მედია ჩეკერი საქართველო

პაპუაშვილი ონლაინ მედიაზე: „არ უნდა ისარგებლო ბოროტად ჟურნალისტური აკრედიტაციით“

კატეგორია - საქართველო

ონლაინ მედიის ჟურნალისტებს მეორე დღეა პარლამენტში მუშაობა ეზღუდებათ. საკანონმდებლო ორგანოში დღესაც უსაფრთხოების ყვითელი დონე მოქმედებს, რაც ვიზიტორების შეზღუდვას გულისხმობს.

პარლამენტის თავმჯდომარის განმარტებით, მისი ბრძანების ამოქმედების საფუძველი ონლაინ მედიის მიზანია, გააპროტესტოს რუსული კანონი.

შალვა პაპუაშვილის თქმით, ონლაინ მედიის წარმომადგენლებს პარლამენტში შესვლა არა ჟურნალისტური საქმიანობისთვის, არამედ პროტესტის დასაფიქსირებლად სურთ, რაც ჟურნალისტური საქმიანობა არ არის, ამიტომ მედიამ ჟურნალისტური აკრედიტაციით ბოროტად არ უნდა ისარგებლოს.

პარლამენტის თავმჯდომარის განცხადებით, საქართველოს უმაღლესი საკანონმდებლო ორგანო არ არის სივრცე აქციების ჩასატარებლად და მისი მათ შორის პასუხისმგებლობაა კონსტიტუციითაც, რომ სამუშაო გარემო უზრუნველყოს.

„ყველა ამ ჟურნალისტმა გუშინ შემდეგ წრეები ურტყა პარლამენტს სხვადასხვა პლაკატებით, შეძახილებით და ხმოვანი ინსტრუმენტებით, რითაც დაადასტურეს, დაადასტურეს მერამდენეჯერ უკვე, რომ მართალი, სწორი იყო ეს გადაწყვეტილება, იმიტო რო მათ არა აქვთ ჟურნალისტური ინტერესი აქ საქმიანობის, მათ აქვთ ინტერესი ჩაშლის“.

შალვა პაპუაშვილის მტკიცებით, პარლამენტის შიგნით პროტესტის გამოხატვა ჟურნალისტური ეთიკის დარღვევაა და აკრედიტაცია ამისთვის არ არის:

„აკრედიტაცია გაქვთ თქვენც და ყველას იმისთვის, რომ განახორციელოთ ჟურნალისტური საქმიანობა და ამისი ბოროტად სარგებლობაა და ჟურნალისტური ეთიკის დარღვევაა, როდესაც აკრედიტაციით სარგებლობ...“

ონალაინ მედიის ჟურნალისტები რუსული კანონის საკომიტეტზო მოსმენაზე გუშინაც არ დაუშვეს.

16.04.2024

ვრცლად

პარლამენტმა „მედიაჩეკერისთვის“ საშვები მისი ჟურნალისტის, ნინია კაკაბიძის გამო არ დაუშვა

კატეგორია - საქართველო

პარლამენტის საზოგადოებასთან ურთიერთობისა და ინფორმაციის დეპარტამენტმა ონლაინ გამოცემა „მედიაჩეკერისთვის“ საშვები არ დაუშვა.

„მედიაჩეკერმა“ საშვები ჟურნალისტებისთვის, მათ შორის ნინია კაკაბაძისთვის 8 აპრილს მოითხოვა. იმ დღეს, როდესაც პარლამენტის ბიურს „უცხოური გავლენის გამჭვირვალობის შესახებ“ კანონი უნდა განეხილა.

მედია გამოცემას მიზეზი ოფიციალური მეილით ასე განემარტა: „ჩვენი დეპარტამენტი საშვებს უშვებს მხოლოდ იმ მედისაშუალების ჟურნალისტებზე, რომლებიც პარლამენტის საქმიანობას აშუქებენ“.

ამავე დეპარტამენტის წარმომადგენლის თამარ ჯანელიძის დღევანდელი განცხადებით, „როდესაც ადამიანი არი აქტივისტი და პარლამენტში შემოდის იმისთვის, რომ აქ რაღაცა თავისი პოლიტიკური მესიჯები გააჟღეროს და არ იმუშაოს საპარლამენტო საქმიანობით, რითიც დაკავებულები არიან პარლამენტში მომუშავე ჟურნალისტები, ამ შემთხვევაში ჩვენ ვიღებთ გადაწყვეტილებას, შემოვუშვათ თუ არა. ეს ის შემთხვევა იყო, რო არ შემოუშვით“.

ჯანელიძე ამ ფაქტს „მედიაჩეკერის“ დისკრიმინაციად არ მიიჩნევს და ამბობს, რომ „ამ შემთხვევაში კი, ხდება ხოლმე ესეთი გამონაკლისები“.

„ნინია, რო ჟურნალისტური საქმიანობით არ ეწევა, მითუმეტეს საპარლამენტო ჟურნალისტიკაში არანაირი შეხება არა აქვს ჟურნალისტიკასთან, ამიტომ ვიცოდით დაახლოებით, რისთვის მოდიოდა...ნინია კაკაბაძე მოდიოდა, რომ საპარლამენტო ღონისძიებები გაეშუქებინა პარლამენტში?...როდესაც არის ინფორმაცია, რო ადამიანი შემოდის...იმისთვის, რომ ფლეშმობი დადგას, ამიტომ იყო ეს პასუხი...“

„უცხოური გავლენის გამჭვირვალობის შესახებ“ რუსული კანონის ბიუროზე განხილვას ჟურნალისტების ნაწილი ვერ დაესწრო. პარლამენტში არ შეუშვეს მათ შორის ისინიც, ვისაც მუდმივმოქმედი აკრედიტაციაც ჰქონდა.

