ცნობილმა გამოცემა „პოლიტიკომ“ კონტრაქტი გაწყვიტა ჟურნალისტ ჯულია ლუფთან, მის მიერ დონალდ ტრამპისა და მისი ქალიშვილის შესახებ გამოქვეყნებული შეურაცხმყოფელი, უხამსი ტვიტის გამო. „პოლიტიკომ“ განმარტა, რომ ჟურნალისტის ამგვარი ქმედება ლახავდა გამოცემის რეპუტაციას.

„უგემოვნო“ და „შეურაცხმყოფელი“ უწოდა თავად ლუფმა თავისსავე ტვიტს და საზოგადოებას ბოდიშიც მოუხადა: „მართალია ჩვენ გვყავს პრეზიდენტი, რომელიც თავად უწევს პოპულარიზაციას ყველაფრ იმის თქმას, რასაც ფიქრობ, მაგრამ მიმაჩნია, რომ ჩემი გამონათქვამები მის მიმართ უფრო დელიკატური უნდა ყოფილიყო“.

“პოლიტიკოს“ ჟურნალისტები ყოველთვის და ყველგან წარმოადგენენ გამოცემის სახეს. ჩვენი რეპუტაცია და მაღალი სანდოობა გამოწვეულია იმით, რომ ჩვენ ყოველთვის დამოუკიდებლად ვაშუქებთ მოვლენებს. ჩვენ გვესმის, რომ ჩვენი ჟურნალისტების ამგვარი გამოხატვა ჩრდილს აყენებს მთელი გამოცემის საქმიანობას” - ვკითხულობთ გამოცემის მიერ გავრცელებულ განცხადებაში.

წყარო: Imediaethics