Politico - მ იმ სტატიის სათაური ჩაასწორა, რომელშიც მიგრანტების მიმართ ნეგატიური ტონი იყო გამოყენებული. პირველად ვერსიაში კითხვა ასე იყო დასმული - “რას იზამდით საკუთარი მიგრანტი რომ გყავდეთ?” სათაურს მკითხველების მხრიდან დიდი კრიტიკა მოჰყვა, ისინი სოციალურ ქსელებში წერდნენ, რომ კითხვის ამგვარი ფორმულირება მიგრანტებს მონობის პერსპექტივიდან წარმოაჩენდა. მოგვიანებით Politico - მ მასალის სათაური შეცვალა და რედაქტორის შენიშვნაც გამოაქვეყნა.

“სტატია და განსაკუთრებით, მისი სათაურის პირვანდელი ვერსია ბევრი მკითხველისთვის შეურაცხმყოფელი აღმოჩნდა. ამიტომ, მასალის ავტორის განზრახვის უკეთ წარმოსაჩენად, ჩვენ სათაური შევცვალეთ და მის ავტორს ყველა კრიტიკულ გამოხმაურებაზე პასუხის გაცემა ვთხოვეთ. Politico ყოველთვის იყო განსხვავებული მოსაზრებების გამოხატვის პლატფორმა და ჩვენ არ ვემხრობით ყველა იმ მოსაზრებას, რომელიც ამა თუ იმ სტატიაშია გამოთქმული” - ნათქვამია რედაქტორის შენიშვნაში.

წყარო: Imediaethics