16.04.2024

ვრცლად

პაპუაშვილმა ონლაინ მედიის შეზღუდვის მიზეზებზე საუბრისას „პუბლიკას“ ჟურნალისტის ბანერი გაიხსენა

კატეგორია - საქართველო

ონლაინ მედიის ჟურნალისტებს მეორე დღეა პარლამენტში მუშაობა ეზღუდებათ. საკანონმდებლო ორგანოში დღესაც უსაფრთხოების ყვითელი დონე მოქმედებს, რაც ვიზიტორების შეზღუდვას გულისხმობს.

პარლამენტის თავმჯდომარემ მისი ბრძანების ამოქმედების მიზეზებზე საუბრისას 8 აპრილის ბიურის სხდომა გაიხსენა, როდესაც მედია გამოცემა „პუბლიკას” ჟურნალისტმა საპროტესტო ბანერი - „არა რუსულ კანონს“ გაშალა.

„შემოვიდა ერთხელ პუბლიკას ჟურნალისტი. ნახეთ, რომ აქცია ჩაატარა და გავიდა და საერთოდ 1 წამითაც რაიმე ჟურნალისტური საქმიანობა არ განუხორციელებია...სულ 3-ჯერ არის შემოსული აკრედიტაციით, აქედან 2-ჯერ წესები დაარღვია. აქაც ჩანს, რომ ჟურნალისტური ინტერესი მას არ აქვს“.

შალვა პაპუაშვილის თქმით, ამოქმედებული უსაფრთხოების რეჟიმის მთავარი ამოცანა მსგავსი შემთხვევების პრევენციაა.

პარლამენტის პრესსამსახურის წარმომადგენლის თამარ ჯანელიძის თქმით, ნათია ამირანაშვილს აკრედიტაცია შეწყვეტილი აქვს.

„უცხოური გავლენის გამჭვირვალობის შესახებ“ რუსული კანონის ბიუროზე განხილვას ჟურნალისტების ნაწილი ვერ დაესწრო. პარლამენტში არ შეუშვეს მათ შორის ისინიც, ვისაც მუდმივმოქმედი აკრედიტაციაც ჰქონდა.

საკანონმდებლო ორგანოში მოხვდა "პუბლიკას" ჟურნალისტი, ნათია ამირანაშვილი რომელსაც შენობაში შესვლამდე სუფთა ფურცელიც ჩამოართვეს.

ონალაინ მედიის ჟურნალისტები რუსული კანონის საკომიტეტზო მოსმენაზე გუშინაც არ დაუშვეს.

16.04.2024

ვრცლად

ტელემედიის ნაწილი პირდაპირ ეთერში მხოლოდ რუსული კანონის კომიტეტზე განხილვას აჩვენებს

კატეგორია - საქართველო

ქართული ტელემედიის ნაწილი პირდაპირ ეთერში მხოლოდ „უცხოური გავლენის გამჭვირვალობის შესახებ“ რუსული კანონის იურიდიულ საკითხთა კომიტეტზე განხილვას აჩვენებს, პარლამენტთან მიმდინარე აქციას კი - არა.

რა ჰქვია ამ ტელევიზიების სპეციალურ ეთერს:

საზოგადოებრივი მაუწყებელი: „„უცხოური დაფინანსების გამჭვირვალობის შესახებ“ კანონპროექტის განხილვა“

იმედი: „გამჭვირვალობის შესახებ კანონპროექტის განხილვა“

რუსთავი 2: „გამჭვირვალობის კანონის განხილვა კომიტეტზე“

პარლამენტში რუსული კანონის საკომიტეტო განხილვას ონლაინ მედიის წარმომადგენლები ვერ ესწრებიან. მიზეზი საკანონმდებლო ორგანოს მიერ ამოქმედებული უსაფრთხოების ყვითელი დონეა, რაც ვიზიტორების შეზღუდვას გულისხმობს.

პარლამენტის გუშინდელი განცხადებით, შეზღუდვა მხოლოდ ტელემაუწყებლების/ტელემედია საშუალებების აკრედიტებულ ჟურნალისტებს არ შეეხებოდათ.

ამ წუთებში რუსული კანონის განხილვის პარალელურად, პარლამენტან აქცია მიმდინარეობს. მას დამოუკიდებელი მედია ორგანიზაციების წარმომადგენლებიც უერთდებიან.

საპროტესტო აქცია დაგეგმილია 19:00 საათზეც.

436358257-1049717076844598-321176575558611655-n

436361547-1049716963511276-4708331099460552343-n

436443231-1049717120177927-5160275679484423138-n

15.04.2024

ვრცლად

საქმეზე - ალექსანდრე ჭიკაიძე „ტელეკომპანია პირველისა“ და სოფო ნიაურის წინააღმდეგ, მოსამართლემ სათანადო მოპასუხედ ნიაურიც ცნო

კატეგორია - საქართველო

2024 წლის 10 აპრილს მოსამართლე ზაალ მარუაშვილმა საქმეზე - ალექსანდრე ჭიკაიძე „ტელეკომპანია პირველისა“ და სოფო ნიაურის წინააღმდეგ, სათანადო მოპასუხედ ჟურნალისტიც ცნო.

შინაგან საქმეთა ყოფილი მინისტრი, ალექსანდრე ჭიკაიძე სასამართლოში წარდგენილი სარჩელით, მედიის მიერ გავრცელებული ინფორმაციის ცილისწამებად ცნობას და ტელევიზიისა და ჟურნალისტისგან 100,000 ლარის ოდენობით მორალური ზიანის ანაზღაურებას ითხოვს.

