საბჭოს საპარლამენტო ასამბლეის N1900(2012) რეზოლუციით განსაზღვრულ კრიტერიუმებში, მის წინააღმდეგ მიმდინარე  სისხლის სამართლებრივ დევნას და პატიმრობას არ გააჩნია შესაბამისი სამართლებრივი საფუძვლები“.

მზია ამაღლობელის ადვოკატები მოითხოვენ:

1) სასამართლომ დაუშვას დაცვის მხარის შუამდგომლობა, გააუქმოს მზია ამაღლობელის მიმართ შერჩეული აღკვეთის ღონისძიება და გაათავისუფლოს მზია ამაღლობელი უკანონო პატიმრობიდან;

2) საქართველოს პროკურატურამ დაუყოვნებლივ შეწყვიტოს მზია ამაღლობელის უკანონო ბრალდების საქმე;

3) სპეციალურმა საგამოძიებო სამსახურმა შეასრულოს მასზე დაკისრებული ვალდებულება და სათანადოდ გამოიძიოს მზია ამაღლობელის მიმართ ჩადენილი არასათანადო მოპყრობის ფაქტი;

4) პროკურატურამ მიანიჭოს მზია ამაღლობელს დაზარალებულის სტატუსი;

5) საქართველოს პროკურატურამ დაიწყოს სისხლის სამართლებრივი დევნა გრიგოლ ბესელიას და მისდამი დაქვემდებარებული პოლიციის შესაბამისი მოხელეების მიმართ მზია ამაღლობელის უკანონო დაკავების და უკანონო ადმინისტრაციული სამართალწარმოების  გამო.

6) საქართველოს პროკურატურამ დაიწყოს სისხლის სამართლებრივი დევნა ირაკლი დგებუაძის მიმართ 2025 წლის 12 იანვარს დაკავებული მზია ამაღლობელის მიმართ ჩადენილი არასათანადი მოპყრობისა და 2025 წლის 11 იანვრის ბათუმის აქციაზე  ციალა ქათამაძის უკანონო დაკავების გამო;

7) საქართველოს პროკურატურამ დაიწყოს დევნა შინაგან საქმეთა სამინისტროს ყველა იმ მოხელის წინააღმდეგ, ვინც მიიღო მონაწილეობა 2025 წლის 11-12 იანვრის ბათუმის საპროტესტო აქციის მონაწილეთა უკანონო ადმინისტრაციულ დაკავებასა და უკანონო ადმინისტრაციულ სამართალწარმოებაში.

„ბათუმელებისა“ და ,,ნეტგაზეთის“ დამფუძნებელი და დირექტორი, მზია ამაღლობელი დაკავების დღიდან, 32-ე დღეა შიმშილობს. ის 4 თებერვლიდან კლინიკა „ვივამედში“ იმყოფება.

მზია ამაღლობელი 11-12 იანვარს ბათუმის პოლიციის მთავარ სამმართველოსთან ორჯერ დააკავეს. პირველად ამაღლობელი პოლიციამ კედელზე იმ სტიკერის გაკვრის გამო დააკავა, რომელზეც „გაიფიცე“ ეწერა, ის მოგვიანებით ხელწერილის საფუძველზე გაათავისუფლეს, თუმცა მალევე მეორედ ირაკლი დგებუაძისთვის სილის გაწვნის გამო დააკავეს.

15 იანვარს „საქართველოს ახალგაზრდა იურისტთა ასოციაციამ“ ინფორმაცია გაავრცელა ინფორმაცია, რომ „მისი[მზია ამაღლობელის] დაკავების შემდგომ, ირაკლი დგებუაძე აყენებდა სიტყვიერ შეურაცხყოფას ხოლო შემდგომ, პოლიციის განყოფილებაში რამდენჯერმე შეეცადა მას ფიზიკურად გასწორებოდა, თუმცა, პოლიციის სხვა თანამშრომლებმა შეძლეს ირაკლი დგებუაძის შეკავება და მისი ოთახიდან გაყვანა. ირაკლი დგებუაძე რამდენჯერმე შევიდა ოთახში და აგრძელებდა აგრესიულ მოპყრობას მის მიმართ, ერთ-ერთი ასეთი შესვლისას, მან მზია ამაღლობელს სახეში შეაფურთხა. ასევე, მისი ბრაძანების შესაბამისად, მზია ამაღლობელს გარკვეული დროის განმავლობაში არ ეძლეოდა წყლის დალევის  და საპირფარეშოთი სარგებლობის საშუალება“.

მზია ამაღლობელს წინასწარი პატიმრობა აქვს შეფარდებული. მას 4-დან 7 წლამდე პატიმრობა ემუქრება.