ამერიკულმა ტელეარხმა MSNBC-იმ, 2000 წლიდან
მოყოლებული, პირველადგადაუსწრო პრეზიდენტ ტრამპის ფავორიტ Fox
News-ს წამყვანი რეიტინგებით.
NBCUniversal-მა გასულ ოთხშაბათს განაცხადა, რომ MSNBC-ს, რომელსაც
მედია კრიტიკოსები კონსერვატიული ორიენტაციის Fox News-ის ანტითეზადაც
კი მოიხსენიებენ ხოლმე, 17-21 დეკემბრის კვირაში, სართო ჯამში 1,56
მილიონი მაყურებელი ჰყავდა. Nielsen Media Research-ის ცნობით,
ამავე პერიოდში Fox News-ს 1.54 მილიონი მაყურებელი ყავდა, CNN-ს კი
975 000.
MSNBC-იმ ასევე ყველაზე მეტი მაყურებელი მიიზიდა 25-დან 54 წლის
ასაკობრივ კატეგორიაში, რომელიც რეკლამის დამკვეთებისათვის ყველაზე
სასურველი ასაკობრივი ჯგუფია. ამ კატეგორიაში Fox News მესამე ადგილს
იკავებდა CNN-ის შემდეგ.
აღნიშნული რეიტინგი სამუშაო კვირის დღეებს მოიცავდა. რაც შეეხება უქმე
დღეებს, უქმე დღეებში Fox News კვლავაც ლიდერობდა რეიტინგებში.
თითქმის ოცი წელიწადია Fox News ახალი ამბების ინდუსტრიასა და
წამყვან დემოგრაფიული კატეგორიებში მაყურებელთა საერთო რიცხვით
ლიდერობს. გასულ თვეში არხმა ერთმანეთის მიყოლებით 29-ე თვე
მიითვალა, რაც ნიშნავს, რომ იგი ყველაზე ყურებადი არხია აშშ-ში.
მომზადებულია HuffPost-ის
მიხედვით