„მედიის ადვოკატირების კოალიციის“ განცხადებით, სასამართლოს მიერ ცილისწამების დავაზე ჟურნალისტის სათანადო მოპასუხედ ცნობა ცალსახად ეწინააღმდეგება „სიტყვისა და გამოხატვის თავისუფლების შესახებ“ საქართველოს კანონში არსებულ ჩანაწერს. კანონი ცალსახად ადგენს სათანადო მოპასუხეთა წრეს და განმარტავს, რომ „მედიაში ჟურნალისტის მიერ გამოქვეყნებულ ცილისწამებასთან დაკავშირებული სასამართლო დავისას მოპასუხეა მედიის მესაკუთრე“.

კოალიციისთვის, განსაკუთრებით შემაშფოთებელია ის გარემოება, რომ სასამართლოებმა არაერთ მსგავს საქმეზე კანონში არსებული ჩანაწერი უგულებელყვეს და ჟურნალისტები სათანადო მოპასუხეებად მიიჩნიეს.

კოალიცია მოუწოდებს საერთო სასამართლოებს, იხელმძღვანელონ მედიისა და გამოხატვის თავისუფლების დაცვის მაღალი სტანდარტებით და გაითვალისწინონ კანონში არსებული ჩანაწერი ჟურნალისტების არასათანადო მოპასუხედ ცნობასთან დაკავშირებით.

15.04.2024

ვრცლად

„ტვ 24": „ხელისუფლება ყველა ღონეს ხმარობს ხელოვნური ბარიერის შესაქმნელად“

კატეგორია - საქართველო

"ქართული ოცნების" ყოფილი დეპუტატისა და მილიონერი ბიზნესმენის, შოთა შალელაშვილის მეუღლის ტელევიზიის განცხადებით:

„მას შემდეგ, რაც TV24-ის დამფუძნებელმა ტელეკომპანიის გახსნის შესახებ ღიად განაცხადა, ხელისუფლებამ დაიწყო მიზანმიმართული კამპანია ქართულ მედიასივრცეში ახალი, დამოუკიდებელი აქტორი შემოსვლის წინააღმდეგ. საქართველოს ხელისუფლება ყველა ღონეს ხმარობს ხელოვნური ბარიერის შესაქმნელად და ზღუდავს ტელეკომპანიის ბალანსზე არსებულ ლეგიტიმურ ფინანსურ რესურსებზე წვდომას, ეს კი აფერხებს TV24-ის ეთერში გასვლის პროცესს“.

ახალი ტელევიზია „ტვ 24“-ის ბაზაზე საცდელი მაუწყებლობის დაწყებას აპრილის ბოლოს გეგმავს.

შალელაშვილის ოჯახის ტელევიზიის გენერალური დირექტორი ნანა ლეჟავა იქნება. საჯარო რეესტრმა ლეჟავას განცხადება მონაცემებში ცვლილების რეგისტრაციისთვის დღეს მიიღო.

„ტვ 24“-ის განცხადებით, კი სარედაქციო ბირთვს ლეჟავასთან ერთად იმედა დარსალია და ირაკლი აბსანძე წარმოადგენს.

შოთა შალელაშვილის მეუღლის, ირა ფიჩხაძის კომპანია შპს „ნომი ინვესთმენთსა“ და ტელე-რადიოკომპანია „ტვ 24“-ის მფლობელ ვიქტორ მეძმარიაშვილს შორის ნასყიდობის ხელშეკრულება მიმდინარე წლის 29 იანვარს გაფორმდა. ფიჩხაძემ "ტვ 24" 50 000 აშშ დოლარად იყიდა.

საჯარო რეესტრის ამონაწერის მიხედვით, ამ დრომდე ტელევიზიის დირექტორიც ირა ფიჩხაძე იყო. ახალი გენერალური დირექტორი, ნანა ლეჟავა კი „ტვ 24“-მდე ტელეკომპანია „იმედის“ საინფორმაციო სამსახურს უძღვებოდა.

შოთა შალელაშვილი საქართველოს IX მოწვევის პარლამენტის წევრი „ქართული ოცნების" დემოკრატიული საქართველო“ პარტიული სიით გახდა. მან პარლამენტი 2019 წელს დატოვა. ამჯერად ის პარტიის - „თაობები საქართველოსთვის“ თავმჯდომარეა და საპარლამენტო არჩევნებში მონაწილეობას გეგმავს.

https://tv24.ge/index.php?newsid=1

15.04.2024

ვრცლად

ონლაინ მედიის ჟურნალისტებს ხვალ პარლამენტში რუსული კანონის განხილვისას არ შეუშვებენ

კატეგორია - საქართველო

ხვალ, 15 აპრილს ონლაინ მედიის ჟურნალისტებს რუსული კანონის განხილვისას პარლამენტში არ შეუშვებენ. საკანონმდებლო ორგანომ უსაფრთხოების ყვითელი დონე აამოქმედა, რაც ვიზიტორების შეზღუდვას გულისხმობს.

პარლამენტის განცხადებით, შეზღუდვა მხოლოდ ტელემაუწყებლების/ტელემედია საშუალებების აკრედიტებულ ჟურნალისტებს არ შეეხებათ.

„აღნიშნული ღონისძიების მიზანია საქართველოს პარლამენტის სასახლეში სამუშაო და უსაფრთხო გარემოს უზრუნველყოფა“, - წერია განცხადებაში.

„ქართული ოცნების“ მიერ მეორედ ინიცირებული რუსული კანონის იურიდიულ საკითხთა კომიტეტში განხილვა სწორედ ხვალ, 10:00 საათზე იწყება. მოსმენის პარალელურად დაგეგმილია აქციაც. საპროტესტო აქცია დაანონსებულია 19:00 საათზეც.

რუსული კანონი „უცხოური ძალის ინტერესების გამტარებელ ორგანიზაციად“ დარეგისტრირებას იმ მედია ორგანიზაციებსაც ავალდებულებს, რომელთა წლიური შემოსავლის 20%-ზე მეტი უცხოეთიდანაა მიღებული. კანონის პროექტს აქტიურად სწორედ დამოუკიდებელი ონლაინ მედიის წარმომადგენლები აპროტესტებენ.

14.04.2024

ვრცლად

"სიტყვას გაძლევთ, რომ ბოროტად არ გამოვიყენებ" - შალელაშვილი მეუღლის ტელევიზიაზე

კატეგორია - საქართველო

"ქართული ოცნების" ყოფილი დეპუტატისა და მილიონერი ბიზნესმენის, შოთა შალელაშვილის ცოლის ტელევიზიის გენერალური დირექტორი ნანა ლეჟავა იქნება. მონაცემებში ცვლილების რეგისტრაციისთვის საჯარო რეესტრში განცხადება უკვე მიღებულია.

ახალი ტელევიზია „ტვ 24“-ის ბაზაზე საცდელ მაუწყებლობას აპრილის ბოლოს დაიწყებს.

შოთა შალელაშვილის თქმით, თითქმის, ყოველდღიურ ინფორმაციას ფლობს და მეუღლისგან იცის, რომ ტელევიზიას სახელი არ შეეცვლება და ამ ეტაპზე დაგეგმილი მხოლოდ სტრუქტურული და საკადრო ცვლილებებია. ის მეუღლის მიერ "ტვ 24"-ის ყიდვას საკუთარ პოლიტიკურ გეგმებსა და მოახლოებულ არჩევნებს არ უკავშირებს.

„პოლიტიკურ საქმიანობას, რა თქმა უნდა, არ უკავშირდება და კანონიც კრძალავს მაგრამ, ისე როგორ იქნება, რომ, ალბათ, სადღაც ინტერვიუებში გამოვჩნდებით და რაღაც, დღეს თუ საერთოდ არ გვაშუქებენ...ჩვენთვის დახურულია სივრცე, თუ ეს საშუალება გაჩნდება და ეს იქნება ლამაზად და არა გადამეტებულად და არ ვიქნებით ისეთი თვალში საცემი ყოველდღიურ რეჟიმში, რა თქმა უნდა, რაღაც ფორმით, ალბათ, ჩვენც გამოვჩნდებით ტელევიზიაში“.

შალელაშვილის თქმით, ტელევიზიის მიმართ ინტერესი ოჯახს იმან გაუჩინდა, რომ „ჩვენ ინტერესი იმიტომ გვაქვს, დახშული ვართ პრინციპში, ჩვენ გვაქვს პრეტენზია ვიყოთ საუკეთესო პარტია“.

შალელაშვილი პირობას იძლევა, რომ „ჩემი პირადი მომსახურეობისთვის ტელევიზია არ იქნება და არც ჩემი მეუღლის პირადი მომსახურეობისათვის“.

„დამერწმუნეთ, სიტყვას გაძლევთ, რომ ბოროტად არ გამოვიყენებ. მე საერთოდ ბავშვობიდან მაქვს ობიექტურობის განცდა და ვერ ვიტან აი ზედმეტად პიარს, ზედმეტად დაუმსახურებლად გამოჩენას...ეს მე თვითონ ადამიანურად არ მახასიათებს, ამიტომ გპირდებით, რომ ჩვენი ტელევიზია იქნება ობიექტური, ხალხის სამსახურში და თუ ის დაკარგავს მის დანიშნულებას, რო ის ობიექტური იყოს, ჩემი მეუღლე მიიღებს გადაწყვეტილებას, რომ არ გააგრძელოს და ამით მორჩენა ეს“.

შოთა შალელაშვილის მეუღლის, ირა ფიჩხაძის კომპანია შპს „ნომი ინვესთმენთსა“ და ტელე-რადიოკომპანია „ტვ 24“-ის მფლობელ ვიქტორ მეძმარიაშვილს შორის ნასყიდობის ხელშეკრულება მიმდინარე წლის 29 იანვარს გაფორმდა. ფიჩხაძემ "ტვ 24" 50 000 აშშ დოლარად იყიდა.

საჯარო რეესტრის ამონაწერის მიხედვით, ამ დრომდე ტელევიზიის დირექტორიც ირა ფიჩხაძე იყო. ახალი გენერალური დირექტორი, ნანა ლეჟავა კი „ტვ 24“-მდე ტელეკომპანია „იმედის“ საინფორმაციო სამსახურს უძღვებოდა.

შოთა შალელაშვილი საქართველოს IX მოწვევის პარლამენტის წევრი „ქართული ოცნების" დემოკრატიული საქართველო“ პარტიული სიით გახდა. მან პარლამენტი 2019 წელს დატოვა. ამჯერად ის პარტიის - „თაობები საქართველოსთვის“ თავმჯდომარეა და საპარლამენტო არჩევნებში მონაწილეობას გეგმავს.

საჯარო რეესტრის ეროვნულ სააგენტოში განცხადების მიღების ბარათი:

https://bs.napr.gov.ge/GetBlob?pid=400&bid=7c9JthgWNnAMXazKP2jf0K0hSzsFra5G5SVu2PhxnCO[L[9KO0S]5LknDWrYtl50

12.04.2024

ვრცლად

შალელაშვილის მეუღლის ტელევიზიის გენერალური დირექტორი ნანა ლეჟავა იქნება

კატეგორია - საქართველო

ქართული ოცნების ყოფილი დეპუტატისა და მილიონერი ბიზნესმენის, შოთა შალელაშვილის ცოლის ტელევიზიის გენერალური დირექტორი ნანა ლეჟავა იქნება. მონაცემებში ცვლილების რეგისტრაციისთვის საჯარო რეესტრმა ლეჟავას განცხადება უკვე მიიღო.
ახალი ტელევიზია „ტვ 24“-ის ბაზაზე საცდელ მაუწყებლობას აპრილის ბოლოს დაიწყებს.
შოთა შალელაშვილის მეუღლის, ირა ფიჩხაძის კომპანია შპს „ნომი ინვესთმენთსა“ და ტელე-რადიოკომპანია „ტვ 24“-ის მფლობელ ვიქტორ მეძმარიაშვილს შორის ნასყიდობის ხელშეკრულება მიმდინარე წლის 29 იანვარს გაფორმდა. ფიჩხაძემ "ტვ 24" 50 000 აშშ დოლარად იყიდა.
საჯარო რეესტრის ამონაწერის მიხედვით, ამ დრომდე ტელევიზიის დირექტორიც ირა ფიჩხაძე იყო. ახალი გენერალური დირექტორი, ნანა ლეჟავა კი „ტვ 24“-მდე ტელეკომპანია „იმედის“ საინფორმაციო სამსახურს უძღვებოდა.
შოთა შალელაშვილი საქართველოს IX მოწვევის პარლამენტის წევრი „ქართული ოცნების" დემოკრატიული საქართველო“ პარტიული სიით გახდა. მან პარლამენტი 2019 წელს დატოვა. ამჯერად ის პარტიის - „თაობები საქართველოსთვის“ თავმჯდომარეა და საპარლამენტო არჩევნებში მონაწილეობას გეგმავს.

საჯარო რეესტრის ეროვნულ სააგენტოში განცხადების მიღების ბარათი:
https://bs.napr.gov.ge/GetBlob?pid=400&bid=7c9JthgWNnAMXazKP2jf0K0hSzsFra5G5SVu2PhxnCO[L[9KO0S]5LknDWrYtl50

12.04.2024

ვრცლად

„რუსული კანონი“, პირველ რიგში, რიგით მოქალაქეს ეხება - „ქუთაისიპოსტი“

კატეგორია - საქართველო

„ქუთაისიპოსტი“ რეგიონული მედია ორგანიზაციაა, რომელიც 2014 წელს დაფუძნდა. მისი მთლიანი ბიუჯეტი დონორი ორგანიზაციების მიერ არის დაფინანსებული. „კარგად მახსოვს, ხუთმა გოგომ დავიწყეთ თავიდან ნული თეთრით. საკუთარ ნივთებს ვყიდდით, რომ ინტერნეტის ფული მაინც დაგვეფარა. ცხადია, ასე დიდხანს ვერ გაგრძელდებოდა და დაფუძნებიდან 2 თვეში, ჩვენ უკვე მხარდაჭერა გამოგვიცხადა „ფონდი ღია საზოგადოება საქართველო“ და დაგვიფინანსა 4-თვიანი პროექტი. მას შემდეგ ჩვენ წყვეტა არ გვქონია და დღემდე ვარსებობთ სხვადასხვა დონორის დახმარებით“, - გვიყვება „ქუთაისიპოსტის“ რედაქტორი თეა ზიბზიბაძე.

„ქუთაისიპოსტი“ მულტიმედია ფორმატით მუშაობს და არ არის მხოლოდ ახალ ამბებზე ორიენტირებული. მედია პლატფორმა ცდილობს, სიღრმისეულად იმუშავოს და იკვლიოს ყველა ის პრობლემა, რომელიც რეგიონის მოსახლეობას აწუხებს. ასევე, მონიტორინგი გაუწიოს ადგილობრივი ხელისუფლების საქმიანობას, თუ რამდენად სწორად იხარჯება პროექტებისთვის განკუთვნილი თანხა და რამდენად ხმარდება ის ადგილობრივი მოსახლეობის საჭიროებებს.

„რაც დრო გადის, სულ უფრო იზრდება ნდობა ჩვენ მიმართ. მოქალაქეები ხედავენ, რომ საკითხს, რომელიც გავაშუქეთ, რეაგირება მოჰყვა, ამიტომ სისტემატურად მოგვმართავენ დახმარებისა და მათი პრობლემის გახმოვანებისთვის. ზუსტად ამაში ვხედავთ ჩვენს როლს, რომ არ გავჩერდეთ, ვიდრე ხელისუფლებას არ ვაიძულებთ, ის კონკრეტული საკითხი მოაგვაროს. როდესაც კრიტიკული მედიები გაქრება, პირველ რიგში, რიგით მოქალაქეს შეეხება ეს. მოქალაქე ვეღარ შეძლებს თავის დაცვას, მისი პრობლემის გახმოვანებას და მოგვარებას.

ბევრი ფიქრობს, რომ „რუსული კანონი“ მხოლოდ მედიებისა და სამოქალაქო საზოგადოების პრობლემაა. სინამდვილეში, ეს პირველ რიგში რიგითი ადამიანისა და ხალხის პრობლემაა, რომელიც ამ დამოუკიდებელი მედიების გარეშე დაუცველი დარჩება“, - ამბობს თეა ზიბზიბაძე.

„ქუთაისიპოსტის“ საქმიანობის პერიოდში არაერთხელ მომხდარა, როდესაც სწორედ, მათი დახმარებით მოუგვარდა ამა თუ იმ მოქალაქესა თუ კონკრეტულ სოფელს სხვადასხვა პრობლემა. მაგალითად, წყალტუბოს სოფელ სორმონში მაცხოვრებლებს გზა 30 წელი არ ჰქონდათ. ამორტიზებული საფარის გამო, გადაადგილების პრობლემა განსაკუთრებით მწვავე წვიამიან ამინდში იყო. ადგილზე დროულად ვერ მიდიოდა სასწრაფო სამედიცინო დახმარებისა და სახანძრო/სამაშველო ბრიგადები. სწორედ, „ქუთაისიპოსტის“ მიერ ამ პრობლემის გაშუქებისა და გახმაურების შემდეგ, მოხდა სორმონში შიდა სასოფლო გზის რეაბილიტაცია.

„14 წელია, ამ სოფლის მცხოვრები ვარ და ძალიან დიდი პრობლემის წინაშე ვიყავით. ამორტიზებული, ცუდი გზა გვქონდა. წლების განმავლობაში იყო ბრძოლა და გვპირდებოდნენ, რომ გაკეთდებოდა. მაგრამ არანაირი შედეგი არ გამოიღო, სანამ ჩვენი პრობლემა არ მივიტანეთ ამ მედია საშუალებამდე [„ქუთაისიპოსტი“]. ამის შემდეგ, რამდენიმე თვეში დაიწყო გზის რეაბილიტაცია და გაკეთდა. ასეთი თავისუფალი მედია საშუალებები უნდა იყოს, რომ მივაწვდინოთ ხმა, ხალხის გულში ჩაწვდეს და გააკეთოს საქმე, როგორც ეს ჩვენ შემთხვევაში მოხდა“, - ამბობს სოფელ სორმონის მკვიდრი იზა ხუხია.

"მედიაჩეკერის" კითხვაზე - რა იქნება კანონის მიღების შემთხვევაში და აპირებს თუ არა „ქუთაისიპოსტი“ "უცხო ქვეყნის ინტერესების გამტარებელ ორგანიზაციად" დარეგისტრირებას, თეა ზიბზიბაძე გვპასუხობს: „პირველ რიგში, არც მინდა დავუშვა, რომ ამ კანონს მიიღებენ. მაგრამ, თუ ასე მოხდა, ვერ წარმომიდგენია, რომ აგენტად მოვინათლოთ ჩვენი ნებით. ასეთ დროს ჯობია, არ დარეგისტრირდე და შენ თვითონ შეწყვიტო მუშაობა, ვიდრე გააგრძელო და ხელისუფლებამ აგენტი გეძახოს და სხვადასხვა ფორმით გაგაჩეროს“.

თეა ზიბზიბაძის განმარტებით, აგენტად დარეგისტრირება, რომელსაც კანონის პროექტის მეორე ვერსიით, "უცხოური ძალის ინტერესების გამტარებელი" ჰქვია, საკუთარი თავისა და იმ დონორი ორგანიზაციების შეურაცხყოფაა, რომელიც მათ აფინანსებს.

„ ეს არის აღიარება, რომ ჩვენ ვიღაცის ინტერესებს ვატარებთ, რაც სინამდვილეს არ შეესაბამება. ეს არის ჩვენი სიკვდილი, მედია ორგანიზაციის დასამარება, ამიტომ ცხადია, ჯობს ჩვენ თვითონ გავჩერდეთ, ვიდრე ამ ფორმით გაგვაჩერონ".

როგორც "ქუთაისიპოსტის" რედაქტორი ამბობს, დღეს ყველაზე გამჭვირვალე სწორედ, მედია და სამოქალაქო სექტორია.

"როდესაც დონორი აცხადებს საგრანტო კონკურსს, ძალიან ვრცელი აღწერილობაა, თუ რა მიზანი აქვს გრანტის გაცემას. როდესაც ჩვენ ვწერთ პროექტებს, იქაც დეტალურად აღვწერთ, რის გაკეთებას ვაპირებთ და რა ხარჯით. როდესაც მასალას ვაქვეყნებთ, ვებ გვერდზეც დეტალურად წერია ინფორმაცია გრანტის მიზნისა და მისი შესრულების შესახებ. ამიტომ ცხადია, ამ კანონს არავითარი კავშირი არ აქვს გამჭვირვალობასთან. ეს არის კრიტიკული აზრის, კრიტიკული მედიისა და სამოქალაქო სექტორის გაჩუმების მცდელობა, რომელსაც იმედია, რომ ჩვენ არ დავუშვებთ“.

„უცხოური გავლენის გამჭვირვალობის შესახებ“ რუსული კანონის საკომიტეტო განხილვა ორშაბათს, 15 აპრილს გაიმართება. საკომიტეტო მოსმენის პარალელურად, თბილისში საპროტესტო აქციაა დაგეგმილი.

„ქართულმა ოცნებამ“ რუსული კანონი საკანონმდებლო ორგანოში მეორედ წარადგინა. ამჯერად კანონის პროექტში ტერმინი „უცხოური აგენტი“ ჩანაცვლდება ფრაზით - „უცხოური ძალის ინტერესების გამტარებელი ორგანიზაცია“. ტერმინში - „უცხოური ძალა“ კი იგულისხმება ისეთი ფონდი, ასოციაცია, კორპორაცია, კავშირი და ა.შ. რომელიც დაფუძნებულია უცხო სახელმწიფოს ან საერთაშორისო სამართლის საფუძველზე.

გასულ წელს მასობრივი საპროტესტო გამოსვლების ფონზე ხელისუფლებამ „რუსული კანონი“ უკან გაიწვია და მთელი წლის განმავლობაში ამტკიცებდა, რომ მას აღარ მიუბრუნდებოდა. მმართველი პარტია ამჯერად მისი მიღებას მიმდინარე სესიის ბოლომდე აანონსებს. რეგლამენტის თანახმად, კი საგაზაფხულო სესია ივნისის ბოლოს იხურება.

მმართველი პარტიის მიერ დარეგისტრირებული „რუსული კანონის“ პროექტის მიხედვით, „უცხოური ძალის ინტერესების გამტარებელ ორგანიზაციად“ მედიაგამოცემებიც მიიჩნევა. მათ საჯარო რეესტრში დარეგისტრირება კანონის მიღებიდან რამდენიმე თვეში მოუწევთ. თავის არიდება ან დადგენილ ვადაში საფინანსო დეკლარაციის არ წარდგენა კი გამოიწვევს ჯარიმას 25 000 ლარით. განსაზღვრულია სხვა ოდენობის ჯარიმებიც.

„რუსული კანონი“ იძლევა პროექტით განსაზღვრული მოთხოვნების შესრულების მონიტორინგის შესაძლებლობასაც. მათ შორის ამის საფუძველი შეიძლება გახდეს იუსტიციის სამინისტროსთვის წარდგენილი განცხადება კონკრეტულ ორგანიზაციაზე სათანადო მინიშნებით.

„უცხოური ძალის ინტერესების გამტარებელ ორგანიზაციად“ განისაზღვრება მედიასაშუალებები:

- ისეთი არასამეწარმეო (არაკომერციული) იურიდიული პირი, [რომელიც არ არის დაფუძნებული ადმინისტრაციული ორგანოს მიერ] რომელმაც 1 წლის განმავლობაში შემოსავლის 20%-ზე მეტი საზღვარგარეთიდან მიიღო.

- ისეთი მაუწყებელი, რომელმაც 1 წლის შემოსავლის 20%-ზე მეტი საზღვარგარეთიდან მიიღო.

- ისეთი იურიდიული პირი, რომელიც ერთპიროვნულად ან სხვასთან ერთად ფლობს ბეჭდურ მედია საშუალებას და 1 წლის შემოსავლის 20%-ზე მეტი საზღვარგარეთიდან მიიღო.

- ისეთი იურიდიული პირი, რომელიც ერთპიროვნულად ან სხვასთან ერთად ფლობს ან/და იყენებს მასობრივი ინფორმაციის სახელმწიფო ენაზე გამავრცელებელი ინტერნეტსაშუალებისთვის განკუთვნილ ინტერნეტდომენს ან/და ინტერნეტჰოსტინგს და რომელმაც 1 წლის განმავლობაში შემოსავლის 20%-ზე მეტი საზღვარგარეთიდან მიიღო.

12.04.2024

ვრცლად

რუსული კანონის მიღების შემთხვევაში „რედაქციის დაკეტვა მოგვიწევს, ხელისუფლების მიზანიც სწორედ ესაა. ჩაახშოს და გააქროს რეგიონში კრიტიკული აზრი“, - „სამხრეთის კარიბჭე“

კატეგორია - საქართველო

„სამხრეთის კარიბჭე“ ერთ-ერთი ის მედია გამოცემაა, რომელიც ხელისუფლების მიერ ხელმეორედ ინიცირებულ „უცხოური გავლენის გამჭვირვალობის შესახებ“ რუსულ კანონს აპროტესტებს და „უცხო ძალის ინტერესების გამტარებელ ორგანიზაციად“ დარეგისტრირებას არ აპირებს.

Sknews.ge საინფორმაციო პორტალია სამცხე-ჯავახეთიდან, რომელიც გაზეთ „სამხრეთის კარიბჭეს“ ბაზაზე შეიქმნა. გაზეთის დაარსებას ხელი „ომისა და მშვიდობის გაშუქების ინსტიტუტმა“ (IWPR) შეუწყო. პორტალი კი „ფონდი ღია საზოგადოება -საქართველო“-ს ფინანსური მხარდაჭერით შეიქმნა. ვებ გვერდზე გამოქვეყნებული ხედვის მიხედვით, Sknews.ge „მხარს უჭერს სამოქალაქო ინიციატივებს; ხელს უწყობს ახალგაზრდების გააქტიურებას; ამკვიდრებს რეგიონში სამოქალაქო ჟურნალისტიკას; ხელს უწყობს რეგიონის სომხურენოვანი მოსახლეობის ინფორმირებულობის გაზრდას და მათ ინტეგრირებას ქართულ საზოგადოებაში; ხელ უწყობს მოსახლეობის წინაშე ხელისუფლების ანგარიშვალდებულების გაზრდას და დემოკრატიული ღირებულებების დამკვიდრებას“.

„ქართული ოცნების“ „რუსული კანონი“ საფრთხეს სწორედ ისეთ დამოუკიდებელ მედია საშუალებებს უქმნის, რომლებიც უმეტესწილად საერთაშორისო დონორებისგან ფინანსდებიან. არსებობის პრობლემა ექმნებათ რეგიონულ მედიებსაც, რომლებსაც სხვა გამოწვევებიც უხვად აქვთ, არადა მათ რეგიონისა და მათი მაცხოვრებლებისთვის სასიცოცხლო მნიშვნელობა ენიჭებათ.

როგორც „სამხრეთის კარიბჭის“ რედაქტორი, თინათინ ზაზაძე „მედიაჩეკერთან“ ინტერვიუში ამბობს, პორტალი სამცხე–ჯავახეთის მოსახლეობას ახალ ამბებს ამ დრომდე როგორც ქართულ, ისე სომხურ ენაზე აწვდის. sknews.ge-ის დონორები კი სხვადასხვა წლებში სხვადასხვა იყო, ძირითადად ,,დემოკრატიის ეროვნული ფონდი“ (NED) , „ფონდი ღია საზოგადოება -საქართველო“ და Deutsche Welle (DW) . ამჯერად, მათი დამფინანსებელი BBC MA და „ევროპის ფონდია“. თინათინ ზაზაძის განმარტებით, მათ მცირე სარეკლამო შემოსავალი აქვთ.

რეგიონისა და მისი მაცხოვრებლებისთვის “სამხრეთის კარიბჭის“ მნიშვნელობაზე კითხვის საპასუხოდ ზაზაძე ამბობს: „,,სამხრეთის კარიბჭე“ იყო რეგიონში პირველი ორენოვანი გაზეთი და მახსოვს ის დღეები, როცა სოფლებში ხდებოდა გავრცელება, დღითიდღე როგორ იზრდებოდა ხელმომწერთა რიცხვი. ყოველდღიურად ცალკე სოციალურ ქსელში მოგვდის წერილები დახმარების თხოვნით, ოფისში ყოველდღიურად გვაკითხავს მოსახლეობა, რაც ნიშანია იმისა, რომ მათ სჭირდებათ „სამხრეთის კარიბჭე“ და ისინი გვენდობიან“. მან ინტერვიუს დროს ჭელის მეჩეთთან დაკავშირებული ამბავიც გაიხსენა.

„მედიაჩეკერთან“ ისაუბრა მისმა წინამძღარმა ჯამბულ აბულაძემაც: „„სამხრეთის კარიბჭე“ ჩვენთვის სასიცოცხლოდ მნიშვნელოვანი მედია პლატფორმაა. მასთან მჭიდრო ურთიერთობა გვაქვს 2013 წლიდან, ჭელის მინარეთის გარშემო განვითარებული მოვლენების შემდეგ. მაშინ „სამხრეთის კარიბჭე“ პირველი იყო, ვინც ეს ამბავი გაახმაურა და რომ არა ისინი, შესაძლებელია მოქმედება სულ სხვაგვარად, გაცილებით უფრო მძიმედ განვითარებულიყო. სახელმწიფოს შესაძლებელია, გაცილებით უფრო მეტი, ზედმეტი ძალა გამოეყენებინა. საერთოდ დამოუკიდებელი მედია პლატფორმების როლი ძალიან დიდია, ახლანდელი ადიგენის შემთხვევას გავიხსენებ, აქაც ეს მედიები რომ არ აშუქებდნენ ამგვარ შემთხვევებს, არავინ იცის რა იქნებოდა.“

როგორ აისახება რუსული კანონის მიღება „სამხრეთის კარიბჭეზე“?

თინათინ ზაზაძე, რედაქტორი: „დავიწყებ იმით, რომ დარეგისტრირებას არ ვაპირებთ, ეს არის ჩვენი გუნდის ერთსულოვანი გადაწყვეტილება. ვერ წარმომიდგენია გვერქვას „უცხოური ინტერესების გამტარებელი ორგანიზაცია“.

წარმოიდგინეთ, ავდივართ მაღალმთიან სოფელში და იქ ხალხმა თავისი პრობლემების შესახებ უნდა მოგვიყვეს. ახლა დავსვამ კითხვას, რატომ უნდა გვენდონ ჩვენ უცხო ქვეყნის ინტერესების გამტარებლებს და გვესაუბრონ ქვეყანაში არსებულ პრობლემებზე? შეიძლება ერთ წელში ამ კანონის შესახებ ვერ გაიგონ, მაგრამ მეორე, მესამე წელს ხომ ყველას ეცოდინება, რომ ჩვენ, ჟურნალისტები ვართ უცხო ქვეყნის ინტერესების გამტარებლები და თავიანთი ქვეყნის ინტერესებიდან გამომდინარე მოსახლეობა ჩაიკეტება.

ახლა როცა საჯარო სამსახურებიდან ვერ ვიღებთ საჯარო ინფორმაციას თვეობით, ძალიან უხერხულია ჩვენს გამჭირვალობაზე საუბარი, რადგან სულ მცირე ოთხი კანონი არეგულირებს არასამთავრობო სექტორისა და მედიის გამჭვირვალობას.

ხელმოწერა ნიშნავს, ვეთანხმებით იმას, რასაც წლების განმავლობაში ვებრძვით და ვეწინააღმდეგებით. ჩვენი ფინანსები ისედაც გამჭვირვალეა, ამას ყოველთვიურად ამოწმებს არაერთი სახელმწიფო უწყება.

არ დარეგისტრირების შემთხვევაში დავჯარიმდებით, რისი გადახდის საშუალებაც მედიას არ აქვს. საბოლოოდ, რედაქციის დაკეტვა მოგვიწევს, ხელისუფლების მიზანიც სწორედ ესაა. ჩაახშოს და გააქროს რეგიონში კრიტიკული აზრი.

ამ ვითარებაში ბუნებრივია ვეღარ შევძლებთ იმ ადამიანების დახმარებას, ვისთვისაც სასიცოცხლოდ მნიშვნელოვანია ჩვენი, დამოუკიდებელი და ობიექტური მედიის არსებობა.

ხელისუფლებამ ამისთვის მზადება დიდი ხნის წინ დაიწყო, კრიტიკული მედიისთვის ჩაიკეტა ყველა სახელმწიფო უწყება, ინფორმაციას ვერ ვიღებთ ვერც წერილობით გამოთხოვნის შემთხვევაში. მიზანმიმართული ცრუ კამპანიით ცდილობენ მოქალაქეები შეცდომაში შეიყვანონ“.